Connect with us

تازه خبرونه

هڅه کوو، چې طالبان له افغان حکومت سره د سولې خبرو ته قانع شي- خان

Ariana News

خپور شوی

 په

(Last Updated On: مرغومی ۱۸, ۱۳۹۷)

د پاکستان لومړي وزیرعمران خان ژمنه کړې، چې له افغان حکومت سره د وسلوالو طالبانو خبرو ته به زمینه برابروي.

د ترکیې له ټي آر ټي تلویزیون سره په مرکه کې د پاکستان لومړي وزیر عمران خان ویلي، چې خپلې هڅې به تر هغه وخته روانې ساتي، چې وسلوال طالبان له افغان دولت سره د سولې خبرو ته قانع شي.

د پاکستان لومړي وزیر عمران خان څرګنده کړې، چې د افغانستان ستونزه پر جګړه نه حل کیږي؛ د خوښۍ ځای دی، چې ټول اوس پدې پوه شوي دي. مونږ، چې اوس څه د خپل ګاونډ لپاره کولی شو؛ هغه دا دي، چې وسلوال طالبان له امریکا او افغان دولت سره د سولې خبرو ته قانع کړو.

عمران خان دا هم په ډاګه کړې، چې د دوه زره لومړي کال د سپتمبر له یوولسمې راوروسته پاکستان له امریکا سره ملګرتيا وکړه او په افغانستان کې د شوروي اتحاد د برید پر وخت یې د پیسو په بدل کې د ملګرو په توګه وجنګیدو؛ خو اوس نه غواړو د پیسو په بدل کې له چا سره جګړه وکړو.

د پاکستان لومړی وزیر عمران خان زیاته کړې، چې اوس مونږ له چا پیسې نه غواړو او نه هم د پیسو په بدل کې چا ته کار کوو. زمونږ بهرنۍ تګلاره د پاکستان د خلکو په ګټه جوړه شوې ده.

له دغو خبرو سره همهاله د امریکا ولسمشر او د هند لومړي وزیر ژمنه کړې، چې له افغانستان سره به په ۲۰۱۹ کال کې هم ستراتیژیکې او اقتصادي همکارۍ روانې ساتي؛ ځکه، چې امریکا له افغانستان څخه د اووه زره سرتېرو پر وتو غور پیل کړی دی.

داسې بريښي، چې د سیمې هېوادونه د افغانستان د سولې په اړه له پخوا ډېر فعال شوي؛ خو وېره دا ده، چې دغه فعالیتونه به پر سیمه ییزو تربګینو بدل نشي.

دا په داسې حال کې ده، چې د عربي اماراتو د وزیرانو له ريیس سره په خبرو کې پاکستان او عربي متحده اماراتو د افغان سولې لپاره پر ګډو هڅو هوکړه کړې ده.

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

تازه خبرونه

د سولې خپلمنځي خبرې باید د بندو دروازو تر شا ونشي

Avatar

خپور شوی

په

توسط

(Last Updated On: زمری ۲۳, ۱۳۹۹)

اطلاعاتو ته د لاسرسي کمیسیون په ډاګه کړې، چې د سولې خبرې باید د خبریالانو په حضور کې تر سره شي.

 په قطر کې د افغانانو خپلمنځي خبرې د پیلیدو په درشل کې دي؛ خو د دغو خبرو رسنیز پوښښ د محدودولو هڅو د افغان خبریالانو او مدافع بنسټونو اندېښنې را پارولي دي.

ویل کیږي افغان خبریالان، چې د پوښښ لپاره قطر ته د تلو هوډ لري؛ دغه هېواد ویزه نه ورکوي.

اطلاعاتو ته د لاسرسي کمیسیون غړي عین الدین بهادري ویلي، چې په قطر کې د افغانانو په خپلمنځي خبرو کې د افغان خبریالانو ګډون باید اساسي شرط وي، چې وکولی شي د خبرو جزئیات خلکو ته وړاندې کړي.

دوی وايي، چې د خبریالانو له حضور پرته به دغه خبرې سختې پوښتنې را پورته کړي.

ویل کیږي، چې د افغان رسنیو هغو خبریالانو ته د قطر هېواد ویزه نه ورکوي؛ چې غواړي د سولې د خبرو د پوښښ لپاره دغه هېواد ته ولاړ شي.

د خبریالانو د خونديتوب کمیتې مسوولین وايي، چې د سولې پرېکړې باید د تړلیو دروازو تر شاه ونشي.

د خبریالانو د خوندیتوب کمیتې اجرائيه مشر صدیق الله توحیدي هم په دې اندېښمن دي، چې ګواکي په قطر کې د افغانانو په خپلمنځي خبرو کې خبریالانو ته د ګډون او راپور ورکولو حق نه ورکول کیږي.

خبریالانو ویلي؛ افغان طالبانو او امریکايي پلاوي هم په قطر کې شاوخوا یو کال د تړلیو دروازو تر شا خبرې وکړې او خبریالانو په ډېره سختۍ له دغو غونډو معلومات تر لاسه کول.

عام افغانان هم په دې باور دي، چې باید د افغانانو له خپلمنځي خبرو څخه باخبره وساتل شي او پوه شي، چې د هېواد او خلکو برخلیک ټاکنه کوم پړاوونه وهي او پر کوم لوري روانیږي.

د رسنیو ملاتړي بنسټونه وايي؛ که څه هم له افغان دولت سره هوکړې ته رسیدلي، چې د خبرو او غونډو جزئیات به رسنیو ته وړاندې کبږي؛ خو حکومت تر اوسه څه نه وايي.

د سولې په برخه کې د دولت وزارت مسوولین د خبریالانو د سفر د ځنډیدو په اړه څه نه وايي؛ خو یو شمېر خبریالان دغه وزارت ته ورپېژندل شوي، چې د سولې د خبرو د لومړي پړاو د پوښښ لپاره به قطر ته ځي.

Continue Reading

Trending