په ابوظبۍ کې د ملي امنیت د سلاکارانو څلور اړخیزه ناسته جوړه شوه

(Last Updated On: جولای 24, 2018)

د افغانستان، امریکا، عربستان او عربي متحده اماراتو د ملي امنیت سلاکارانو د افغانستان د سولې لپاره په ابوظبي کې څلور اړخیزه ناسته جوړه کړه.

د  امنیت شورا سلاکار د عربي متحده اماراتو پلازمېنې ابوظبۍ ته تللی او په یوه څلور اړخیزه ناسته کې یې د امریکا، عربستان او عربي متحده اماراتو د ملي امنیت شورا له سلاکارانو سره خبرې اترې کړې دي.

د ملي امنیت شورا ویاند قادرشاه وایي، چې دغه ناسته د افغانستان د سولي له بهیره د سیمه ییزې او نړیوالې اجماع د ملاتړ لپاره یو بل ګام دی او څرګند پرمختګونه به رامنځته کړي. د دې ناستې عملي پلان، چې پرې خبرې کیږي؛ سولې او سیمه ییزې همکارۍ ته ډېر ګټور دی.                 

د سولې عالي شورا ویاند سید احسان طاهري په داسې حال کې، چې د طالبانو او امریکایانو خبرې تودې شوي وایي، چې د افغانانو له مالکیت پرته د سولې بهیر ناشونی دی او هر افغان، چې د سولې په بهیر کې دریځ نیسي د سولې شورا په مشوره او د خلکو په ګټه دی.

سیاسي شنونکی احمد سعیدي وایي، اوس ټولې هڅې پر دې راڅرخي، چې سوله راشي؛ ځکه اوس د سیمې هېوادونه هم دخیل شوي دي.

د افغان حکومت او طالبانو تر منځ د سولې خبرو ته خوشبیني په داسې حال کې ډېره شوې، چې څو ورځې مخکې په عربستان کې د اسلامي هېوادونو عالمانو د جدې او مکه مکرمې دواړو ناستو کې د افغانستان روانه جګړه فتنه ونوموله او پر پای ته رسولو یې ټینګار وکړ.

خبریال: علی اصغري

About Ariana News

Check Also

پاکستان د ترمپ د څرګندونو په وړاندې تند غبرګون ښکاره کړی

(Last Updated On: نوومبر 20, 2018) د پاکستان لومړي وزیر عمران خان د امریکا د …