Connect with us

تازه خبرونه

په افغانستان کې تر ۴۵ سلنه پورې نفوس له لوږې سره مخ دی

خپور شوی

د

(Last Updated On: لړم ۲, ۱۴۰۱)

د لوږې د له منځه وړلو ځانګړې کمیتې په خپل کلني راپور کی په ډاګه کړې، چې د افغانستان له ۳۵ څخه تر ۴۵ سلنه نفوس د لوږې له ګواښ سره مخ دی.

د امین ارسلا تر مشری لاندی په هېواد کی له لوږې سره د مبارزی د کمیتې لخوا په چمتو شوي راپور کې راغلي، چې د افغانستان نږدې څلوېښت سلنه نفوس د لوږې له ګواښ سره مخ دی.

د ولږی د له منځه وړلو د ځانګړې کمیتې مشر امین ارسلا وایي، مونږ په دغه راپور کې اووه لس لومړیتوبونه دولت او نړیوالی ټولنې ته وړاندې کړي، چی تر ۲۰۳۰ کال پوری به تر یوه بریده د لوږې د له منځه وړلو سبب شي.

نوموړی زیاتوي، په تېر یوه کال کې یې د هېواد په ۲۴ ولایتونو کې له بېلابېلو خلکو سره  د مرکو پر بنسټ دغه راپور برابر کړی دی.

د کرنې وزارت د کرنیز سکتور پیاوړتیا د لوږې د له منځه وړلو اصلي سرچینه بولي.

د کرنی او مالداری وزارت سرپرست نصیر احمد درانی وایي؛ تر هغې، چی د هېواد پر کرنیز سکتور پانګونه او د کورنیو محصولاتو ګټه پورته کول ډاډمن نه شي د لوږې د ستونزې له حل سره مبارزه ناشونې ده.

نوموړی زیاتوي، خصوصي سکتور او سوداګر باید د کورنیو محصولاتو او تولیداتو په سوداکرۍ کې همکاري زیاته کړي، چې د بزګرو او کرنیز سکتور د پراخیتیا لامل شي.

د یادونی وړ ده، چې د تېرو څو کلنو په پرتله په هېواد کې د لوږې د پراختیا لړی څه نا څه را ټیټه شوې؛ خو بیا هم د اندېښنی وړ ده. په ۲۰۰۴ کال کی د هېواد یو شپېته سلنه، په  ۲۰۱۳ کی یو څلویښت سلنه او په ۲۰۱۶ کال کې شاوخوا څلوېښت سلنه ښودل شوې ده.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!