عاجل خبرونه

په بغلان کې د اوبو د لومړي بند د دروازې په ماتیدو د برښنا دوه بندونه له کاره لویدلي

(Last Updated On: June 30, 2017)

د اوبو د ذخیرې د یوې کنترول کوونکې دروازې په ماتیدو د بغلان د برښنا دوه بندونه له کاره لویدلي دي.

د جمعې ورځې له غرمې مخکې پر یوولس بجو د پلخمري د برښنا د لومړي بند کنترول کوونکې دروازه د اوبو د فشار په نتیجه کې ماته شوه او د بغلان دوه بندونه له کاره ولویدل.

د بغلان برښنا د لومړي بند آمر عبدالعزیز  وایي، که مرکزي حکومت دې ملي پانګې ته پام ونه کړي، ناوړه پایلې به ولري.

د بغلان برښنا د غوري شرکت فني مرستیال عبدالاول وایي، اوس د برښنا دواړه بندونه له کاره لویدلي اوشاوخوا پېنځه دېرش سلنه خلک له برښنا بې برخې شوې دي.

د پلخمري د برښنا لومړی بند پېنځه اویا کاله مخکې فعال شوی که څه هم آلمان ژمنه کړې وه، چې د دې بند توربینونه به بدلوي او  ترمیم به یې هم کوي؛ خو تر اوسه دغه ژمنه نه ده عملي شوې

 

About Ariana News

Avatar

Check Also

د بشپړ ډاډ له رامنځته کیدو پرته به امریکایي ځواکونه ونه وځي-جان بس

(Last Updated On: August 24, 2019)د امریکا سفیر بلخ ته په خپل سفر کې ویلي؛ …