Connect with us

تازه خبرونه

مونږ د باتدبیره سولې غوښتونکي یو-اشرف غني

Ariana News

خپور شوی

 په

(Last Updated On: سلواغه ۸, ۱۳۹۷)

نن له غرمې وروسته د افغانستان ولسمشر اشرف غني د سولې په اړه ملت ته په یوه تلویزیوني وینا کې وویل، چې مونږ د سولې غوښتنونکي یو، سوله ژر غواړو؛ خو له تدبیر سره؛ ځکه، چې  د جګړې قربانیان افغانان دي او پرېکړه کوونکي هم باید افغانان وي.

ولسمشر غني له سولې وروسته هېواد ته د مخامخ خطرونو په اړه خبرداری ورکوي او وايي، چې حکومت سر له اوسه د هغو ګواښونو سره د مبارزې لپاره په تدبیرونو بوخت دی.

ښاغلي غني څرګنده کړې؛ له طالبانو غواړم، چې له حکومت سره د سولې خبرې پیل کړي.

ولسمشر د بهرنیو ځواکونو د شتون په اړه په ډاګه کړه، چې په افغانستان کې د بهرنیو ځواکونو شتوالی د ملي اړتیا پر بنسټ اړین دي.

هغه دا ټینګار هم وړندې کړ، چې په روانه جګړه کې افغانان هم په هوايي بریدونو کې وژل کېږي او هم په ځمکنيو جنګونو کې؛ هیڅ افغان ته د منلو نه ده، چې د سنګین په څېر دردونکې پېښې بیا بیا تکرار شي.

ولسمشر زیاته کړې: هیڅ افغان ته د منلو نه ده، چې په پردیو هېوادونو کې سرګردانه او بي سرنوشته پراته وي؛ هیڅ افغان ته د منلو نه ده، چې د هېواد له نوم سره یې جنګ، فقر او بدبختي یاده شي او هیڅ افغان ته د منلو نه ده، چې بهرني ځواکونه یې د اوږد مهال لپاره په هېواد کې میشت وي.

د ولسمشر غني په اند یوازې یو ځواکمن دولت د خلکو د پت ساتنه کولی شي او د افغانستان خلک پر همدې اصل ملي اجماع هم لري.

ولسمشر غني وایي؛ غواړم په وضاحت سره ووایم، چې  که د طالبانو له خوا روانه جګړه نه وای د میلیونونو افغانانو ژوند به هوسا او مونږ به هم خپلې ملي انکشافي پروژې پلې کړې وای.

د نوموړي په وینا؛ طالبان دوه انتخابه لري، یا به د افغانستان عظیم ملت سره په یو غږ یو ځای کېږي او یا به د پردیو د اهدافو د پلي کولو وسیله ګرزي.

هغه دا هم په ډاګه کړه، چې د طالبانو له خوا تاوتریخوالی او د جنګ دوام د قوي دولت د جوړیدو مخه نیسي او دا د افغانستان د بهرنیو دښمنانو غوښتنه هم ده.

دا په داسې حال کې ده، چې د افغانستان د سولې لپاره د امریکا د بهرنیو چارو وزارت ځانګړي استازي داکتر زلمي خلیلزاد تېره شپه ناوخته ولسمشراشرف غني او د حکومت نورو غړیو ته د قطر په دوحه کې له طالبانو سره د خبرو جزئیات وړاندې کړل.

ولسمشرۍ د دوشنبې پر ورځ( د سلواغې ۸) څرګنده کړې؛ زلمي خلیلزاد د حکومت مشرتابه ته د معلوماتو ورکولو پر مهال په دوحه کې له طالبانو سره د خبرو په اړه په نړیوالو او کورنیو رسنیو کې خپاره شوي ناسم معلومات او ګنګوسي رد کړل او په ډاګه یې کړه، چې: د افغانستان د نظام د راتلونکي جوړښت په اړه یې له طالبانو سره هیڅ راز خبرې او بحث ندی کړی.

هغه دا هم ویلي: د موقت حکومت موضوع په بشپړه توګه ناسمه ده او په دغو خبرو کې په هیڅ وجه نده مطرح شوې او دا زما په صلاحیت او مسوولیت کې هم نه راځي؛ زما د صلاحیت موضوع دا ده، چې یوازې د افغانانو تر منځ مذاکراتو ته زمینه برابره کړم.

ښاغلی خلیلزاد وایي، چې له طالبانو سره یې پر اوربند بحث کړی؛ خو تر اوسه په کې کوم پرمختګ ندی رامنځته شوی.

د ښاغلي خلیلزاد د څرګندونو له مخې؛ له طالبانو سره په خبرو کې امریکا ټینګار کړی، چې په افغانستان کې دوامدارې سولې ته د رسیدو یوازنۍ حل لار د افغانانو تر منځ مذاکرات دي.

هغه زیاته کړې، چې طالبانو په افغانستان کې د بهرنیو ځواکونو د وتلو غوښتنه کړې؛ خو تر اوسه امریکایان ورسره هیڅ ډول پرېکړې ته ندي رسیدلي. که د بهرنیو ځواکونو په اړه هر ډول تصمیم نیول کېږي دا به په ټاکلي وخت له افغان دولت سره د همغږۍ له مخې تر بحث لاندې ونیول شي.

د امریکا استازي خلیلزاد په دې اړه، چې آیا طالبان به د افغانانو تر منځ د مذاکراتو پرېکړه وکړي او که نه، وویل، چې: د پاتې موضوعاتو د څارلو لپاره له طالبانو سره بیا لیدنه اړینه ده.

د امریکا د بهرنیو چارو وزارت استازي خلیلزاد له طالبانو سره د قطر په دوحه کې له ۶ ورځنیو  خبرو وروسته تېره ورځ ناوخته کابل ته رارسیدلی او د خپلو خبرو جزئیات په کابل کې د یوناما  مشرانو ته هم وړاندې کړي دي.

طالبانو هم په یوه تویت کې په ډاګه کړې، چې( د خبرو) موضوعات درانده دي او زیات جر و بحث ته اړتیا لري؛ نو فیصله وشوه، چې د ځينو لاینحله مسایلو پر سر به په راتلونکي کې نورې ورته غونډي هم جوړیږي او پاته لاينحله مسائلو ته د حل مناسبه او مفیده لار پيدا او دواړه طرفه به د مجلس جریان له خپلو مشرانو سره شریک او هدایت ترلاسه کړي.

له بلې خوا د طالبانو ویاند ذبیح الله مجاهد رسنيو ته څرګنده، کړې، چې د طالبانو يو مشر او په قطر کې د طالبانو د سیاسي دفتر نوی ټاکل شوی رییس ملا برادر اخوند تر اوسه قطر ته ندی تللی؛ خو په یو مناسب وخت کې به قطر ته ولاړ شي او خپل نوی مسوولیت به پر غاړه واخلي.

د رویترز خبري سرچینې د څرګندونو له مخې څرګندیږي، چې د راروانې میلادي میاشت پر ۲۵ به یو ځل بیا په قطر کې د امریکا او طالب استازیو خبرې پیل شي.

قتیل زوی

تازه خبرونه

طالبان باید په جمهوري نظام کې را ګډ او خپلې سیاسي موخې وپالي- اشرف غني

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

افغان ولسمشر اشرف غني، چې د افغان سولې لپاره د نړیوالې اجماع په اړه په ویدیوي کنفرانس کې خبرې کولې یو ځل بیا یې وویل؛ طالبانو باید د ولسمشریزو او پارلماني ټاکنو له لارې خپلې سیاسي موخې وپالي.

د افغان حکومت پر کوربتوب د سولې او خپلمنځي خبرو د اجماع دوه یمه نړیواله غونډه؛ د ناتو، ملګرو ملتونو، اروپايي ټولنې او د نړۍ د نږدې ۱۹ هېوادونو، د استازیو په ګډون د ویدیو کنفرانس له لارې په ارګ کې جوړه شوه.

ولسمشر دغې ویدیوي غونډې ته د خبرو پرمهال وویل، چې طالبان باید په جمهوري نظام کې را ګډ او خپلې سیاسي موخې وپالي.

 ولسمشر زیاته کړې، چې د سولې هدفمندې پروسې ته د رسیدو لپاره د نړیوالو مشورو او ملاتړ ته اړتیا لري.

د افغانستان د ملي پخلاینې عالي شورا مشر د بندیانو د تبادلې پر وروستي کولو ټینګار کړی او وایي، چې په دې اړه هڅې روانې دي.

د ملي پخلاینې عالي شورا مشر عبدالله عبدالله هم دغې غونډې ته څرګنده ګړې، چې د ۵۰۰۰ طالب بندیانو له خوشې کیدو یوه اوونۍ وروسته به په قطر کې د افغانانو خپلمنځي خبرې پیل شي.

هغه پوره ټینګار کړی، چې د خبرو لومړۍ اجندا به اوربند وي.

عبدالله عبدالله ویلي، چې د سولې د خبرو په لومړۍ غونډه کې به پر اوربند خبرې وشي او نور مهم موضوعات به هم یو په بل پسې مطرح پر اختلافي ټکو به خبرې را وڅرخي.

نوموړي په پوره ډاډ څرګنده کړې: مونږ باید د طالبانو پر ژمنه ډاډه شو، چې نه یوازې د تاوتریخوالي کمول مهم دي، بلکې د سولې د خبرو د پیلېدو لپاره اوربند په‌کار دی او د سولې په خبرو کې به هم زمونږ لومړۍ خبره د اوربند په اړه وي.

په قطر کې د طالبانو د سیاسي دفتر ویاند سهیل شاهین ويلي؛ افغان حکومت د طالب زندانیانو نه خوشې کولو ته پلمې لټوي، چې په باور یې دغې چارې د افغانانو خپلمنځي خبرې ځنډنۍ کړي دي.

شاهین زیاته کړې؛ لږ شمېر طالب بندیان پاتې دي، چې له خوشې کیدو سره به یې پېنځه زره شمېر بشپړ شي.

په قطر کې د طالبانو د سیاسي دفتر ویاند سهیل شاهین وایي: هغو د څلورزره بندیانو له خوشې کیدو خبرې کوي؛ خو مونږ وایو، چې له درې زره ډېر. که دوی دا زرګونه بندیان له بنده همغه مهال خوشي کړي وای اوس به خپلمنځی خبرې هم پیل وای.

افغان حکومت د نړیوالې اجماع په یاده غونډه کې د طالبانو لخوا د تاوتریخوالي پر زیاتولو نیوکه کړې؛ خو د طالبانو سیاسي دفتر وايي، چې په لویو ښارونو، پوځي اډو یې ډله ییز بریدونه درولي دي.

سهیل شاهین په دې اړه وايي؛ جګړه هغه وخت نښلي، چې افغان حکومت په د دوی تر واکمنۍ لاندې سیمو کې د پوستو جوړول او اکمالات پیل کړي.

Continue Reading

تازه خبرونه

افغان حکومت دې د خبریالانو له نیولو او ګواښلو ډډه وکړي- د بې پولې خبریالانو ټولنه

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د بې پولې خبریالانو ټولنې له افغان حکومته غوښتي، چې د خبریالانو له ګواښلو لاس واخلي او د رسنیو قانون ته درناوی وکړي.

د بې پولې خبریالانو ټولنې په خپل تازه راپور کې اندېښنه ښودلې، چې په زابل کې د بیان راديو خبریال محبوب الله حکیمي د ملي امنیت سرتېرو لخوا د چنګاښ پر یوولسمه له هغې وروسته ونیول شو، چې په فیسبوک کې یې ولسمشر ته د کافر خطاب کړی و.

په راپور کې دا هم راغلي: حکیمي له نیول کیدو مخکې په ویدیو کې سپیناوی ورکړی و، چې فیسبوک یې هک شوی؛ خو د ملي امنیت لخوا له نیول کیدو وروسته ترې اعتراف اخیستل شوی او پښیماني یې ښودلې ده.

د بې پولې خبریالانو ټولنه څرګندوي، چې دغه راز په خوست ولایت کې د ملي امنیت سرتېرو یو خبریال نیولی او هم حکومتي چارواکو د پژواک خبري آژانس مسوولین ځورولي دي.

 دغې ټولنې له ولسمشر او د هغه له لومړي مرستیال امرالله صالح څخه غوښتي، چې د رسنیو قانون ته درناوی وکړي.

 حکومت بیا وايي، چې د خبریالانو او رسنیو ملاتړ ته ژمن دی.

د آزادو رسنیو ملاتړ ادارې اجرائيه مشر مجیب خلوتګر په ډاګه کړې، چې حکومت د بیان پر آزادۍ فشار راوړی او معلوماتو ته د لاسرسي مخالفت کوي او یا یې مخنیوی کوي. حکومت هغه قانو ته، چې خپله یې لاسلیک کړی ژمن ندی او خبریالان ګواښي.

دغه راز د بې پولې خبریالانو ټولنه وايي، چې د زمري پر یوولسمه د ملي امنیت سرتېرو په خوست ولایت کې د سیمه ییزو خبریالانو هر یو فاروق منګل او د هغه د ورور سیف الله حیات کورونه پلټلي او له هغوی سره یې ناوړه چلند کړی او ملي امنیت ته یې وړي دي.

د خبریالانو د خوندیتوب کمیتې د عدالت غوښتنې مسوول صدیق الله توحیدي ویلي؛ د بې پولې داکترانو اعلامیې پر خبریالانو یو لړ تورونه او اړوند بنسټونو ته د هغو له راکاږلو پرده پړرته کړې ده او ښيي، چې حکومت د خبریالانو پر شکایتونو هم غور نکوي او د ځانګړیو غوښتنو تر اغېز لاندې اغلي دي.

خبریالان وايي، چې له یوې خوا یې ژوند خوندي ندی او له بلې خوا اطلاعاتو ته د لاسرسي په برخه کې له ګڼو ستونزو سره مخ دي.

د بې پولې خبریالانو د ټولنې په راپور کې دا هم راغلي، چې پژواک خبري آژانس پاکستان ته د  مصنوعي تنفس د دوه دېرش دستګاوو د قاچاق د راپور له خپرولو وروسته د حکومت له مستقیم او نامستقیم فشار سره مخ شوی دی.

Continue Reading

تازه خبرونه

روسیه له طالبانو او حقاني شبکې سره اړیکې پالي- مارک ایسپر

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د امریکا دفاع وزیر ویلي، چې روسیه له طالبانو او حقاني شبکې سره اړیکې پالي او له دغه حالته استفاده کوي.

طالبانو ته د امریکايي سرتېرو د وژلو پر سر د روسیې لخوا د ډالۍ ورکولو د راپورونو له خپریدو وروسته د امریکا کانګرس دفاع وزیر او لوی درستیز د سپیناوي لپاره ور وبلل.

مارک ایسپر زیاته کړې، چې تر اوسه یې داسې شواهد ندي ترلاسه کړي، چې وښيي روسیې طالبانو ته د امریکايي سرتېرو د وژلو لپاره ډالۍ ورکړي وي؛ خو د امریکا د پوځ لوی درستیز ویلي، که دا راپورونه تائيد شي روسیې ته به ځواب ورکړي.

د امریکا دفاع وزیر مارک ایسپرویلي؛ ما، چې کله لومړني راپورونه ترلاسه کړل، نو جنرال میلر او مک کینزي یې په اړه څيړنې وکې او ورته جوته شوه، چې دا راپورونه د اعتبار وړ ندي.

د امریکا د پوځ لوی درستیز مارک میلي بیا ویلي، چې روسیې له کلونو راپدیخوا له طالبانو او حقاني شبکې مالي او روزنیز ملاتړ کړی دی.

نوموړی وایي: که دا جوته شي، چې؛ روسیه په افغانستان کې له سخت دریځو سره مرسته کوي، نو تاسې پوهیږئ، چې زه یو قهرجن پوځي یم، د بل هر پوځي په څېر. که د روسیې او بل هر دولت لخوا د امریکايي سرتېرو د وژلو حکم شوی وي؛ نو دا به ډېره ستره لوبه وي.

یو شمېر امریکايي پوځیان، چې په افغانستان کې یې دندې تر سره کړي وايي؛ روسیه له طالبانو سره ژورې اړیکې لري.

په افغانستان کې د ناتو د پرېکنده ملاتړ پخوانی قومندان جان نیکلسون وایي: دا یوه دوه اړخیزه معامله ده؛ روسیې وړاندیز کړی او طالبانو منلی دی. دا کار په مستقیم او غیر مستقیم ډول په افغانستان کې د سولې له روحیې سره په تکر کې دی.

روسیې او طالبانو دواړو دغه راپورونه رد کړي او روسیې د امریکا استخبارات تورن کړي، چې له افغانستان څخه د نشه يي توکو په قاچاق کې ښکېل شوي دي.

دا په داسې حال کې ده، چې افغان حکومت د امریکا او طالبانو د سولې هوکړې د بشپړې پلې کولو په برخه کې له نړیوالو څخه د همکارۍ غوښتنه کړې ده.

Continue Reading

Trending