تازه خبرونه
که اوربند وغزیږي له وسلوالو طالبانو سره به پر مهمو مسایلو خبرې وشي
د وسلوالو طالبانو لخوا د اختر په درې ورځو کې د اوربند هرکلي په خلکو او دولتي چارواکو کې د سولې او ثبات هیلې راټوکولي دي.
د افغانستان د حکومت د اته ورځني اوربند په درشل کې طالب ویاند ذبیح الله مجاهد له آریانا نیوز سره په خبرو کې ویلي؛ هغه شمېر بندیان، چې له مونږ سره په زندانونو کې دي کولی شي تضمین ورکړي او خپل عادي ژوندانه ته وروګرزي. دغه راز په ولایتونو کې ټولو مسوولینو ته د دغو سرتېرو په اړه د څېړنو د بشپړولو سپارښتنه شوې، چې رهبري پرې خبره او د خوشې کیدو پرېکړه یې تر سره کړي.
اوس پوښتنه داده، چې آیا په اختر کې اوربند به دواړه ښکېلې خواوې د سولې په اړه د خبرو اترو میز ته راکاږي؟
د ملي دفاع وزارت د وسلوالو طالبانو دغه ګام ته په احتیاط غبرګون ښيي او وايي، که اوربند وغزیږي، له وسلوالو طالبانو سره به د زندانیانو د خوشي کولو په ګډون پر نورو مهمو مسایلو هم خبرې وشي.
د ملي دفاع وزارت د ویاند د دفتر سرپرست محمد رادمنش وایي، چې: که همغږي رامنځته شي او اوربند وغزیږي؛ کیدی شي، چې نور مهم مسایل هم د خبرو پر میز راپورته شي؛ خو اوس د اوربند غوښتنه د ټینګار وړ ده.
د ملي وحدت حکومت اجرائيه رييس عبدالله عبدالله وایي: د اوربند اعلام د افغانستان د ټولو خلکو له تود هرکلي سره مخ شوی دی. زمونږ ټینګار تل داو، چې جګړه د هېواد د دښمنانو په ګټه ده او په سوله کې د افغانستان خلک وروستي ګټونکي دي.
د وسلوالو طالبانو پخوانی غړی او سیاسي شنونکی نظر محمد مطمین وایي: د دې لپاره، چې اوربند په راتلونکي کې اصلاح او روان وساتل شي؛ ښه به وي، چې د حکومت او طالبانو تر منځ بندیان تبادله شي. دا کار د دواړو خواوو تر منځ باور ډېروي او دا ډېر ښه پرمختګ دی.
ولس، چې له کلونو راهیسې د جګړو په اور کې کړیږي، درې ورځې اوربند هم لوی غنمیت ګڼي.
د مزار شریف اوسیدونکی سجاد وایي: خوښ یم، چې د اوربند په اړه څرګندونې رامنځته شوې؛ خو له دواړو خواوو غواړم، چې یاد اوربند وغزوي.
محمد اصغر نومی هېوادوال وایي: هیله من یم، چې تلپاتې سوله رامنځته شي. مونږ ټول هیله من یو، چې یوه ورځ ټول طالبان د سولې له بهیر سره یوځای شي.
ولسمشر غني افغان امنیتي ځواکونو ته امر کړی، چې د روژې له اووه ویشتمې نېټې، چې د سې شنبې له ورځې( د غبرګولي ۲۲) سره برابره ده، پر وسلوالو طالبانو خپل ټول بریدونه ودروي. د ولسمشر د دغه اوربند له اعلان یوه ورځ وروسته وسلوالو طالبانو هم اعلان وکړ، چې د اختر په درې ورځو کې به پر افغان ځواکونو بریدونه نه کوي.
خبریال: شاهپور فرهمند
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ