Connect with us

تازه خبرونه

له بایو متریک بارکودونو پرته به ټولې رایې باطلې شي- کمیسیون

خپور شوی

د

(Last Updated On: لړم ۳, ۱۴۰۱)

د ټاکنو خپلواک کمیسیون وایي؛ هغه رایې به باطلې اعلام شي، چې د بایومتریک بارکودونه ونلري. 

بایومتریک دستګاوې به له تنظیمیدو وروسته د یکشنبې پر ورځ ولایتونو ته ولیږل شي؛ خو دا وسایل د رای ورکوونکیو په تړاو اطلاعات څه ډول ثبتوي؟

کمیسیون وایي: لومړی باید د ښي لاس د یوې ګوتې او بیا د چپې ګوتې نښان په دې سیستم کې داخل شي؛ وروسته له دې همدا دستګاه د رای ورکوونکیو معیاري انځور اخلي او وروسته بیا د اصلي تذکرې او د رای ورکولو ستیکر انځور د همدې دستګاه لخوا اخیستل کیږي. له دې پړاوونو وروسته بایومتریک دستګاه، چې له پرینتر سره نښلول شوې؛ یو ځل کود چاپوي، چې د رای ورکولو پاڼې شاته لګول کیږي او هغه پاڼه، چې د بایومتریک بارکود ونلري، باطله اعلانیږي.

د ټاکنو خپلواک کمیسیون د ویاند مرستیاله شیما علم سروش وایي: هغه کود، چې په سیستم کې دی؛ هغه پر رای پاڼې لګول کیږي او که دا کود نه وي، رای پاڼه باطله ده او رای هم نه شمېرل کیږي.د بایومتریک دستګاوې برښنا هم زیرمه کوي، چې څلیریشت ساعته کولی شي روښانه وي او کار وکړي.

دغه کمیسیون وایي، د اطلاعاتو بانک سرورونه تکراري رایې پېژندلی شي او د یوه شخص له څو کارول شویو رایو یوازې یوه رایه منل کیږي.

د ټاکنو خپلواک کمیسیون غړی سید حفیظ الله هاشمي وایي؛ په هغو سیمو کې، چې انترنت کار کوي له دې وسیلې څخه انلاین کار اخيستل کیږي او په هغو سیمو کې، چې انترنت نشته، دغه دستګاوې آف لاین کار کوي؛ خو څه ډول تکراري رایې پېژندل کیږي؟

نوموړی دې پوښتنې ته داسې ځواب وایي: کمیسیون غواړي؛ د یوه شخص لخوا له څو کارول شویو رایو، چې په بایومتریک سیستم کې ثبت شوي، یوازې یوه رای وشمېري، خو رای ورکوونکی لویې څارنوالۍ ته ورپېژندل کیږي.

د هغه په خبره؛ څوک، چې په بایومتریک سیستم کې له یو ځل زیات ثبت شي؛ له پنځوس تر سل زره افغانۍ جریمه او څارنوالۍ ته معرفي کیږي.

ټاکنو خپلواک کمیسیون تر دې دمه دا پرېکړه نده کړې، چې که ټاکنیزو محلونو ته بایومتریک دستګاوې ونه رسیږي، ټاکنې په کې کیږي او که نه؟

کمیسیون دا هم په ډاګه کړې، چې له دې بنسټ او سرورونو پرته بل هیڅ فرد او حتا ترهګر هم نشي کولی بایومتریک دستګاوو ته لاسرسي ومومي او اطلاعات یې ولولي؛ خو له دې وسیلې څخه د کار اخیستو لپاره ټاکنو خپلواک کمیسون غواړي ځینې کارکوونکي  وروزي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!