تازه خبرونه
د افغانستان روغتیایي سکتور د پرځېدو له ګواښ سره مخ دی
د روغتیا نړیوالې ټولنې مشر، چې کابل ته راغلی وایي؛ له تېره میاشتې راپدیخوا ډېري افغانان روغتیایي خدمتونو ته لاسرسی نلري او د درملو د نشتوالي له کبله ناروغان مري.
په کابل کې د روغتیا نړیوال سازمان مشر، چې افغانستان ته راغلی؛ د اسلامي امارت له لومړي وزیر سره غږېدلی، چې څرنګه افغانستان ته روغتیایي مرستې ورسول شي.
د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد وایي، چې د روغتیا نړیوال سازمان مشر د حکومت له مشر سره په لیدنه کې ژمنه کړې، چې افغانستان ته به نورې مرستې را ورسول شي.
ذبیح الله مجاهد زیاته کړې؛ دا یوه اړینه لیدنه وهاو ژمنه وشوه، چې د درملو په اړه به نورې مرستې هم وشي.
له ځینو روغتونونو د لېدنې پر وخت د روغتیا نړیوال سازمان دې مسوول ویلي، چې په افغانستان کې روغتیایي سکتور د پرځېدو له خطر سره مخ دی او ډېري ناروغان د درملو د نشتوالي له کبله مري.
د روغتیا نړیوال سازمان مشر ټډروس ادهانوم ګبریاسوس وایي: دا هېواد مرستو ته اړتیا لري. دواړه حالتونه د کړکېچ پر لوري درومي؛ روغتیایي سیستم پرځېږي، خلک درملو او لومړنیو روغتیایي اړتیاوو ته د مرستې په لار کې له مرګ سره مخ دي.
ملګري ملتونه وایي، چې له نوي دولت سره تعامل کوي، چې بشردوستانه مرستو لپاره لار پرانیستل شي؛ ځکه، چې ملګري ملتونه د افغانستان اقتصادي پرځېدو ته اندېښنه لري. له دې کبله هڅه کیږي، چې له مرستو سره خلک له لوږې وژغورل شي او د درملو د نشتون ستونزه هم اواره شي.
د ملګرو ملتونو سرمنشي انتونیو ګوترش وایي: زمونږ لومړنی مسوولیت له طالبانو سره تعامل او د بشردوستانه مرستو لپاره پیاوړې ژمنه او وړتیا ده او فکر کړم، چې مثبت اغېز ولري.
په هېواد کې درملو ته اړتیا په کور دننه ډېره شوې او ان په کابل کې، چې کوم بې ځایه شوي دي؛ تر خیمو لاندې ژوند کوي او روغتیایي خدمتونو ته لاس رسی نلري.
مخکې له دې د روغتیا نړیوال سازمان خبرداری ورکړی و، چې شاوخوا دوه زره روغتیایي مرکزونه د بودجې د نشتوالي له کبله د تړلو له خطر سره مخ دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ