ناتو له افغانستان سره د همکاریو په اړه د نظر یوالی لري-عبدالله عبدالله

(Last Updated On: July 12, 2018 7:37 pm)

اجرائیه رييس وايي، چې ناتو د افغانستان لپاره ژمنه ده او د دغه سازمان ټول غړي په دې اړه د نظر یوالی لري.

د ملي وحدت حکومت اجرائيه رييس عبدالله عبدالله، چې بروکسل ته د ناتو په غونډه کې د ګډون لپاره تللی وايي، چې ناتو له افغانستان سره د همکاریو په اړه د نظر یوالی لري

ښاغلی عبدالله زیاتوي، د مرستو او همکاریو په اړه د ناتو غړیي هېوادونه شک نلري او ګډه پرېکړه یې کړې ده.

هغه په شمال کې وروستیو لاریونونو او د جنرال عبدالرشید دوستم موضوع ته په اشاره کې وویل، چې دا ډول حالات د افغانستان د سولې بهیر ټکنی کوي او بحران ته زمینه برابروي.

هغه ویلي، چې له هېواده بهر د ملي شخصیتونو د اوسیدو هیله نلرم.

هغه په حکومت کې د ننه د نظر اختلافونو ته هم اشاره وکړه او ویې ویل، چې دا ډول موضوعات په لوړه او ملي کچه خبرو ته اړتیا لري.

شفافي ټاکنې، له فساد سره مبارزه او په عدلي ارګانونو کې اصلاحات نور هغه موارد دي، چې عبدالله عبدالله پرې ټينګار کوي.

خبریال: شاهپور فرهمند

About Ariana News

Check Also

پولیسو په ننګرهار ولایت کې د لوی ملي ائتلاف خیمې ټولې کړې

(Last Updated On: September 18, 2018 6:07 pm) د ننګرهار والي ویاند څرګنده کړې، چې …