پر ایران د امریکا نوي؛ خو تر ټولو سخت بندیزونه ولګیدل

(Last Updated On: نوومبر 5, 2018)

د امریکا ولسمشر دونالد ترمپ پر ایران د دوشنبې پر ورځ( د لړم ۱۴) تازه؛ خو تر ټولو سخت بندیزونه ولګول.

د دونلډ ترمپ په مشرۍ د امریکا حکومت پر ایران ټول هغه بندیزونه لګوي، چې د ۲۰۱۵ کال له اتومي تړون وروسته ترې لیرې شوي وه.

په دې بندیزونو کې د تېلو صادرات، ترانسپورت، بانکونه او د دغه هېواد د اقتصاد ټولې مهمې برخې راځي.

له دې نېټې سره همهال د یکشنبې پر ورځ د ایران په بېلابېلو ښارونو کې لاریونونه شوي، چې مرګ پر امریکا شعارونه یې پورته کړل.

دغو توندلارو لاریونکوونکیو له امریکا سره د خبرو مخالفت هم کړی دی.

د ایران د پوځ له خولې ویل شوي، چې دوی د دوشنبې او سې شنبې پر ورځو له هوایي مانورو سره د خپل هېواد د دفاع وړتیاوې ښيي.

دا لاریونونه او بندیزونه په تهران کې د امریکا د سفارت د نیولو له ۳۹ کلیزې سره برابر دي، چې د لسیزو سختې دوښمني سبب شول.

About Ariana News

Check Also

حکومت د سولې عالي مشورتي بورد غړي اعلام کړل

(Last Updated On: دسمبر 11, 2018) د افغانستان د ملي امنیت شورا په ډاګه کړې، …