عاجل خبرونه

په بروکسل کې به د افغان ځواکونو د ملاتړ او همکارۍ پر څرنګوالي خبرې وشي

(Last Updated On: July 3, 2018)

څو ورځې وروسته ناتو یو ځل بیا د افغانستان د حالاتو ارزونه کوي او له افغان ځواکونو سره د همکارۍ او مرستو پر څرنګوالي به خبرې وکړي.

 ټاکل شوې، چې د ناتو په غونډه کې افغان ولسمشر او اجرائيه رییس دواړه ګډون وکړي.

اجرائيه ریاست ټينګار کوي، چې په افغانستان کې د ناتو سرتېرو حضور یوه جدي اړتیا ده.

د اجرائیه ریاست ویاند مجیب الرحمن رحیمي وایي، په دې ناسته کې به له افغانستان څخه پر اوږدمهاله سیاسي همکارۍ او ملاتړ خبرې راوڅرخي او هیله من یو، چې له دې ناستې څخه د ناتو د پاتې کیدو د اړتیا پیام راووځي.  

د افغانستان د ملي دفاع وزارت د ویاند د دفتر سرپرست هم له ناتو تمه لري، چې په جوړیدونکې غونډه کې پر پاکستان فشارونه ډېر کړي، چې دغه هېواد له افغانستان سره د سولې او ثبات په برخه کې همکارۍ ته چمتو شي.

د ملي دفاع وزارت د ویاند د دفتر سرپرست محمد رادمنش وایي، چې د ناتو ناسته به له تروریزم سره د مبارزې او پر پاکستان د فشار پر چمتووالي راوڅرخي،  چې په افغانستان کې له سولې او ثبات سره مرسته وکړي.

پوځي کارپوهان بیا وايي، چې په افغانستان کې د نړیوالو او ناتو سرتېرو شمېر زیاتول د افغانستان له حالاتو سره مرسته نشي کولی.

پوځي کارپوه میاګل خالد وایي؛ د افغانستان د ثبات او امنیت لپاره په کار ده، چې ناتو او نړیواله ټولنه افغان ځواکونه پر پښو ودروي او پر ډاډمنو وسلو او هوايي ځواک یې سمبال کړي.

په افغانستان کې له وسلوالو طالبانو سره د نړیوالو سرتېرو له جګړې څه باندې یوه نیمه لسیزه تېریږي؛ خو افغانستان اوس هم تر ټولو په ناوړه امنیتي حالت کې دی.

خبریاله: یلدا درویشي

About Ariana News

Avatar

Check Also

نړیوال ځواکونه له افغانستان څخه په مناسب وخت کې وځي- ناتو

(Last Updated On: July 19, 2019)د ناتو سرمنشي وایي؛ لکه څنګه، چې د ناتو متحدین …