تازه خبرونه
محمد شرف غني یو ځل بیا د ولسمشریزو ټاکنو ګټونکی شو
د ټاکنو خپلواک کميسيون د ۱۳۹۸ لمریز هجري کال د تلې پر ۶ د ترسره شویو ولسمشريزو ټاکنو په وروستيو رڼو پایلو کې محمد اشرف غني یو ځل بیا ګټونکی اعلان کړ.
د یاد کمیسیون مشرې حوا عالم نورستانۍ د سلواغې پر ۲۹ مازيګر ناوخته په کابل کې يوې خبري ناستې ته په وينا کې د دولت جوړوونکې ټاکنډلې مشر محمد اشرف غني یې د ۵۰ اعشاريه ۶۴ سلنه رايو په ترلاسه کولو ګټونکی اعلان کړ.
د ثبات او همپالنې ټاکنډلې مشر عبدالله عبدالله د ۳۹ اعشاريه ۵۲ سلنه رايې ترلاسه کړي او یو ځل بیا د اړوند ټاکنو دویم ځای یې خپل کړی دی.
د دغو پایلو له مخې؛ اشرف غني د ۹۲۳۵۹۲، عبدالله عبدالله د ۷۲۰۹۴۱ ، ګلبدین حکمتیار د ۷۰۲۴۱ رایو پخپلولو مخکښ ګټونکي دي.
د ټاکنو خپلواک کمیسیون ویلي؛ په دې ټاکنو کې ۱۸۲۳۹۴۸ کسانو رایې ورکړې وې، چې د ټولو رای ورکوونکیو ۱۹ سلنه کیږي.
د ولسمشريزو ټاکنو بل نوماند د امنیت او اسلامي عدالت مشر ګلبدين حکمتيار ۳ اعشاريه ۵۸ سلنه رايو په تر لاسه کولو درېيم شوی دی.
ميرمن نورستاني اشرف غني د ۵۰ اعشاريه ۶۴ سلنه رايو په ترلاسه کولو د افغانستان د غوره شوي ولسمشر په توګه اعلانوي او وایي، چې دغه پایله د رڼو او شفافو رایو له مخې تر لاسه شوې ده.
رحمت الله نبیل ۳۳۹۱۹ یا یو اعشاریه شپږ اتیا سلنه رایې، فرامرز تمنا ۱۸۰۸۳ رایې، چې صفر اعشاریه نهه نوي سلنه دي.
سید نورالله جلیلي صفر اعشاریه پېنځه اتیا سلنه یا ۵۵۱۹ رایې، عبداللطیف پدارم ۱۲۶۰۸ رایې، چې صفر اعشاریه ۶۹ سلنه کیږي.
عنایت الله حفیظ ۱۱۳۷۵ رایې، چې صفر اعشاریه ۶۲ سلنه کیږي.
محمد حکیم تورسن ۶۵۰۰ رایې، چې صفر اعشاریه ۳۶ سلنه دي، احمد ولی مسعود ۳۹۴۲ رایې، چې صفر اعشاریه ۲۲سلنه دي، محمد شهاب حکیمي ۳۳۱۸ رایې، چې صفر اعشاریه اته سلنه دي، فاروق نجرابي ۱۶۰۸ رایې، چې صفر اعشاریه ۰۹ سلنه کیږي او نور رحمان لیوال ۸۵۵ رایې، چې صفر اعشاریه ۰۵ سلنه کیږي.
د ټاکنو نورو نوماندانو تر اوسه په دې اړه خپل غبرګونونه نه دي ښکاره کړي
د ثبات او همپالنې ډلې د ولسمشریزو ټاکنو د وروستۍ پایلې له اعلان مخکې د مجاهدینو د انسجام کمیتې په ناسته کې ویلي وه، چې که پایله د رڼو رایو له مخې اعلان شي؛ مونږ یې منو او که د تقلبي رایو له مخې اعلان شي مونږ ته د منلو نده.
د ټاکنو خپلواک کمیسیون ویلي؛ د ټاکنیزو شکایتونو خپلواک کمیسیون ټولې پرېکړې په سمه توګه پلې شوي او د ولسمشریزو ټاکنو پایله هم د خلکو د پاکو رایو له مخې اعلام شوې ده.
د ورووستیو پایلو د اعلان په درشل کې د ثبات او همپالنې ټاکنډلې جګپوړي غړي فضل احمد معنوي ویلي، چې له ټاکنیز بهیر وتلي، نه ورته کمېسیون مشروعیت لري او نه هم هغه پایله، چې اعلانیږي.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی3 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي3 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه5 days ago
پر ایران به د اسرائیلو برید له سخت ځواب سره مخ شي
-
تازه خبرونه3 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ2 days ago
امريکا او متحدین یې پر ايران د نورو بنديزونو لګولو هڅې کوي
-
سیمه ییز خبرونه5 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه3 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ4 days ago
امریکا به پر ایران د اسرائیلو په ځوابي برید کې برخه وانخلي