Connect with us

تازه خبرونه

په افغانستان کې تر ۳۵ زره ټنه پورې جغلوزي تولیدیدلی شي

خپور شوی

د

(Last Updated On: لړم ۳, ۱۴۰۱)

د کرنې او مالدارۍ وزارت وايي، په افغانستان کې له درویشت زره څخه تر پېنځه دېرش زره ټنه پورې تور جلغوزي تولیدیدلی شي.

د کرنې او مالدارۍ وزیر د هېواد د جلغوزیو د صادارتو د اتحاديې له مسوولینو سره په هېواد کې د جلغوزیو د صنعت د پراختیا او په دې برخه کې د دولتي او خصوصي سکتور د ګډې پانګونې او همکاریو په اړه خبرې کړې دي.

د کرنې وزارت ویلي؛ تر اوسه له هېواده بهر نږدې ۱۳۷۲ ټنه جغلوزي صادر شوي دي.

د کرنې، اوبو لګولو او مالدارۍ وزیر زیاتوي، په هېواد کې د جلغوزیو د تولید وړتیا لوړ وو او په دې برخه کې باید ډېر کار ترسره شي.

د کرنې، اوبو لګولو او مالدارۍ وزیر نصیراحمد درانی څرګندوي؛ په هېواد کې مو له ۲۳ زره  څخه تر ۳۵ زره ټن پورې د جلغوزیو د تولید وړتیا شته، چې که په اوسنۍ بیه محاسبه شي ۳۵ زره ټنه د کال یو اعشاریه څلور میلیارد دالر جوړوي.

د سوداګرۍ خوني مسوولین هم وايي، چې پر چین سربېره د افغانستان جلغوزیو او زعفرانو د صادراتو لپاره ترکیه هم لیواله شوې، چې له افغانستان سره اړوند سوداګري پیل کړي.

د سوداګرۍ خونې عامل پلاوي رییس عتیق الله نصرت وایي، چې د کرنې وزارت د کرنیزو محصولاتو لپاره ډېر کار کړی؛ نو، ځکه نړیوال اوس د افغانستان د تولیداتو لپاره لیواله دي. مونږ هڅه کوو، چې په راتلونکي کې د جلغوزیو سوداګري نوره هم پراخه شي. 

د هېواد د جلغوزیو د صادراتو ټولنې مسوولین وايي، که څه هم تر یوه بریده افغان حکومت په دې برخه کې کار کړی؛ خو د وزارتونو او ادارو ترمنځ نه همغږۍ یو لړ ستونزې راپورته کړې دي.

د جلغوز یو د اتحاديې رییس یحیا خان ځدارڼ وایي، چې تر اوسه پورې د ادارو تر منځ  د نه همغږۍ له کبله زمونږ ستونزې سمې حل شوي ندي ؛ خو مونږ هڅه کوو، چې په پکتیا کې د جلغوزيو د پروسس په برخه کې پانګوال پانګونې ته را جذب کړو.

د چارو شنونکي وايي؛ که افغان حکومت وتوانیږي، چې د جلغوزیو د پروسس په برخه کې پانګو نه جذب کړي؛ نو لدې سره به مو په هېواد کې لسګونه زره کسانو ته د کار زمینه برابره شي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!