پر ګرین ولیج کمپ موتر بم چادونې خلکو ته میلیونونه افغانۍ مالي زیان اړولی

(Last Updated On: September 3, 2019)

پر ګرین ولج کمپ موتر بم چادونې د سیمې ګڼ کورونه ړنګ کړي او خلکوته یې میلیونونه افغانۍ مالي زیان هم اړولی دی.

د چاودنې ساحې ته  د نږدې کورونو یو شمېر دیوالونه نړیدلي، د کړکیو ښیښې یې ماتې اوډېر مالي زیان وراوښتی دی.

د قابل بای سیمې  ډېرو اوسیدونکیو خپل کورونه پریښي، چې د چاودنې له ساحې سره نږدې ول.

د سیمې خلکو ویلي،  د چاودنې له کبله يي کورونه او دوکانونه پوره ویجاړ شوي دي.

د سیمې اوسیدونکي د مالي زیان تر څنګ ځاني زیان هم لیدلی؛ خو  تر دې دمه د تېرې شپې مالي زیانونه پوره په ډاګه شوي نه دي، چې څو ته رسیږي.

د سوداګرۍ او پانګونې خونې مسوولین وايي، چې د سیمي اوسیدونکیو ته د ملیونونه افغانۍ مالي زیان ترڅنګ ځاني زیانونه هم اوښتي او د سیمې اړوند د  تېلو یو پمپ هم بشپړ سوځیدلی دی.

د سوداګرۍ خونې ویاند جان ‌آغا نوید ویلي، چې مونږ ته  تر دې دمه  نده جوته شوې، چې څومره مالي زیان اوښتی؛ خو له څېړني وروسته به څرګنده شي، چې خلکو ته څومره مالي زیان اوښتی.

د قابل بای اوسیدونکي وايي؛ په دغه سیمه کې نږدې دوه زره کورنۍ ژوند کوي، چې د تېري شپې په چاودنه کې ټولې زیانمنې شوې دي.

د دې چاودنې مسوولیت وسلوالوطالبانو په غاړه اخیستي.

خبریال: اسلم حجاب

About Ariana News

Avatar

Check Also

په کابل ښار کې کلکان ولسوالۍ ته نومول شوي طالب ولسوال ونیول شو

(Last Updated On: September 16, 2019)د ملي امنیت ځانګړیو ځواکونو د کابل ښار د اتمې …