Connect with us

تازه خبرونه

پر موترسایکلونو ګرځبندیز دې لیرې شي- د میدان وردګ اوسیدونکي

خپور شوی

د

(Last Updated On: لړم ۳, ۱۴۰۱)

د میدان وردګ اوسیدونکي او د ولایتي شورا غړي په دغه ولایت کې د موترسایکلونو پر ګرځبندیز نیوکې کوي او وایي، چې د امنیت په ښه والي کې یې مثبت بدلون ندی راوستی.

د یو شمېر نورو ولایتونو تر څنګ په میدان وردګ کې هم له تېرو پېنځه کلونو را پدیخوا د موتر سایکل پر ګرځیدو د امنیتي وضعیت د ښه والي لپاره  بندیز لګول شوی؛ خو د سیمې د خلکو د څرګندونو له مخې د امنیت په تړاو کوم مثبت بدلون نه تر سترګو کېږي.

د میدان وردګ ولایتي شورا غړی شریف الله هوتک وایي؛ امنیتي ځواکونه د کورونو د تالاشۍ پر وخت د خلکو له کورونو موترسایکلونه راټولوي او بیا یې په بازار کې پلوري.

د میدان وردګ د ولایتي شورا رییس اختر محمد طاهري وايي، په دې ولایت کې موترسایکلونه یوازې پر بیوزلو خلکو بند شوي؛ خو طالبان ترې ګټه اخلي.

امنیتي مسوولین وایي، له مشرانو او ولایتي شورا سره به پدې اړه خبرې وکړو، چې د موتر سایکلونو ګرځولو ته بېرته اجازه ورکړ شي.

د میدان وردګ امنیه قومندان مل پاسوال ویس صمیمي وایي، د یادې ستونزې د حل لپاره به د د دغه ولایت له مشرانو او ولایتي شورا سره خبرې وکړي، چې د موتر سایکلونو ګرځولو ته اجازه ورکړ شي، چې  په تګ راتګ سره به یې د خلکو ستونزې لږ شي.

د نوموړي د څرګندونو له مخې؛ موترسایکلونه باید په ترافیکو کې ثبت او راجستر شي.

د دې ولایت مدني هڅاند قیوم راستمن وایي، چې د موتر سایکلونو کرځبندیز د امنیت په ښه والي کې هېڅ مرسته نده کړې.

د  میدانښار اوسیدونکی زین الله احمد له سیمه ییز حکومت څخه غواړي، چې موترسایکلونو ګرڅولو ته بېرته اجازه ورکړشي.

د وردګ اوسیدونکي داسې مهال د موترسایکلونو د ګرځبندیز په اړه اندېښنه ښیي، چې د یاد ولایت د مرکز په ځینو سیمو او ټولو ولسوالیو کې کې طالبان له موتر سایکلونو ګټه اخلي؛ خو یوازې عامو خلکو ته یې د ګرځولو اجازه نشته، چې خلک يې د تګ راتګ پر مهال له ګڼو ستونزو سره مخ کړي دي.

خبریال: فریدالله احمدزی

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!