عاجل خبرونه

په سرپل او فاریاب کې ۶۱ طالبانو ته مرګ و ژوبله اوښتې

(Last Updated On: February 16, 2019)

د هېواد په شمالي ولایتونو کې د هوایي او ځمکنیو ځواکونو پر بریدونو د دوه قومندانانو په ګډون ۳۰ طالبان وژل شوي او ۳۱ نور ټپیان دي.

۲۰۹ شاهین قول اردو څرګنده کړې، چې د تېرو ۲۴ ساعتونو په هوایي او ځمکنیو بریدونو کې د سرپل ولایت د صیاد ولسوالۍ  د دوه قومندانانو په ګډون ۲۳ طالب جنګیالٍي وژل شوي او ۲۶ نور ټپیان دي.

د یادې قول اردو د خبرپاڼې له مخې؛ دغه راز د امنیتي او دفاعي ځواکونو په بریدونو کې د فاریاب ولایت د ګرزیوان ولسوالۍ اووه وسلوال طالبان وژل شوي او څلور نور یې ټپیان دي.

د مسوولینو د څرګندونو له مخې؛ دغه بریدونه هغه مهال پیل شول، چې وسلوالو مخالفانو د امنیتي ځواکونو پر پوستو بریدونه پیل کړل؛ خو د امنیتي ځواکونو له ټینګار سره مخ شول.

طالبانو تر دې دمه د دغو ځاني زیانونو او بریدونو په اړه څه ندي ویلي.

About Ariana News

Avatar

Check Also

د ټاکنو کمیسیونونه د رڼو ټاکنو له تر سره کولو ډاډ ورکوي

(Last Updated On: September 22, 2019)د ټاکنو خپلواک کمیسيونونه د تلې شپږمې ټاکنو د ترسره …