تازه خبرونه
په زابل کې ښوونکیو ته تېرو لس میاشتو راپدیخوا تنخواوې ندي ورکړشوي
د زابل ولایت قومي مشرانو ګواښ کړی؛ که د دې ولایت ښوونکیو ته د تېرو لس میاشتو معاشونه ورنکړ شي، د پوهنې ریاست دروازې به وتړو.
لس میاشتې کېږي، چې د دغه ولایت د ښوونځیو لپاره ټاکل شوي ښوونکي له معاش پرته ښوونځيو ته د تدریس په موخه ځي؛ خو معاشونه ندي ورکړ شوي.
د زابل قومي مشران وايي، که د ښوونکیو معاشونه ورنکړشي؛ تازه پرانیستل شوي ښوونځي به بېرته وتړل شي.
د ولایتي شورا غړي هم د ښوونکیو د ځنډول شویو معاشونو په اړه اندېښنه ښيي او وايي، په کابل کې یو شمېر کړۍ نه پرېږدي، چې په ځينو ولایتونو کې پوهنیز بهیر وده وکړي؛ نو، ځکه يې ښوونکیو ته معاشونه نه ورکول کيږي.
د پوهنې ریاست مسوولين بیا وايي، د پوهنې په چارو کې د ځينو ځانګړیو کړیو لاسوهنو د ښوونکیو معاشونه ځنډولي دي.
د زابل د پوهنې رییس نصرالله ذاهد د ښوونکیو د معاش د ځنډ ستونزه مني او وايي، چي څو ځله يې وزرات ته وړانديزونه کړي او له هغوى يې غوښتي، چي د ښوونکیو لپاره معاشونه حواله کړي؛ خو تر اوسه کوم مثبت ځواب ندى ورکړشوى.
دا په داسې حال کې ده، چې درې میاشتې وړاندې تر ۱۸ کلني ځنډ وروسته د دغه ولایت په بېلابېلو سيمو کې ۱۰۰ ښوونځي، چې د ناامنیو او امکاناتو د کمښت له امله تړل شوي وه، بېرته پرانیستل شول.
د دې ولايت د پوهني د رياست د څرګندونو له مخې؛ په دې ولايت کې ټول ٢٢٦ ښوونځي شته، چي ٤٧ يې اوس هم د ناامنيو او امکاناتو د نشتوالي له کبله تړل شوي دي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه16 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ14 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی15 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ