عاجل خبرونه

په بلخ ولایت کې د عاشورا مراسم خوندي تر سره شول

(Last Updated On: October 1, 2017)

د عاشورا مراسم د مزار شریف په بېلا بېلو برخو کې خوندي ترسره او په زرګونه ښځينه او نرینه  ویرجنو د محرام الحرام لسمې یا د عاشورا د ورځې د نمانځنې په مراسمو کې د ګډون په موخه جوماتونو او تکیه خانو ته ولاړل.

سږ کال د ښآر په عمومي ځآیونو او سړکونو کې د ویر ځایونه ځانګړي شوي وه. سره له دې، چې امنیتي ګواښونه هم موجود دي؛ خو سږ کال هم د محرم الحرام پر لسمه زرګونه خلک سړکونو ته ووتل او دغه مراسم په شانداره توګه په بېلا بېلو برخو کې ونمانځل شول.

د بلخ امنیه قومندانۍ د امنیت امر عبدالرزاق قادري   د دغو مراسمو له ترسره کیدو وړاندې خلکو ته ډاډ ورکړی و، چې د عاشورا د مراسمو د نمانځلو لپاره کافي سرتېري پر دندو ګمارل شوي دي.

په روضې مبارکه کې هم دغه مراسم ونمانځل شول، چې د ویناوالو خبرې په داعش ډلې ورټولې وې. دوی د دغې ډلې لخوا د سلګونه بیګناه انسانانو پر وژل کیدو اندېښنه ښیي او د افغانستان قومونه او پرګڼۍ یووالي ته رابولي.

د عاشورا د مراسمو د ترسره کیدو لپاره امنیتي تدابیر له څو ورځو وړاندې د امنیتي ځواکونو لخوا نیول شوي وه.

نن ټوله ورځ  سړکونه د ترافیکو پر مخ تړل شوي وه او یو شمېر خلکو بانکونو ته په زرګونه لیتره وینه ورکړه.

About Ariana News

Avatar

Check Also

امریکا د سولې په چارو کې له افغانستان سره دریدلې ده – پمپیو

(Last Updated On: December 12, 2019)د امریکا د بهرنیو چارو وزیر مایک پامپیو د چهارشنبې …