Connect with us

تازه خبرونه

ملي شورا به په راروانه اوونۍ کې پرانستل شي

Avatar

خپور شوی

 په

(Last Updated On: غویی ۳, ۱۳۹۸)

 ټاکنڅارې ډلې او کارپوهان وایي؛ تر هغې، چې د پاتې ولایتونو د ولسي جرګې ټاکنو وروستۍ پایلې اعلام او د ټاکنیزو کمیسیونونو د پخوانیو کمیشنرانو دوسیې څرګندې نشي ملي شورا دې نه پرانیستل کیږي.

شاوخوا شپږ میاشتې کیږي، چې د ولسي جرګې ټاکنې تر سره شوي؛ خو تر اوسه ملي شورا د دولت د درې ګونې قوې په توګه فعاله نده.

په راروانه اوونۍ کې د ولسمشر غني لخوا د ملي شورا پرانیسته د ټاکنیزو کارپوهانو له نیوکو سره مخ شوه.

د ټاکنو خپلواک کمیسیون د دارالانشا پخوانی رییس داوود علي نجفي ټینګار کوي؛ تر هغې، چې  ټاکنیزو کمیسیونونو د پخوانیو کمیشنرانو دوسیې ونه څېړل شي د ملي شورا پرانیسته به ستر ناورین را ولاړ کړي.

د افغانستان د آزادو او عادلانه ټاکنو بنسټ رییس یوسف رشید هم وایي، که د کابل په ګډون د پاتې ولایتونو د ولسي جرګې ټاکنو وروستۍ پایلې اعلام نشي، د ملي شورا پرانیسته به تخنیکي او حقوقي ستونزې را ولاړې کړي.

نږدې دوه میاشتې کیږي، چې د ملي شورا دروازه بنده ده او ټاکل شوې، چې ولسمشر راروانه اوونۍ د ملي شورا پرانیسته وکړي.

په داسې حال کې، چې د ټاکنو خپلواک کمیسیون تر دې دمه د ۲۸ ولایتونو وروستۍ پیایلې اعلام کړي دي؛ خو د پاتې ولایتونو د ولسي جرګې ټاکنو وروستۍ پایله نده معلومه او د ټاکنیزو کمیسیونونو د پخوانیو کمیشنرانو دوسیې هم تر دې دمه تر څېړنو لاندې دي.

تازه خبرونه

په افغانستان کې پر کرونا اخته کسان ۱۷۲۶۷ ته رسیدلی؛ خو نن ترې دوه چارواکي مړه شوي

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

په کندوز ولایت کې پر کرونا اخته دوه سیمه ییز چارواکي په داسې حال کې مړه شوي، چې د هېواد د رسمي څرګندونو له مخې د دې ویروس ټول شمېر ۱۷۲۶۷ ته رسیدلی دی.

د کندوز ولایت ویاند ویلي؛ د قلعه ذال ولسوال فهیم قرلق او د دې ولایت امنیه قومندان جنرال رشید بشیر، چې له څو ورځو راپدیخوا پر کرونا اخته ول؛ نن سهار ترې مړه شوي دي.

د کندوز والي ویاند عصمت مرادي ویلي، چې د دې ولایت د پولیسو مشر رشید بشیر نن سهار د کابل په یوه روغتون او د قلعه ذال ولسوال فهیم قرلق د کندوز په کوویډ – ۱۹ روغتون کې مړه شوي دي.

دا په داسې حال کې ده، چې له تېرو ۲۴ ګړیو راپديخوا په ټول هېواد کې د کرونا ویروس له ۱۳۲۳ شکمنو بېلګو ۷۵۸ مثبتې ثبت شوې دي.

د یاد وزارت د څرګندونو له مخې؛ په تېرو ۲۴ ګړیو کې ۲۴ کسان له کرونا ویروسه مړه شوي او ۷۸ نور له رغیدو وروسته کورونو ته رخصت شوي دي.

دغه راز د  عامې روغتیا وزارت د څرګندونو له مخې په ټول هېواد کې د کرونا ویروس پر ناروغۍ د اخته کسانو شمېر۱۷۲۶۷ ته رسیدلی؛ ۱۵۲۲ ترې روغ شوي او ۲۹۴ نور مړه دي.

د عامې روغتیا وزارت مرستیال وحیدالله مایار په ډاګه کړې؛ د روغتیا نړیوال سازمان د کرونا ویروس معلومولو لپاره له افغانستان سره د ۱۰ دستګاوو مرسته کړې، چې تر دوه اوونیو به هېواد ته راورسیږي.

دا په داسې حال کې ده، چې د اطلاعاتو او فرهنګ وزارت هم د عامې روغتیا وزارت په همکارۍ کابینې ته یوه طرحه وړاندیز کړې، چې د هېواد په ګوټ ګوټ کې د څه باندې سل تلویزیونونو او دوه سوه ۳۱ راډیوګانو له لارې د کرونا ویروس په اړه د عامه پوهاوي د لوړولو لپاره بېلابېل  پیغامونه خپاره کړي.

Continue Reading

تازه خبرونه

د پکتيا د سیدکرام ولسوالۍ امنيه قومندان ووژل شو

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د پکتیا سیمه ییزو چارواکو منلې، چې د دې ولایت د سید کرم ولسوالۍ امنیه قومندان له خپلو درې پولیسو سره وژل شوی دی.

د سیدکرم ولسوالۍ ولسوال شریف کلیوال آریانا نیوز ته ویلي، چې تېره شپه د دې ولسوالۍ د امنیه قومندان همایون همت پر موټر د سړک غاړې ماین چاودنه رامڼخته شوې ده.

ښاغلي کلیوال زیاته کړې؛ پېښه هغه مهال رامینځته شوه، چې د پولیسو قومندان تر برید لاندې پوستې مرستې ته روان شو.

سیمه ییزو چارواکو منلې، چې د سید کرم ولسوالۍ امنیه قومندان او درې پولیس وژل شوي او څلور نور سرتېري ټپیان دي.

ښاغلي کالوال دا هم ویلي، چې طالبانو ته ځاني زیان اوښتی؛ خو د جزئیاتو له وړاندې کولو یې ډډه کړې ده.

طالبانو تر دې دمه په دې اړه څه ندي ویلي.

پکتيا د هېواد په جنوب ختيځ کې يو له ناامنو ولايتونو څخه دی، چې په يو شمېر ولسواليو کې يې طالبان پراخې هڅې تر سره کوي.

 

Continue Reading

تازه خبرونه

په فراه کې د هندواڼو حاصلات په بې ساري توګه ډېر شوي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د افغانستان کرنې او مالداارۍ وزارت ویلي، چې سږکال به د فراه د هندواڼو حاصلات ۷۸۹ زره ټنو ته ورسېږي، چې دا د تېر کال په پرتله شپږ سلنه ډېروالی  ښیي.

د کرنې او مالدارۍ وزارت ویاند اکبر رستمي ویلي، سږکال به د فراه ولایت د هندواڼو حاصلات تر ۷۸۹ زره او ۴۰۰ مټریک ټنو پورې ورسېږي.

د نوموړي د څرګندونو له مخې؛ په روان کال کې د دې ولایت پر نږدې ۱۹ زره او ۱۵۰ هکتاره ځمکه هندواڼې کرل شوې دي.

د فراه ولایت کروندګرو هم د هندواڼو په حاصلاتو کې د زیاتوالي خبره کړې؛ خو د مارکیټ نشتوالی لویه ستونزه بولي.

د سوداګرۍ اوپانګونې خونې مسوولینو ویلي، تر اوسه د هېوادنیو صادراتو لپاره د صنعت او سوداګرۍ وزارت هیڅ  بازار موندنه نده کړې.

د سوداګرۍ او پانګونې خونې غړی خانجان الکوزي د صنعت او سوداګرۍ پر وزارت نیوکه کړې او وایي، د سوداګرۍ وزارت باید د کورنیو محصولاتو لپاره د بازار موندنې او لیږدولو زمینه برابره کړې وای.

دوی وایي، چې د افغانستان هندواڼو ته ترټولو ښه بازار د سویلي آسیا هېوادونه دي؛ خو له بده مرغه پاکستان د تل په څېر افغان صادراتو ته اجازه  نه ورکوي.

د یادونې ده، چې د صنعت او سوداګرۍ وزارت تر دې دمه په دې اړه څه ندي ویلي.

Continue Reading

Trending