په جلال آباد ښار کې چاودنې ۱۱ کسانو ته مرګ و ژوبله اړولې

(Last Updated On: March 19, 2018 4:00 pm)

 

د ننګرهار ولایت چارواکو په ډاګه کړې، چې نن غرمه مهال د جلال آباد ښار په لومړۍ ناحیه کې بهسودو پله ته نږدې یوې چاودنې درې کسه ووژل او ۹ نور یې ټپیان کړي دي.

د ننګرهار والي ویاند عطاالله خویاني د څرګندونو له مخې؛ ټپیان د ننګرهار ولایت عامې روغتیا روغتون ته لیږدول شوي دي.

د نوموړي د څرګندونو له مخې؛ چاودیدونکي توکي په یو موترسایکل کې ځای پرځای شوي وه.

عیني شاهدانو ویلي، چې چاودنه په داسې مهال کې رامنځته شوې، چې خلکو د حزب اسلامي د رهبر ګلبدین حکمتیار د خبرو له اوریدو وروسته د غونډې سیمه پریښودله.

تر دې دمه د پېښې مسوولیت چا پر غاوه نه دی اخیستی.

دا په داسې حال کې ده، چې تېره ورځ په ولسي جرګه کې د ننګرهار د خلکو استازي عبدالظاهر قدیر د دغه ولایت د قومي مشرانو یوې رابلل شوې غونډې ته وویل، چې داعش ورځ تر بلې د پرمختګ په حال کې دی.

About Ariana News

Check Also

په بلخ کې له ۹ ورځني ځنډ وروسته د ټاکنو کمیسیون ور خلاص شو

(Last Updated On: September 23, 2018 2:19 pm) په بلخ کې د لوی ملي ائتلاف …