Connect with us

تازه خبرونه

په افغانستان کې لس خیریه بنسټونو خپل فعالیتونه درولي

خپور شوی

د

(Last Updated On: لړم ۲, ۱۴۰۱)

په افغانستان کې د لیرې پرتو سیمو لس خیریه بنسټونو د امنیتي ګواښونو د زیاتیدو پر دلیل خپل فعالیتونه درولي دي.

په ننګرهار کې د ماشومانو د ژغورنې پر اداره د داعشیانو له پروني برید وروسته دې بنسټ په افغانستان کې خپل فعالیتونه ځنډولي دي.

د ماشومانو د ژغورنې ادارې عملیاتي رییس کارلوس کارازانا څرګنده کړې؛ افغانستان یو له هغو هېوادونو دی، چې کار په کې ستونزمن شوی او په همدې خاطر مونږ د خپلو کارکوونکیو پر امنیت اندېښمن یو. که څه هم افغانستان ناامنه دی؛ خو اړتیا ده، چې د ماشومانو ژغورنې دفتر باید وي.

ملګرو ملتونو د ماشومانو د ژغورنې پر دفتر د چهارشنبې برید وغانده او د جګړې له ښکېلو خواوو غواړي، چې د ملکیانو او مرستندویانو ژوند ته پام وکړي.

د ملګرو ملتونو د سرمنشي ویاند ستیفن دوجاریک ویلي، چې د بشري حقونو سازمانونه په افغانستان کې  زیانمنو شویو ښځو او ماشومانو ته مرستې وړاندې کوي، مرستندویان هیڅکله باید د پوځي موخو په توګه په نښه نه شي.

د غیر دولتي موسسو د انسجام رییس احمدریاض صدیقي هم د مرستندویانو د فعالیتونو پر درېدو اندېښمن دی؛ خو وایي، چې د ناامنو سیمو دولس موسسو مونږ ته خپل ګزارش نه دی وړاندې کړی. له دې مخکې یې څه نا څه هڅې درلودې؛ خو اوس امنیتي ګواښونه ډېر شوي او پیسې هم نلري.

د کورنیو چارو وزارت د ویاند مرستیال نصرت رحیمي  بیا وایي، چې د کورنیو او بهرنیو مرستندویانو لپاره د ښه کاري چاپېریال د را منځته کولو لپاره هڅې کوو، چې کارکوونکي یې  خوندي وي.

د اقتصاد وزارت د څرګندونو له مخې؛ دا مهال په هېواد کې څه باندې دوه زره مرستندوی بنسټونه شته، چې یو یې له ماشومانو د ژغورنې اداره ده. دغه بنسټ په نولس سوه اته اویا میلادي کال کې فعالیت پیل کړ، چې اوس په ۱۶ ولایتونو کې چارې په مخ وړي او شاوخوا اووه سوه زره ماشومانو ته روغتیایي او ښوونیز خدمتونه برابروي.

خبریال: لیدا نیازی

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!