Connect with us

تازه خبرونه

نړۍ دې له چین څخه تښتیدونکیو اویغور مسلمانانو ته پناه ورکړي- مایک پمپیو

Ariana News

خپور شوی

 په

(Last Updated On: February 3, 2020)

د امریکا بهرنیو چارو وزیر مایک پمپیو د نړۍ له هېوادونو غوښتي، چې له چین څخه تښتیدونکیو ایغور مسلمانانو ته دې پناه ورکړي.

مایک پمپیو منځنۍ آسیا ته د سفر پر مهال په قزاقستان کې خبریالانو ته په ډاګه کړې: امریکا له ټولو هېوادونو دا غوښتنه لري، چې پر چین د فشار راوړلو لپاره له امریک سره یو ځای او د اویغور مسلمانانو روانه ځپنه پای ته ورسوي. زمونږ غوښتنه ساده ده؛ هغوی، چې له چین څخه تښتې، پناه ورکړئ.

هغه د قزاقستان په مرکز نورسلطان کې خبریالانو ته ویلي، چې د اویغور مسلمانانو د مسئلې په اړه یې د قزاقستان د بهرنیو چارو له وزیر سره خبرې تر سره کړې.

هغه زیاته کړې: مونږ د انسانانو د قاچاق او همدغه راز پر ایغور مسلمانانو د سختیو په اړه، چې د چین کمونیست ګوند د قزاقستان سرحد ته نږدې د شين ژیانګ په ایالت کې بندي ساتلي، هم بحث وکړ.

ښاغلي پمپیو په قزاقستان کې د قزاق له یو شمېر هغو کورنیو سره هم ولیدل، چې وايي، خپلوان یې د چین د شین ژیانګ په کمپونو کې بندي ساتل شوي دي.

قزاقستان د چین قزاق اقلیتونو ته د اوسید اجازه ورکړې؛ خو تر دې دمه یې پناه نه ده ورکړې.

د بشري حقونو ډلې وايي‌، چې چین د شین ژیانګ په ایالت کې څه باندې یو میلیون اویغور مسلمانان له افراطیت سره د مبارزې په پلمه په کمپونو کې بند ساتلي دي؛ خو چین دا راپورونه ردوي.

د شنونکیو په اند؛ په سیمه کې اقتصادي، سیاسي او پوځي ناندرو ورځ تر بلې د چین او امریکا تر منځ اړیکې اغېزمنې کړې دي.

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

تازه خبرونه

خلیلزاد د ملي پخلاینې عالی شورا له مشرتابه او غړیو سره ولیدل

Ariana News

خپور شوی

په

توسط

(Last Updated On: March 1, 2021)

د ملي پخلاینې عالي شورا مشر عبدالله عبدالله د دوشنبې پر سهار په کابل کې د امریکا د سولې له ځانګړي استازي زلمي خلیلزاد سره د افغانستان د سولې پر روان بهیر بحث او خبرې کړې دي.

عبدالله عبدالله په خپل یوه ټویټ کې څرګنده کړې؛ مونږ په دوحه کې  د سولې، د تړون د بیاکتنې او د راتلونکيو پرمختګونو په اړه خبرې وکړې.

هغه ویلي، چې مونږ د تاوتریخوالي د سمدستي پای او د سولې خبرو د ګړندۍ کیدو غوښتنه کوو.

سیمې ته د خلیلزاد سفر له طالبانو سره د امریکا د ولسمشر جو بایډن تر مشرۍ لاندې د خبرو د بیا پیل ښکارندویي کوي.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

Continue Reading

تازه خبرونه

د دوحې تړون د سولې پر ځای افغانان له ترهګرۍ او وحشت سره مخ کړي ـ د ملي امنیت شورا

Ariana News

خپور شوی

په

توسط

(Last Updated On: March 1, 2021)

د افغانستان ملي امنیت شورا ویاند تېره ورځ ویلي؛ د امریکا او طالبانو ترمنځ تړون، چې تېر کال د قطر په دوحه کې لاسلیک شوی؛ افغانانو ته د سولې او اوربند پر ځای امریکا او طالبانو ته سوله او اوربند تضمین کړی دی.

د ملي امنیت شورا ویاند رحمت الله اندړ په خپل یوه ټویټ کې څرګنده کړې؛ افغانانو، چې د دوحې له هوکړه ليکه د سولې او امنيت اړوند کوم توقعات لرل هغه یې تر لاسه کړي ندي.  

د نوموړي د څرګندونو له مخې؛ دغه تړون تر اوسه پورې يوازې له امریکا سره اوربند يقيني کړی، له افغانانو سره اوس هم د طالب رابطه يوازې تر قتل، غارت، ترور او وحشت محدوده ده.

رحمت الله اندړ یاد تړون عملي نه بولي او په دې اړه څرګندوي: اوس هم په دې تړون کې د افغانانو لپاره د هيله مندۍ څه نشته او د خپلمنځي خبرو بهیر هم د طالبانو له لاسه ټکنۍ شوی دی.

رحمت الله اندړ ویلي؛ که د دوحې تړون ته د افغانانو له لیدلوري وکتل شي، د سولې په تمه وخت ضایع شوی، افغانانو ته درانده ځاني او مالي زیانونه اوښتي او په ټوله کې افغانستان ویجاړ شوی دی.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

د لاسلیک شوي تړون له مخې؛ د ناټو او امریکا ټول بهرني سرتېري د می پر لومړۍ نېټه له هېواده وځي؛ خو ناټو او افغان حکومت د سولې تر راتلو د ځواکونو پر پاتې کیدوټینګار څرګندوي.

دا په داسې حال کې ده، چې طالبانو د یکشنبې پر ورځ د امریکا او طالبانو تر منځ د تړون د لومړۍ کلیزې په ویاړ له امریکا غوښتي، چې په تړون کې له ژمنې سره سم ګامونه پورته کړي او که نه د د سولې بهیر به زیانمن کړي.

Continue Reading

Trending

آریانا نیوز: ټول حقونه خوندي دي