عاجل خبرونه

په غزني کې د دفاع وزیر پر امنیتي ناستې توغندي توغول شوي

(Last Updated On: جولای 8, 2018)

د غزني ولایت سیمه ییزو چارواکو منلې، چې د یکشنبې پر ورځ یوولس نیمې بجې د دفاع وزیر پر امنیتي ناستې توغندي توغول شوي دی.

ویل کیږي، چې د غزني ولایت په انګړ کې هغه مهال دوه توغندي ولګیدل، چې دفاع وزیر، د کورنیو چارو وزارت سلاکار او امنیتي مرستیال، د ملي امنیت عمومي ریاست مرستیال او د سیمه ییزو ارګانونو د پالیسۍ مرستیال له سیمه ییزو چارواکو سره د دغه ولایت د امنیتي حالت په اړه خبرې کولې.

تر دې دمه کومې ډلې د دغو توغندیو د توغولو پړه پر غاړه نده اخیستې.

د غزني والي ویاند محمد عارف نوري ویلي، چې یو توغندی د دغه ولایت د ښاروالۍ پر دفتر لګیدلی، چې تلفات نلري؛ خو یوې بلې سرچینې د تلفاتو د رامنځته کیدوادعا کړې ده.  

دفاع وزیر طارق شاه بهرامي، د ملي امنیت عمومي ریاست مرستیال او د کورنیو چارو وزارت امنیتي مرستیال سهار مهال د غزني ولایت د امنیتي حالت د څېړلو لپاره دغه ولایت ته سفر کړی و.

غزني ولایت ته په تېر یو کال کې دا د دفاع وزیر دوه یم سفر دی، چې د امنیتي حالاتو د څېړلو په موخه تر سره کیږي.  

About Ariana News

Check Also

په افغانستان کې میلیاردونه دالر حیف او میل شوي- اشرف غني

(Last Updated On: دسمبر 9, 2018) ولسمشر غني له فساد سره د مبارزې د نړیوالې …