Connect with us

تازه خبرونه

ملي تدارکاتو کمیسیون څلور پروژې منظورې کړې

خپور شوی

د

(Last Updated On: لړم ۲, ۱۴۰۱)

د ولسمشرۍ د خبرپاڼې له مخې؛ پرون ماښام په ارګ کې د ولسمشر اشرف غني په مشرۍ د ملي تدارکاتو کمیسیون د ۱،۳ میلیارد افغانیو پر ارزښت۲۰ تدارکاتي مورده وارزول، چې په پایله کې د ۶۲۸،۶ میلیون افغانیو پر ارزښت څلور پروژې منظورې شوې.

په خبرپاڼه کې راغلي، چې: د ۳۴ کیلومتر په واټن د کابل- غزني لویې لارې د اساسي ترمیم د قرارداد ورکړه، د لوړو زدکړو وزارت د ریفورم پروژې په ګډون د عامې روغتیا وزارت د روغتیايي تاسیساتو د درملو تهیه او تدارک، د ملي دفاع وزارت د قطعاتو او جزوتامونو د اړتیا وړ ۱۲۷ قلمه البسې تدارک د قرارداد ورکړه او د خوست ولایت په مرکز کې د نمونه‎یي کمپلکس ودانۍ د قرارداد ورکړه؛ پروژې منظورې شوې.

دغه راز څرګنده شوې، چې کمېسیون له هر اړخیز غور او څېړنو وروسته په لاندې پروژو کې د وړاندېزونو له مخې ؛ د مخابراتو او معلوماتي تکنالوژۍ وزارت د بېلابېلو روغنیاتو د تهیه او تدارک په پروژه کې د بیې په زیاتوالي د مودې تعدیل، د چابهار بندر له لارې د هندوستان هېواد له کندولا بندر څخه ۱۳۰ زره متریک ټنه غنمو د لېږد پروژې تعدیل، د جوزجان ولایت په شبرغان ښار کې د ۱۵ کیلومتر په واټن حلقوي سړک د قیر او جوړولو په پروژه کې د بیې په زیاتوالي د مودې تعدیل، د هېواد په کورنیو هوايي ډګرونو کې د الوتکو د اړتیا وړ تېلو تدارک په پروژه کې د بیې په زیاتوالي تعدیل او د ۲۰۹ شاهین قول اردو قومندانۍ د ودانیو د هوايي تصفیې د دستګاه په قراداد کې د بیې له زیاتوالي پرته تعدیلات منظور شوي دي.

دغه راز په دې غونډه کې د ملي دفاع، کورنیو چارو، برښنا او اوبو د وزارتونو، د آریانا افغان هوايي شرکت او کابل ښاروالۍ د پرېکړو د تحقق پر راپورونو د دې کمیسیون پر مخکینیو پرېکړو او لارښوونو او په کاپیسا ولایت کې د ۱۰۰ بستریز روغتون د جوړولو پروژې د  چارو پر څرنګوالي د کور او ښار جوړولو وزارت د راپور په اړه لازمې پرېکړې وشوې.

کمیسیون د دوه یمو واحدونو لپاره د پولي صلاحیت د ورکولو پر بنیاد د سیمه‎ییزه ارګانونو خپلواکې ادارې وړاندیز په پرنسیپ کې تائید کړ؛ خو د حاجیانو د هوايي لېږد خدماتو پروژې قرارداد د بیې په اړه د ارشاد، حج او اوقافو وزارت وړاندېز ونمنل شو.

 د یادونې وړ ده، چې په دې غونډه کې د ملي تدارکاتو کمیسیون پر رییس او غړیو سربېره له فساد سره د مبارزې پارلماني کاکس، د ولسي جرګې د مالي او بودجې او ملي اقتصاد کمیسیونونو، د غوڅ ملاتړ سیستیکا، د افغانستان د شفافیت څار بنسټ ملي او بین المللي څارونکیو هم حضور درلود.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!