Connect with us

تازه خبرونه

په زندانونو کې د ښځو جنسي ځورونه کیږي- افضلي

خپور شوی

د

(Last Updated On: لړم ۲, ۱۴۰۱)

د افغانستان رونټیا څار ادارې په راپور کې راغلي، چې د څرخي پله، بغلان او میدان وردګو د زندانونو حالت څېړل شوی او په ډاګه کوي، چې زندانونه د ربړونې او د بشري حقونو د سرغړاوي پر مرکزونو اوښتي او د زندانونو روغتیایي برخې ته پام نه کیږي. ودانۍ یې پر معیار برابرې نه دي او د بندیانو وضعیت د اندېښنې وړ دی؛ خو هغه څه، چې په دې راپورکې یاد شوي او ډېر ټینګار پرې شوی، په زندانونو کې له ښځو جنسي ګټه ده.

د افغانستان د روڼتیا څار رییس سید اکرام افضلي د زندانونو حالت له ناورین ډک بولي او وایي، له زندانونه اوس د ځورونې مرکزونه جوړ شوي، چې باید د اصلاح مرکزونه شي. دغه راز مخدره توکي په کې پلورل کیږي او ان پر مبایل او ګرځندوي خبرې یو شمېر کسانو ته د ګټې وټې سرچینه شوې ده.      

د افغانستان د عدالت موسسې رییسه لیلما ناصري ویلي، چې ډېر کله داسې هم شوي، چې ساتونکي دې کارته زمینه برابروي او له بندي ښځو جنسي ګټه پورته کیږي.           

په دې راپورکې دغه راز راغلي، چې د زندانونو په جوړولو کې میلیونونه دالر بې ځایه لګول شوي او د بندیانو حالت په کې د ناورین تر کچې رسیدلی دی.

کورنیو چارو وزارت د ویاند د دفتر سرپرست نجیب دانش دې راپور ته په غبرګون کې ویلي، چې ستونزې په زندانونو کې شته. مونږ هڅه کوو، چې له بشرحقونو سرغړونې او ستونزې حل کړو.

د دې راپور په بلې برخه کې راغلي، چې ځینې بندیان د زندان دورې له پای ته رسولو وروسته په عدلي او قضایی ادارو کې د پراخ فساد د شتون په دلیل په بند کې دي او که د بندیانو شمېره کمه نه شي، تر ۲۰۱۸ کال پورې به د بندیانو شمېر اتیا زرو ته لوړ شي.

خبریال: فواد ناصري

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!