عاجل خبرونه

په غزني کې د یو ماین جوړوونکي په ګډون۷ طالبان وژل شوي

(Last Updated On: April 28, 2019)

په غزني کې د ائتلافي ځواکونو پر هوایي بریدونو د یو ماین جوړوونکي په ګډون۷ طالبان وژل شوي دي.

د غزني والي ویاند محمد عارف نوري آریانا نیوز ته په ډاګه کړې، چې دغه طالب جنګیالي د پرېکنده ملاتړ ماموریت ځواکونو په څلور هوایي بریدونو کې تېرمازیګر( د غویی ۷) د دغه ولایت د ګیرو او اندړ ولسوالیو په اړوند سیمو کې وژل شوي دي.   

د ښاغلي نوري د څرګندونو له مخې؛ د ګیرو ولسوالۍ په ادینه کلي کې د طالبانو پر یوه تکړه ماین جوړوونکی جلالزی نومي هوایي برید شوی، چې د یادې ولسوالۍ د دیسي کلي اوسیدونکی و.  

هغه زیاته کړې، چې پر پاتې درې نورو بریدونو د اندړ ولسوالۍ په اړوند سیمو کې شپږ نور وسلوال طالبان  وژل شوي دي.

طالبانو تر دې دمه د دغو بریدونو او زیانونو په اړه څه ندي ویلي.

دغه راز د غزني والي ویاند نوري څرګنده کړې؛ عبدالخالق نومی، چې د قره باغ ولسوالۍ اصلي اوسیدونکی دی د ملي امنیت د ځواکونو لخوا د یو لړ بریدونو پر تور نیول شوی دی.

د نوموړي په وینا؛ نیول شوی کس ملا روحاني(ملاکیبل) ته نږدې کس و، چې د دې ولایت په نو آباد سیمه کې یې د ماین ایښودنې په څو پېښو کې لاس درلود او خپل جرمونه یې منلي هم دي.

About Ariana News

Avatar

Check Also

په بغلان کې ۱۲۷ کیلو ګرامه چرس نیول شوي

(Last Updated On: February 18, 2020) په بغلان کې د ملي امنیت عمومي ریاست کابل …