په غزني کې د سترګو د درملنې یو مرکز هڅې پیل کړې

(Last Updated On: June 22, 2019)

په غزني کې د سترګو د درملنې روغتیایي مرکز مسوولین وایي، په لندن کې د میشتو افغان داکترانو ټولنې په همکارۍ د فعال شوي روغتیایي مرکز موخه د بېوزلو او غریبو خلکو درملنه ده، چې د پیسو د ورکړې وس نلري.

په غزني کې د لندن میشتو افغان داکترانو ټولنې په همکارۍ د سترګو یو خصوصي کلینک جوړ شو، چې د سترګو د درملنې وړیا خدمتونه وړاندې کوي.

د سترګو د درملنې داکترامین الله قیوم زی وایي؛ لدې مخکې یې په نورو ولایتونو کې هم ورته خدمتونه پیل کړي او له دوه کلونو وروسته مو وکولی شول، چې دا بهیر غزني ته هم وغزول شي.

د غزني د عامې روغتیا رییس داکتر ظاهر شاه نیکمل وایي؛ بېوزلي، جګړې او ماین ایښودنې هغه عوامل دي، چې له کبله یې د غزني ځینې اوسیدونکي د سترګو پر ناروغیو اخته شوي.

د نوموړی په وینا، د دې مرکز له جوړیدو سره به د سترګو ناروغیو کچه را ولویږي.

د غزني ځینې اوسیدونکي، چې د درملنې لپاره دې کلینک ته ورغلي وایي، د درملنې توان یې نه درلود او په غزني کې د دا راز خدمتونو د لا پراختیا غوښتنه لري.

دا په داسې حال کې ده، چې مخکې د غزني د عامې روغتیا رییس هم د سترګو د درملنې یو پروګرام پیل کړی و، چې په وینا یې له دوه زره پېنځه سوه ډېر کسان په کې له درملنې برخمن شول.

About Ariana News

Avatar

Check Also

په مزار ښار کې د یکشنبې پر شپه د مخابراتي شبکو فعالیت ودرید

(Last Updated On: July 21, 2019)په مزار ښار کې د یکشنبه پر شپه(د چنګاښ ۲۹) …