تازه خبرونه
که طالبان سوله ونکړي، د جګړې په ډګر کې به وځپل شي
اجرائیه ریاست وایي، که طالبان د سولې لپاره له را منځته شوي فرصت ګټه وانخلي او د دې بهیر د ناکامه کیدو سبب شي؛ د جګړې په ډګر کې به وځپل شي.
سپینۍ ماڼۍ تازه ویلي، چې که د سولې هڅې ناکامه شوې؛ پوځي اقدام هم په پام کې نیول شوی دی. افغان حکومت دې خبرو ته په غبرګون کې وایي؛ د مذاکراتو د ناکامۍ لپاره هیڅ پلمه نشته.
د اجرائیه رییس ویاند ویلي، طالبان باید د جګړې پای ته رسولو لپاره له را منځته شوي فرصت ګټه واخلي، له دې پرته به د جګړې په ډګر کې وځپل شي.
د اجرائیه رییس ویاند مجیب الرحمن وایي، چې خبرې روانې دي. که هغو سوله ومنله، وسله یې پر ځمکه کیښوده او خبرو ته چمتو شول؛ مونږ یې هرکلی کوو، خو که د سولې خبرو د ناکامه کیدو سبب شول او مسوولیت یې هم ومانه؛ مونږ د دفاع لپاره چمتو یو.
یو شمېر کارپوهان او طالبانو ته نږدې سرچینې ټینګار کوي؛ له پوځي لارې جګړه پای ته نه رسیږي او اړتیا ده، چې د سولې هڅو د بریالیتوب لپاره د طالبانو په ملاتړو فشار رامنځته شي.
پوځي اقدام د حل لار نه ګڼل کیږي. غوښتنې دا دي، چې سولې ته د رسیدو لپاره باید د طالبانو پر ملاتړو فشار زیات شي.
د ولسي جرګې د نړیوالو اړیکو کمیسیون غړی داوود کلکانی وایي؛ مخکې لدې، چې پر طالبانو فشار راوړل شي؛ باید د دوی پر ملاتړي پاکستان فشار راشي، چې سولې ته زمینه برابره شي.
تر اوسه پورې د امریکا استازیو د تړلي ور تر شا د طالبانو له استازیو سره پېنځه ځله خبرې کړې دي.
طالبانو ته نږدې سرچینې وایي، چې اوس له پوځي لارې د جګړې د پای ته رسولو وخت تېر شوی.
د طالبانو د ډلې پخوانی غړی سید اکبر آغا وایي، چې د پوځي ځواک کارولو وخت نور تېر شوی؛ امریکا خپل او د همکارانو وس کارولی، خو ونشوه. اوس د سولې او د خلکو د خوښې وخت رارسیدلی دی.
دا په داسې حال کې ده، چې طالب استازیو او امریکایانو په وروستۍ ناسته کې له افغانستان څخه د امریکایي ځواکونو د وتلو پر څرنګوالي او دا، چې افغانستان به بیا نړۍ ته ګواښ نه وي، خبرې اترې کړې دي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ23 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی1 day ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري