عاجل خبرونه

په بګرام کې د بهرنیو ځواکونو پر مرکز توغندیز بریدونه شوي

(Last Updated On: May 23, 2019)

د پروان ولایت په بګرام ولسوالۍ کې د پرېکنده ملاتړ ماموریت ځواکونو پر پوځي مرکز تېره شپه توغندیز بریدونه تر سره شوي دي.

د پروان ولایت د امنیه قومندانۍ د امنیت آمر عبدالواسع رحیمی منلې، چې تېره شپه د بګرام پر هوایي ډګر توغندي توغول شوي دي.

د ښاغلي رحیمي د څرګندونو له مخې؛ له دغه توغندیز برید وروسته د پرېکنده ملاتړ ماموریت هوایي ځواکونو د بګرام ولسوالۍ د قلندر خېلو دښتې پر کلي هوایي بریدونه کړي دي.  

نوموړي د دغې پېښې د ځاني زیان په اړه څه ندي ویلي.

پر بګرام هوایي ډګر د توغندیزو بریدونو په اړه هیچا څه ندي ویلي.

دغه راز د پروان پولیسو د یو لوړپوړي طالب له نیولو خبر ورکوي. د دغه ولایت د امنیه قومندانۍ ویاند سلیم نوري ویلي، چې نیول شوی طالب حمیدالله نومیږي او د دې ولایت د شینوارو په اړوند سیمه کې له خپلې وسلې سره نیول شوی دی.

ویل کیږي، چې نیول شوي طالب چارواکي د دغه او غور ولایتونو د اړوند سیمو په بریدونو کې لاس درلود.

طالبانو تر دې دمه په دې اړه څه ندي ویلي.

About Ariana News

Avatar

Check Also

که امریکا خپلو ژمنو ته ژمنه پاتې نشي، جګړه به وغزوو- د طالبانو ګواښ

(Last Updated On: August 20, 2019)د طالبانو د سیاسي دفتر ویاند سهیل شاهین آریانا نیوز …