تازه خبرونه
په افغانستان کې د سولې له خبرو سره د تاوتریخوالي کچه هم راټیټیږي
د امریکا د بهرنیو چارو وزیر هند ته په سفر کې هیله څرګنده ګړې، چې په افغانستان کې د سولې له خبرو سره جوخت تاوتریخوالی کموالی ومومي او د افغانانو خپلمنځي خبرو زمینه به برابره شي.
د امریکا د متحدو ایالتونو د بهرنیو چارو وزیر مایک پمپیو وايي: هیله من یو، چې په افغانستان کې ټول سیاسي لوري، حکومت او غیر حکومتي مشران او طالبان یوې پایلې ته ورسیږي؛ تاوتریخوالی کموالی ومومي، د اوربند او د افغانانو او د هغوی د مشرانو تر منځ د اوربند سبب شي.
مایک پمپيو زیاتوي؛ تمه ده، چې ټول لوري د حکومت او طالبانو په ګډون په اوربند او د افغانانو په خپلمنځي خبرو کې یوې پایلې ته ورسیږي.
د هند د بهرنیو چارو وزیر جي شنکر ویلي، چې هند د افغانستان د راتلوونکي په تړاو اندېښمن دی. په افغانستان کې باید د پخلاینې بهیر د افغانانو په مشرۍ وي او هغه لاسته راوړنې، چې په تېرو دوه لسیزو کې تر لاسه شوي؛ د سولې په خبرو کې خوندي شي.
دغه راز د افغانستان د سولې لپاره د امریکا ځانګړي استازي د حکومت له مشرانو، سیاسي څېرو او په کابل کې د ښځو له ځینو استازیو سره له لیدنې وروسته په یوه تویت کې ویلي، چې د سولې په خبرو اترو کې یو مهم پړاو ته نږدې شوی دی.
ده ویلي، د تاوتریخوالي د کموالي او افغانانو د خپلمنځي خبرو په تړاو یې ګټورې مشورې درلودې.
د سولې عالي شورا مرستیالې حبیبه سرابۍ له خلیلزاد سره د لیدنې په اړه وایي؛ له خلیلزاد سره مو ټینګار داو، چې د خبرو له پیل مخکې دې اوربند شي او اسلامي امارت د ښځو لپاره د منلو وړ ندی.
د ولسمشر د ویاند مرستیاله درانۍ وزیرۍ وایي، چې د خبرو له پیل مخکې دې د تاوتریخوالي کچه راټیټه شي.
پخوانی جهادي قومندان محمد اسماعیل خان ویلي، دوی له حامد کرزي سره په همغږي کې د افغانانو او طالبانو د خبرو لپاره پر یوې نوې طرحې کا پیل کړی دی.
دا په داسې حال کې ده، چې طالب استازي له خپلو مشرانو سره د اوربند د ټینګښت پر څرنګوالي او د تاوتریخوالي پر کمیدو سلا مشورې کوي او تمه ده، چې زلمی خلیلزاد بېرته قطرته ولاړ شي او له طالبانو سره د سولې د هوکړه لیک د لاسلیک نېټه معلومه کړي.
دا په داسې حال کې ده، چې د ایران د امنیت عالي شورا مشر علي شمخاني تېره ورځ (د لیندۍ ۲۷) د سیمې په یوه امنیتي کنفرانس کې ويلي؛ هره تګلاره، پرېکړه اویا پروګرام چې د افغانستان د خلکو له ګډون پرته وي، ناسم دی او ناکامیږي؛ ځکه دا سمه ده، چې طالبان د افغانستان یو حقیقت دي، خو آیا رښتیا هم ټول افغانان طالبان دي؟ نه.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ23 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی24 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري