تازه خبرونه
په افغانستان کې د امریکا روانه ۱۷ کلنه جګړه ناکامه ده
د امریکا پیو نومی څېړنیز مرکز وایي؛ د امریکا شاوخوا نیمایي ځوانان باوري دي، چې امریکا په افغانستان کې په خپل اووه لس کلن حضور کې اوس هم خپلو موخو ته نده رسیدلې.
اووه لس کاله مخکې پر همدې ورځ امریکایي ځواکونو په افغانستان کې د القاعده او طالبانو پر ضد پراخ عملیات پیل کړل؛ خو دا دی د اووه لس کلونو پر تېرېدو اوس هم القاعده او طالبان هڅې لري. په داسې حال کې، چې زرګونه بهرني سرتېري او لسګونه زره افغان ځواکونه په دې موده کې ووژل شول او میلیاردونه دالر هم ولګیدل.
افغان کارپوهان هم د افغانستان لپاره د امریکا تګلاره ناکامه بولي.
د افغانستان د ملي امنیت شورا پخوانی سلاکار وایي، د افغانستان لپاره د ترمپ تګلارې مثبته پایله نلري.
د افغانستان د ملي امنیت شورا پخوانی سلاکار رنګین دادفرسپنتا وایي، د ترمپ نوې تګلارې د افغانستان په امنیتي حالت کې د پام وړ بدلون ندی راوستی او اوس هم هېواد بې ثباته دی.
دغه راز د پاکستان د بهرنیو چارو وزیر شاه محمود قریشي امریکا ته یو لړ نصیحتونه کوي او وایي، امریکا باید له پاکستان سره خپلې اړیکې د افغانستان مسالې ته په پام او د هند له عینکو ونه ویني او دا تېروتنه ده، چې تمه ولرو د امریکا او پاکستان تر منځ دې ټول توپیرونه په یوه ورځ کې حل شي.
شنوونکي وایي، په افغانستان کې جګړه؛ ځکه دوام لري، چې پاکستان له ترهګرو ملاتړ کوي.
سیاسي شنوونکی نصرت الله حقپال په دې باور دی، چې اړتیا ده د جګړې تګلاره بدله شي.
د نوموړي د څرګندونو له مخې افغانانو د مخدره توکو، بیارغونې او د تروریزم په وړاندې په مبارزه کې د پام وړ لاسته راوړنه نلري او نه یې په اړه کومه اراده شته.
ګارډین بریتانوي ورځپاڼې د یوه راپور په خپرولو څرګنده کړې، چې په تېرو اووه لس کلونو کې دوه سوه اووه لس زره افغانان وژل شوي دي.
د دغه راپور له مخې؛ په ۲۰۰۱ کال کې د امریکا په مشرۍ د ناتو ځواکونو تر حضور وروسته تېرو اووه لس کلونو کې درې زره پېنځه سوه شپږ څلویښت بهرني سرتېري وژل سوي دي.
خبریال: روهید اندیشمند
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی3 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ24 hours ago
امريکا او متحدین یې پر ايران د نورو بنديزونو لګولو هڅې کوي