عاجل خبرونه

په تخار کې د پولیسو اووه پوستې وسلوالو نیولې دي

(Last Updated On: May 28, 2018)

 

د تخار امنیه قومندانۍ ویاند ویلي؛ د دغه ولایت په خواجه غار ولسوالۍ کې د پولیسو اووه پوستې وسلوالو مخالفانو تر برید وروسته ونیولې، چې په کې یو سیمه ییز پولیس وژل شوی او درې نور ټپيان دي.

د تخار امنیه قومندانۍ ویاند خلیل اسیر زیاته کړې، چې د دې ولسوالۍ د زرد کمر په سیمه کې اوس هم نښته روانه ده.

طالبانو ادعا کړې، چې په دې برید کې د امنیتي ځواکونو ۱۷ امنیتي پوستې نیول شوي او د حکومت ځواکونو ته ځاني زیانونه اوښتي دي.

خواجه غار د تخار ولایت په شمال لویدیځ لوري کې پرته ولسوالي ده، چې د کندوز ولایت ارچي او امام صاحب ولسوالیو سره ګډه پوله لري.

About Ariana News

Avatar

Check Also

که امریکا خپلو ژمنو ته ژمنه پاتې نشي، جګړه به وغزوو- د طالبانو ګواښ

(Last Updated On: August 20, 2019)د طالبانو د سیاسي دفتر ویاند سهیل شاهین آریانا نیوز …