تازه خبرونه
کابل ځوانانو د پکتیا پینترز لوبډلې ته ماتې ورکړه
د افغانستان د غوره لیګ سیالیو له پرانیستې وروسته په لومړۍ سیالۍ کې د کابل ځوانان او د پکتیا پینترز لوبډلې مخ شوې، چې د کابل ځوانانو د پکتیا پينترز لوبډلې د ۲۱۹ منډو هدف پوره کړ.
په ګلبهار غوره لیګ کې په لومړۍ ورځ په ۳۹.۱ اورونو کې ۴۳۸ منډې جوړې او په کې ۲۹ شپږیزې او ۳۱ څلوریزې ووهل شوې، د دواړو لوبډلو لخوا ټولې ۱۱ ویکتې وغورزیدې.
په دې سیالۍ کې د راشد خان لوبډلې کابل ځوانانو پچه وګټله؛ خو د شهزاد لوبډلې پکتیا ته یې د توپوهنې بلنه ورکړه، دوی په ۲۰ اورونو کې د ۴ لوبغاړیو په سوځیدو ۲۱۸ منډې جوړې کړې، چې محمد شهزاد ۶۷ او سکندر رضا ۷۸ چټکې منډې وکړې. دغه راز سکندر رضا ۷ خو شهزاد ۵ شپږیزې ووهلې.
د کابل ځوانانو لخوا ظاهر شېرزاد ۲، پارنل او فرید احمد ۱-۱ ویکته واخیسته. په داسې حال کې، چې راشد خان پخپلو ۴ اورونو کې د ویکتې پر تر لاسه کولو بریالی نشو؛ خو۲۷ منډې يې ورکړې.
په ځواب کې که څه هم د راشد خان لوبډلې چټک پیل وکړ؛ خو ویکتې یې له لاسه ورکولې. په پای کې لوري ایوان په زړه پورې لوبه نندارې ته وړاندې کړه.
نوموړي ۷۹ ناسوځېدلې منډې جوړې کړې او لوبډلې ته یې د ۳ ویکتو او ۵ توپونو په توپیر بریا ورکړه. همدا ډول حضرت ځاځي ۲۷، جاوید احمدي ۲۵، راشد خان ۱۷ منډې جوړې کړې، لوري ایوان د لوبې غوره لوبغاړی وټاکل شو.
د شهزاد لوبډلې توپ اچونکي په بشپړه ناکام شول او د ستر هدف دفاع یې ونشو کړای، شاهد افریدي په ۴ اورونو کې ۵۵، سکندر رضا په ۲ اورونو کې ۳۶، شرف الدین اشرف په ۴ اورنو کې ۴۰ منډې ورکړې او ۲ ویکتې یې واخیستې. ورسره ضیاء الرحمن او یوسف ځاځي هم یوه یوه ویکته واخیسته.
په دې سیالیو کې د شنبې پر ورځ دوه سیالۍ ترسره کیږي؛ لومړۍ سیالي د ننګرهار لیپردز او د کندهار نایتز تر منځ په ۴:۳۰ بجې او دوه یمه لوبه په ۸:۳۰ بجې د کابل ځوانانو او بلخ لیجندز لوبډلو ترمنځ ترسره شي.
که څه هم افغانستان له دې مخکې په کور دننه د دغه ډول لوبو یوه بڼه درلوده، چې شپږیزه بلل کېده، خو دا لومړی ځل دی چې افغانستان له هېواده بهر او د ګڼو نړیوالو لوبغاړو له ګډون سره په پراخه کچه غوره لیګ سیالۍ کوي.
اې پي ال کې پېنځه لوبډلې برخه لري، چې کندهار نایټز، بلخ لجنډز، ننګرهار لپهردز، پکتیا پنترز او کابل ځوانان نومېږي.
ګڼ شمېر نړیوال کرکت ستوري هم په دغه لیګ کې برخه اخلي، چې برینډن میک کلم، اندري رسل، کریس ګیل، شاهد اپریدی او د اماراتو چټک بالر محمد نوید هم په کې شامل دي.
که څه هم د راشد خان او محمد نبي په ګډون یو شمېر افغان لوبغاړي له دې مخکې د غوره لیګ په نړیوالو لوبو کې د لوبیدو تجربه لري؛ خو دا به لومړی ځل وي، چې ګڼ افغان لوبغاړي به د خپل هېواد په دغه ډول لوبو کې د لوبیدو تجربه وکړي او دغه تجربه به په راتلونکي کې هم له دوی سره مرسته وکړي.
د یادونې ده، چې د ګلبهار افغانستان کرکت غوره لیک شل اوریزې سیالۍ د جمعې پر ورځ د اکتوبر پر پېنځمه، چې د تلې ۱۳ سره سمون خوري د متحده عربي اماراتو په شارجه نړیوال کرکت لوبغالي کې پیل شوې دي.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی5 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه5 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي
-
تازه خبرونه4 days ago
پاکستان بلوچستان میشتو افغانانو ته د وتلو ګواښ وکړ