Connect with us

تازه خبرونه

کنګو تبې په افغانستان کې اندېښنې رامنځته کړي

Avatar

خپور شوی

 په

(Last Updated On: وږی ۳, ۱۳۹۷)

د عامې روغتیا وزارت ویلي؛ د هېواد په نهه ویشت ولایتونو کې کنګو تبه پېژندل شوې، له ۲۰۰ کسانو څخه ډېر پرې اخته دي او له تېرو اته میاشتو راپدیخوا یې دوه دېرش کسان مړه کړي دي.

کنګو ناروغي انسانانو ته له څارویو څخه خمنډ‌ک رالیږدوي، چې ډېره خطرناکه یادیږي. دغه ناروغي  په ۲۰۱۱  کال په اووه ولایتونو کې وه؛ خو له تېرو اته میاشتو راپدیخوا په نهه ویشت ولایتونو کې پرې دوه سوه اووه شپېته کسان اخته شوي، چې تر دې دمه ترې دوه دېرش تنه مړه شوي دي.

د عامې روغتیا وزارت د ساري ناروغیو د مخنیوي رییس داکتر شاه ولي معروفي دغه څرګندونې زړه بوږنوونکې بولي او له خلکو غواړي، چې د دې ناروغۍ د وقایې لپاره د داکترانو لارښوونو ته جدي پاملرنه وکړي.

نوموړي دا هم په ډاګه کړې، چې پر حیواناتو باید درمل ووهل شي او پر هغو څارویو، چې خمنډک لیدل کیږي باید له پلوراو پېر یې ډډه وشي. د دغې ناروغۍ د لیدلو پر مهال باید ماسک، عینکې، اوږده چپن، موزې او دستکشې اړینې دي. دغه راز باید څاروي له حلالیدو وروسته  تر نیم ساعته په پوستکي کې وساتل شي، چې له دې سره یې د زیانونو کچه راټیټیدی شي.

ښاغلی معروفي ټینګار کوي؛ دغه ناروغي څو نښې لري، چې یوه نښه یې د پوستکي سوروالی دی؛ شدیده تبه او سردردي د دې ناروغي نورې نښې یادیږي.

د مسوولینو د څرګندونو له مخې؛ د څارویو د حلالولو پر مهال د پاکوالي نه رعایت هغه علت دی، چې ورسره د کنګو ناروغي پراخيږي.

 خبریال: رفیع صدیقي

Continue Reading
Advertisement

تازه خبرونه

د ایراني پوځیانو لخوا اوبو ته په اچول شويو کسانو کې ماشومان هم ول

Avatar

خپور شوی

په

توسط

(Last Updated On: غبرګولى ۸, ۱۳۹۹)

تازه موندنې ښيي چې د ایراني سرحدي پوځیانو لخوا د هریرود سیند ته د غورځول شوو افغانانو په جمع کې ماشومان هم شامل ول.

په هرات کې د هغو کسانو کورنیو له ایران سره په پوله کې د ایراني پوځیانو له خوا سیند ته د غورځول شویو کسانو د پوره څېړنې غوښتنه کړې او د بشري حقونو خپلواک کمیسیون هم څرګنده کړې، چې په دې پیښه کې څو ماشومان هم مړه شوي دي.

د ایران په خاوره کې سیند ته د افغان مسافرو د غورځیدلو په اړه د هرات د محلي چارواکو څلورم کنفرانس جوړ  شو؛ خو د څیړنو پایلې اوس هم روښانه شوې ندي.

 د هرات والي سید وحید قتالي ویلي، چې د څېړنې پایله به د بهرنیو چارو وزارت لخوا اعلان شي. په داسې حال کې، چې د دغې پېښې د قربانیانو کورنۍ د پېښې اصلي عاملین ایراني پوځیان بولي.

د بشري حقونو خپلواک کمسیون مرستیال نعیم نظري ټینګار کړی، چې په دې پېښه کې ۱۰ کسانو ژوند له لاسه ورکړی، ۱۵ کسان تريتم او ۲۱ نور ژغورل شوي دي.

د یاد کمیسیون د څرګندونې له مخې؛ په دې پېښه کې څو دولس کلن ماشومان هم سیند ته غورځول شوي او مړه شوي دي.

د پېښې د قربانیانو د کورنیو استازی مولوي جان محمد وایي؛ دولت تراوسه ندی توانیدلی، چې د پېښې عاملین پر ایراني چارواکو ایراني پوځیان ومني.

هغه زیاته کړې، چې دولت باید د څيړنو پایلې ژر اعلان کړي.

که څه هم دا پېښه له ملي او نړیوالو غبرګونونو سره مخ شوې او ولسمشر یې د جدي څېړنې لارښوونه هم وکړه؛ خو د نږدې یوې میاشتې له تېریدو تراوسه د دغې څېړنې پایلې اعلان شوې ندي.

Continue Reading

تازه خبرونه

د طالب بندیانو د خلاصون تخنیکي پلاوی کابل ته رارسیدلی

Avatar

خپور شوی

په

توسط

(Last Updated On: غبرګولى ۸, ۱۳۹۹)

د طالبانو یو پلاوی کابل ته د بندیانو د خلاصون د ځیني تخنیکي لارو چارو په موخه کابل ته راغلې.

په قطر کې د طالبانو د سیاسي دفتر غړي او ویاند کابل ته د طالب بندیانو د تصدیق او خوشې کولو پر نیت د یو تخنیکي پلاوي له رسیدو خبر ورکړی او د ملي امنیت شورا دفتر هم منلې، چې دا پلاوی یوازې د دواړو لوریو د بندیانو د خوشي کولو د تخنیکي کارونو په اړه کابل ته راغلی دی.

د طالبانو یو پېنځه کسیز پلاوی د طالب بندیانو د خوشي کولو د څرنګوالي، تثبت او هویت د پېیژندنې او دولتي بندیانو د خوشي کولو په اړه د خبرو په موخه کابل ته رسیدلی دی.

په قطر کې د طالبانو د سیاسي دفتر ویاند سهیل شاهین ویلي، چې: د افغانستان اسلامي امارت یو پېنځه کسیز تخنیکي ټیم د بندیانو د خوشی کولو، تصدیق او تثبیت په موخه کابل ته لیږل شوی او دا ټیم به په تخنیکي برخه کې د دوی ستونزې حل کړي.

د ملي امنیت شورا دفتر هم منلې، چې د طالبانو او حکومت تخنیکي پلاوی د دواړو لوریو د بندیانو پرخوشي کولو کار کوي.

د امریکا دفاع وزیر ویلي؛ د افغانستان دولت د طالب بندیانو له خوشي کولو سره وښوده، چې غواړي د بین الافغاني خبرو پر لوري ګامونه واخلي.

پنتاګون په دې باور دی، چې د افغانستان حکومت د دوه زره طالب بندیانو له خوشي کولو سره د سولې په برخه کې یو اغېزمن ګام پورته کړی دی.

ډېر په دې باور دي، چې د سولې په برخه کې رامنځته شوی فرصت باید له لاسه ورنکړ شي.

داسې ښکاري، چې د سولې خبرو د پیل لپاره رامنځته شوي خنډونه اوس د لیرې کیدو په حال کې دي.

Continue Reading

تازه خبرونه

په هېواد کې د کرونا ویروس د مثبت پېښو شمېر۱۳۰۳۶ ته لوړشو

Avatar

خپور شوی

په

توسط

(Last Updated On: غبرګولى ۸, ۱۳۹۹)

د عامې روغتیا وزارت ویلي؛ په تېرو څلیریشت ګړیو کې د کرونا ویروس ۱۰۷۲ شکمنې بېلګې کتل شوي، چې ۵۸۰  یې مشبتې او له دې سره پر جرونا د اخته کسانو ټول شمېر هم ۱۳۰۳۶ ته پورته شوی دی.

د عامې روغتیا وزارت د روغتیایي خدمتونو مرستیال وحیدالله مجروح وایي: له تېرو ۲۴ ګړیو څخه په کابل کې ۳۲۲، په هرات کې ۱۳۹، په پنجشېر کې۲۷، په بلخ کې ۲۲، په فراه کې ۲۱، په پکتیا کې ۲۰، په فاریاب کې ۱۵او په پروان کې ۱۴ پېښې ثبت شوي، چې ورسره د ټولو مړه شویو کسانو شمېر هم ۲۳۵ رسیدلی دی.

نوموړی په هېواد کې د طبی وسایلو له لږوالي خبرداری ورکوي او وایي: که ژر دا طبی توکي او وسایل برابر نشي له ستونزو سره به مخ شو.

د عامې روغتیا وزارت ټینګار کوي، چې خلک  دې لږ تر لږه ماسک، ټولنیز واټن او د لاسونو مینځلو ته پاملرنه وکړي.

Continue Reading

Trending