عاجل خبرونه

ناتو د امریکا او طالبانو ترمنځ د خبرو اترو له پیلیدو هرکلی کړی

(Last Updated On: November 30, 2019)

د ناتو سرمنشي  له سرمشریزې مخکې یو ځل بیا د افغانستان د شخړې د سوله ییز حل لپاره د امریکا او طالبانو د خبرو اترو له پیلیدو هرکلی کړی او ویلي یې دي، چې هر ډول حل لار باید  تاوتریخوالی لږ او اوربند ټینګ کړي.

داسې ښکاري، چې ناتو له طالبانو سره د تړون پر ماتیدو اندېښنه لري.

د ناتو سرمنشي ویلي؛ له طالبانو سره به د باور وړ هوکړې ته د رسیدو لپاره تر ټولو ښه لار له افغان ځواکونو څخه د ناتو د ملاتړ دوام وي.

د ناتو سرمنشي ینس ستولتنبرګ څرګنده کړې: له ټولو غوره لار، چې مونږ یې فکر کوو د باور وړ او رښتینې هوکړه ده. هغه دا ده، چې مونږ باید د افغان ځواکونو ملاتړ  روان وساتو او طالبانو ته دا پیغام ورسوو، چې مونږ پاتې کیدو ته چمتو یو. مونږ ژمن یو او هغوی به په جګړه کې بریالي نشي.

دی له طالبانو غواړي، چې د سولې خبرو ته حاضر شي او یوه رښیتنې سوله وکړي.

هغه وايي، بهرني ځواکونه د دې لپاره په افغانستان کې پاتې دي، چې دا هېواد بیا ترهګرو ته پر خوندي ځالې وانوړي.

د نوموړي د څرګندونو له مخې: زمونږ ستر پوځي عملیات له اروپا بهر پاتې دي. د ناتو اوسنی ماموریت په افغانستان کې دا دی، چې دا هېواد بیا نړیوالو ترهګرو لپاره پر خوندي ځالې وانوړي.

دغه راز امریکايي سناتور تام کاتون په یوه مرکه کې ویلي، چې د طالبانو له لوري پر تشو ژمنو او خبرو سوله نه راځي، بلکې دغه ډله دې په عمل کې له تاوتریخوالي لاس واخلي.

دا په داسې حال کې ده، چې ترمپ افغانستان ته په خپل وروستي سفر کې د امریکایي ځواکونو د کمولو خبره کړې وه او د افغانستان ملي دفاع وزارت ویلي، چې که بهرني ځواکونه له هېواد ووځي؛ افغان ځواکونه  کولی شي له خپلې خاورې او نظام دفاع وکړي.

About Ariana News

Avatar

Check Also

ولسي جرګې له ماشومانو څخه د ملاتړ قانون تصویب کړ

(Last Updated On: December 9, 2019)په ولسي جرګه کې له اته کلونو وروسته د ماشومانو …