Connect with us

تازه خبرونه

ملي وحدت حکومت د امنیت په ټینګښت کې بې پروايي کړې- سروردانش

خپور شوی

د

(Last Updated On: لړم ۲, ۱۴۰۱)

په کابل کې د شهید اوونۍ او احمد شاه مسعود د اووه لسم تلین په مراسمو کې  احمد شاه مسعود د جګړې د ډګر او آزادۍ سړی ونومول شو او د ولسمشر دوه یم مرستیال ومنله، چې د ملي وحدت حکومت د امنیت په ټینګښت کې بې پروايي کړې ده.

افغانستان په داسې حال کې د جګړې پېنځمې لسیزې ته ننوځي، چې د ولسمشر دوه یم مرستیال د امنیت پر ټینګښت اندېښنه څرګندوي او وایي، چې هېواد د دښمنانو له سیستماتیکو بریدونو او ګواښونو سره مخ دی.  

د اجرائيه ریاست دوه یم مرستیال محقق نه یوازې د هېواد پر اوسنیو شرایطو تمرکز وکړ، بلکې د سولې او جګړې پر کړنلاره یې هم نیوکه وکړه او زیاتوي، چې له همدې کبله د افغان سرتېرو تلفات مخ پر لوړیدو دي.

نوموړی زیاتوي، چې د ګونګو تګلارو له کبله د افغان سرتېرو تلفات مخ په لوړیدو دي.

عبدرب رسول سیاف هم ټينګار کوي، چې په هېواد کې سولې ته اړتیا ده؛ خو افغانان د داسې سولې تږي دي، چې جګړه ور سره پای ومومي.

هغه دا هم په ډاګه کړې؛ د سولې لپاره ملي او سراسري پلاوی د جوړیدو په حال کې دی، چې له وسلوالو طالبانو سره  به د سولې خبرې په مخ یوسي.

پخواني ولسمشر حامد کرزي په دغو مراسمو کې سیاسي مسایلو ته په کنایه کې داسې اشاره وکړه: خلاص یو او خلاص یې کړو.

په دغو مراسمو کې د ولسمشر لومړي مرستیال په یو پیغام کې له خلکو بښنه غوښتې، چې خپلې ژمنې یې نه دي عملي کړي.

دغه راز پر ولسمشرۍ ماڼۍ تور پورې شو، چې چاپلوسو کسانو ته ډېر وخت ورکوي.

په دې یادغونډه کې نیوکې پر حکومت راڅرخدلي، چې امنیتي وضعیت ورځ تر بلې د خرابیدو په حال کې دی؛ امنیتي ځواکونه او ملکي وګړي هره ورځ وژل کیږي.

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!