په غزني ښار کې د نوملیکنې ۲۴ مرکزونه بند دي

(Last Updated On: June 17, 2019)

په غزني کې د ټاکنو خپلواک کمیسیون مسوولین وایي، د غزني ښار د رای ورکوونکیو د نوملیکنې له ۴۹ مرکزونو څخه څلیریشت مرکزونه د امنیتي ستونزو له کبله تړلي پاتې دي.  

مسوولین څرګندوي، چې څوارلس مرکزونه د امنیتي ګواښونو او لس نور د پوهنې ریاست د نه همکارۍ له کبله تړل شوي دي.

په غزني کې د ټاکنو د کمیسیون رییس عبدالبصیر مومند وایي؛ د پوهنې ریاست هم له دوی سره په دې برخه کې همکاري نده کړې، چې له کبله یی یو شمېر مرکزونه ندي پرانیستل شوي. په داسې حال کې، چې په دغه ولایت کې د نوملیکنې لپاره نهه څلویښت مرکزونه په پام کې نیول شوي دي.

نوموړي د ټاکنو لپاره په تقویتي نوملیکنه کې د خلکو ګډون د قناعت وړ وباله او له خلکو غواړي، چې پراخه ونډه په کې واخلي.

له بلې خوا په غزني کې مدني فعالان وايي د خلکو ونډه په کې پیکه ده.

دوی په ټاکنو کې د روڼتیا نشتوالی او نه پوهاوی د دې ستونزې لامل ګڼي.

دا په داسې حال کې ده، چې څو ورځې مخکې په غزني کې د ټاکنو کمیسیون ویلي وه، چې  د رای ورکوونکیو د نوملیکنې له ۴۰۶ څخه ۲۴۷ مرکزونه پرانستي او نور مرکزونه د امنیتي ګواښونو له کبله تړلي پاتې دي.

About Ariana News

Avatar

Check Also

ادریس زمان په بهرنیو چارو وزارت کې پر( قومي چاڼ) تورن شو

(Last Updated On: November 11, 2019) د ولسي جرګې یو شمېر غړیو ویلي، چې د …