په افغانستان کې د ښځو د تلفاتو او تاوتریخوالې پر زیاتیدو اندېښنې ښکاره شوې

(Last Updated On: March 08, 2018 7:28 pm)

ملګرو ملتونو په افغانستان کې د ښځو د پیوستون په نړیواله ورځ کې د ټولنې د دې قشر په وړاندې د تاوتریخوالي او تلفاتو پر زیاتوالي اندېښنه ښودلې ده.

په افغانستان کې د ملګروملتونو د سازمان استازی رینو وایي؛ که څه هم ملکې تلفات کم شوي، خو په ټوله کې د ښځو تلفات لوړ دي، چې د پېچلو عملیاتو او ځانمرګو بریدونو له کبله رامنځته شوي او هغه هم هغه ښځې دي، چې په سپیڅلو ځآیونو کې وې.

 د افغانستان د بشر حقونو خپلواک کمیسیون په امنیتي بنسټونو کې د ښځو نه حضور د دوی نه خوندیتوب بولي.

د افغانستان د بشرحقونو خپلواک کمیسیون رییسه سیما سمر وایي، دفاع او کورنیو چارو وزارتونه د وضعیت د ښه کیدو لپاره ښځینه سرتېرې او پولیس په خپلو پلانونو کې نه داخلوي. ملي امنیت ریاست یې ښه بېلګه ده، چې یوه ښځینه کارکوونکې نلري؛ ځکه، چې دغه ریاست اوس هم په دې باور دی، چې ښځه  د امنیت او سولې په خوندی کولو کې مرسته نشي کولی.       

په کابل کې د امریکا سفارت په یو پيغام کې له افغان ښځو څخه پر ملاتړ ټینګار وشو.

په کابل کې د امریکا سفیر جان بس وایي، مونږ د افغان ښځو له مبارزو ملاتړ کوو او د هغوی او د افغانستان د ټولو خلکو ترڅنګ ولاړ یو.

په کابل کې د بریتانیې سفیر د سولې په خبرو کې د ښځو پر رول ټینګار وکړ.

په کابل کې د بریتانیا سفیر نیکولاس کې وایي، له طالبانو سره د سولې په خبرو کې د ښځو حقونه باید په پام کې ونیول شي. دغه راز د سولي په عالې شوار کې د تېر په پرتله د ښځو حضور باید پراخ شي.

په وروستیو کلونو کې د ښځو د حقونو په برخه کې یو څه پرمختګ شوي؛ خو اوس هم په لیرې پرتو سیمو کې ښځې له راز راز تاوتریخوالي او تلفاتو سره مخ دي او ان په بدو کې ورکول کیږي.

About Ariana News

Check Also

په بلخ کې له ۹ ورځني ځنډ وروسته د ټاکنو کمیسیون ور خلاص شو

(Last Updated On: September 23, 2018 2:19 pm) په بلخ کې د لوی ملي ائتلاف …