عاجل خبرونه

په غزني ښار د طالبانو د همکارانو او غلو نیول پیل شوي

(Last Updated On: September 1, 2018)

په غزني ښار کې امنیتي ځواکونو د هغو کسانو نیول پيل کړي، چې په غزني ښار کې یې د وسلوالو د برید پرمهال له طالبانو سره همکارې کړې او یا یې هم غلاوې کړي دي.

امنیتي چارواکو ویلي، چې د غزني ښار او د دغه ښار له اړوند څنډو څخه شپږ کسان د غلا او شپږ نور له طالبانو سره د همکارۍ په تور نیول شوي دي.

 د غزني امنیه قومندان فرید احمد مشعل وايي؛ هیچا ته د ورانکارو فعالیتونو اجازه نه ورکول کیږي او ټول هغه کسان به ونیول شي، چې له قانون یې سرغړونه کړې وي.

د غزني امنیه قومندان مشعل زیاتوي؛ د وسلوالو پرضد چاڼیز عملیات د غزني په څو سیمو کې روان دي او په تېرو څلیریشت ساعتونو کې ۲۷ وسلوال وژل شوي دي.

په غزني کې د پلورنزیو یو شمېر پلورونکي ادعا کوي، چې پلورنځي یې امنیتي ځواکونو غلا کړي دي. چارواکي وایي، غله او طالب همکاران که هرڅوک وي نیول کیږي او سزا ورکول کیږي.

About Ariana News

Avatar

Check Also

په مزار ښار کې د یکشنبې پر شپه د مخابراتي شبکو فعالیت ودرید

(Last Updated On: July 21, 2019)په مزار ښار کې د یکشنبه پر شپه(د چنګاښ ۲۹) …