تازه خبرونه
په افغانستان کې ۷۵۰ زره کسان په نوې غلامۍ کې ښکېل شوي
افغانستان د خپل نفوس په تناسب د اووه نیم سوه زره غلامانو په لرلو په نړۍ کې هغه هېواد دی، چې ډېر غلامان لري.
بیات بنیاد د دوشنبې پر ورځ( د لړم ۱۳) د بیات په رسنیز مرکز کې د آسترالیا سفارت او ځینو نورو بنسټونو په همکارۍ د پرمختللې غلامۍ د له منځه وړلو پر لارو چارو یوه ناسته تر سره کړه او د ناستې ګډونوالو ویلي، چې که څه هم غلامي په ټوله نړۍ کې منع ده؛ خو بیا هم په نړۍ کې څلویښت میلیون غلامان شته، چې افغانستان په هغو لس هېوادونو کې دی، چې ډېر غلامان لري. جبري ودونه، سخت کارونه، د آزادۍ سلبول او د انسان قاچاق د پرمختللې غلامې بېلګې دي.
بیات بنیاد، چې له ځینو بنسټونو سره په دې تړاو یوه ناسته جوړه کړې وه؛ وزګارتیا، نالوستي او د عامه پوهاوي نشتوالی د دې ستونزې د پراختیا لوی عوامل وګڼل شول.
د واک فري د راپور له مخې؛ دا مهال په نړۍ کې له څلویښت میلیون ډېر غلامان شته، چې یواویا سلنه یې ښځې او نجونې دي.
د بیات بنیاد لوی رییس داکتر احسان الله بیات ویلي؛ مونږ باید د یوه مشروع چوکات له مخې د پرمختللې غلامۍ، انساني قاچاق او جبري کارونو په مخنیوي کې دولت وهڅوو. افغان سوداګر، انتفاعي او غیر انتفاعي سازمانونه باید د پرمختللې غلامۍ د له منځه وړلو لپاره ګټورې هڅې وکړي.
په افغانستان کې د آسترالیا سفیر هم ټینګار کوي، چې د غلامۍ د له منځه وړلو لپاره باید هېوادونه، ملي او نړیوال بنسټونه په ګډه د دې ستونزې د له منځه وړلو لپاره مټې راونغاړي.
په افغانستان کې د آسترالیا سفیر جیف توت ویلي؛ حکومتونه اړ دي، چې له ځان څخه مشرتوب وښیي، حکومتونه د پراخو بدلونونو رامنځته کولو ته اړتیا لري او اړینه ده، چې د انساني قاچاق او پرمختللې غلامي د له منځه وړو لپاره مشروع کړنلارې جوړې کړي.
د بیات بنیاد د پروژو مدیره مریم بیات څرګنده کړې: مونږ باید هغه ماشومان، چې د سختو کارونو لپاره کارول کیږي، وژغورو؛ ځکه همدا ماشومان د افغانستان راتلوونکی دي. افغان ماشومانو او د ټولنې له نورو پوړیو سره مرسته د ځلانده راتلوونکې د جوړولو لپاره هغه دلیل دی، چې زما کورنۍ بیات بنیاد په ۲۰۰۶ کال کې جوړ کړ.
په همدې حال کې ځینې کسان کافي زدکړو ته لاسرسی او د کار نشتوالی دوه مهم عناصر بولي، چې په افغانستان کې د غلامۍ لپاره ترې کار اخیستل کیږي.
د کابل پوهنتون رییس حمید الله فاروقي ویلي؛ له بده مرغه مونږ سل په سلو کې هغو کسانو ته، چې له دولسم ټولګیو فارغیږي د کار کولو زمینه نه شو برابرولی، خو زمونږ دولت هغوی ته د ډېر فرصت برابرولو په هڅه کې دی.
د مدني ټولنو د شبکې رییس عزیز رفیعي وایي، چې د خلکو پوهاوی ډېر مهم دی. نن اصلاً خلک نه پوهیږي، چې آیا ترې ناوړه استفاده کیږي او که نه؟ آیا ترې جنسي استفاده کیږي او یا نه؟ او آیا هغوی غلامان دي او که نه؟
د راپورونو له مخې، د نړۍ په کچه د شاوخوا څلوېښت میلیون غلامانو له ډلې۷۱ سلنه یې نجونې، ښځې او شاوخوا لس سلنه نور ماشومان دي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو