Connect with us

پرمختګ او بشپړتیا

ولسي جرګې د ۱۳۹۸ کال ملي بودجه تصویب کړه

Ariana News

خپور شوی

 په

(Last Updated On: مرغومی ۱۰, ۱۳۹۷)

د ولسي جرګې د بودجې او مالي چارو کمیسیون وايي؛ کابو یوه میاشت ملي بودجه وارزول شوه، چې په کې د مهمو بدلونونو له رامنځته کولو وروسته د رایو له مخې تصویب او منل شوه.

د دیارلس سوه اته نوییم مالي کال ملي بودجه، چې ۳۹۹ میلیارد افغانۍ ده د ولسي جرګې په عمومي غونډه کې پرې بحث وشو. که څه هم د جرګې یو شمېر غړي وايي، چې ملي بودجه د سلیقو له مخې جوړه شوې او توازن په کې نشته او حکومت پر جرګه فشار راوړی، چې تصویب شي.

په ولسي جرګه کې د غزني استازی چمن شاه اعتمادي وایي، چې پارلمان د حکومت او مالیې وزارت تر ناقانونه فشارونو لاندې دی او نه غواړي، چې بودجې ته بشپړه پاملرنه وشي او په دې اړه د خلکو ستونزو ته د حل لار وموندل شي.

په ولسي جرګه کې د کوچیانو استازی حبیب افغان هم وایي، چې په ملي بودجه کې کوچیانو ته لږ افغانۍ په پام کې نیول شوي. په داسې حال کې، چې یو شمېر ولایتونو ته سترې پروژې د پام وړ دي.

د ولسي جرګې د بودجې او مالي چارو کمیسیون مسوولین وايي، چې دوی کابو یوه میاشت ملي بودجه وڅېړله او لازم بدلونونه یې په کې راوستل.

د ولسي جرګې د بودجې او مالي چارو د کمیسیون رييس محمد عظیم محسني وایي، چې د سترو پروژو د څېړلو لپاره مو وخت او بودجه په  پام کې نیولې؛ اړین بدلونونه او اصلاحات هم ور زیات شوي دي.

د ولسي جرګې رييس عبدالرووف ابراهیمي څرګنده کړه؛ د ۱۳۹۸ مالي کال بودجه ۳۹۹ میلیارد افغانۍ ده، چې ۲۷۵ میلیارد يې عادي او ۱۲۴هغه پراختیایي ده. له بحثونو وروسته دغه ملي بودجه رایو ته وړاندې کیږي. څوک یې، چې مني شنه او مخالف باید سره رایه پورته کړي.

په پای کې یاده بودجه د رایو په اکثریت تصویب او ومنل شو.

دا لومړی ځل دی، چې د ولسي جرګې په لومړۍ عمومي غونډه کې ملي بودجه تصویبیږي. د نورو کلونو ملي بودجې به څو ځله د نیمګړتیاوو د اصلاح لپاره ردیده.

د یادونې وړ ده، چې د افغانستان د ملي بودجې یو پنځوس په سلو کې له نړیوالو مرستو جوړه شوې او ۴۱ سلنه به یې پر امنیتي برخو کې ولګول شي.

خبریال: رفیع صدیقي

پرمختګ او بشپړتیا

افغان بیسیم مخابراتي شرکت انټرنټي بیې راټيټې کړې

Ariana News

خپور شوی

په

توسط

(Last Updated On: وری ۱۷, ۱۳۹۹)

د افغان بیسیم شرکت مسوولینو ویلي، چې د دوشنبې له ورځې به نوې انټرنټي کڅوړې په ټيټه بیه خپلو مشتریانو ته وړاندې کړي.

په افغانستان کې انټرنټ ته د خلکو اړتیا د هرې ورځې په تېریدو مخ په ډېریدو ده؛ ځکه، نو افغان بیسیم مخابراتي شرکت په انټرنټي کڅوړو کې تخفیفونه راوستي دي.

د مخابراتو او معلوماتي تکنالوژې وزارت مسوولینو ويلي، چې د ولسمشر د حکم او د اقتصاد عالي شورا د پرېکړې له مخې له افغان بیسیم شرکت سره هوکړې ته رسیدلي، چې دغه شرکت به د انټرنټ بیې را ټيټوي.

د مخابراتو او معلوماتي تکنالوژۍ وزارت سرپرست فهیم هاشمي وايي، چې د ولسمشر د حکم او د اقتصاد د عالي شورا د پرېکړې له مخې په دې اړه له افغان بیسیم مخابراتي شرکت سره هوکړې ته رسیدلي دي.

د افغان بیسیم مخابراتي شرکت استازی  علي الله سروري وايي، چې پر ټیټ قیمت د انټرنټ نوې کڅوړې به د دوشنبې شپې پر دولس بجو خپلو مشتریانو ته وړاندې کړي.

په افغانستان کې د کورونا ویروس له کبله په ځينو لویو ښارونو کې پر تګ راتګ محدودیتونه لګیدلي او خلک اړ دي، چې په موبایل او انټرنټ له حالاتو ځان خبر وساتي.

خلک د افغان بیسیم د دغه ګام هرکلي کوي.

Continue Reading

پرمختګ او بشپړتیا

د کرنې او مالدارۍ وزارت پر ۳۲۵۰ هکتار ځمکه د انځرو باغونه جوړوي

Ariana News

خپور شوی

په

توسط

(Last Updated On: وری ۱۸, ۱۳۹۹)

د کرنې او مالدارۍ وزارت وایي، چې تر راتلونکیو ۵ کلونو پورې به په هېواد کې پر۳۲۵۰ هکتار ځمکه د انځرو باغونه جوړ شي.

د دغه وزارت مسوولینو ويلي، چې د انځر د باغونو د پراختیا ملي طرحه د ولسمشر له خوا منظور شوې او تر راتلونکیو ۵ کلونو به د هېواد په کچه د انځرو د باغونو د جوړولو په برخه کې ۶۰ میلیون ډالر پانګونه وشي او لسګونه کسانو ته به کاري زمینه هم برابره شي.

مسوولینو دا هم ویلي، چې له دې سره به په هېواد کې د انځرو د پروسس لسګونه مرکزونه هم جوړ شي.

اکبر رستمي د کرنې او مالدارۍ وزارت ویاند وایي، چې ډېري دغه باغو نه به په هرات، بلخ او کندهار کې جوړ شي. افغانستان د انځرو د تولید په برخه کې لوړ ظرفیت لري؛ نو، څکه مو ورته سوداګریزه طرحه جوړه کړې ده.

د اقتصادي چارو کارپوهان هم د کرنې وزارت له دې هڅې هرکلی کوي او زیاتوي، چې د کرني وزارت باید پر هغو کرنیزو برخو پانګونه وکړي، چې ښه سوداګریز مارکیټونه لري.

د اقتصادي چارو کارپوه حکیم الله صدیقي وایي، د کرنې وزارت باید ټول هغه کرنیز اقلام، چې په سیمه اونړۍ کې ښه مارکیټونه لري؛ پر هغو هم لکه د انځرو، پانګونه وکړي.

د کرنې او مالدارۍ وزارت مسوولین ويلي؛ افغانستان دمګړۍ د کال ۲۵ زره متریک ټن صادرات لري، چې د نويو باغونو له جوړیدو سره به د تولید کچه ۴۰ زره متریک ټن ته لوړه شي.

Continue Reading

پرمختګ او بشپړتیا

د آریانا افغان هوايي شرکت دوران ته ۶ نورې الوتکې هم ورزیاتیږي

Ariana News

خپور شوی

په

توسط

(Last Updated On: سلواغه ۱۶, ۱۳۹۸)

د آریانا افغان هوايي شرکت ویلي، د فعالیتونو د معیاري کولو لپاره به په نږدې را تلونکي کی ۶ نورې الوتکې هم د خپلو هڅو دوران ته ورزیاتې کړو.

د آریانا افغان هوايي شرکت مسوولینو زیاته کړې؛ دمګړۍ په دې هوايي  شرکت کې څلور الوتکي هڅې لري، چې په نږ دې راتلونکي کې به  شپږ نورې  مسافر وړونکې نوي الوتکي هم  ورزیاتې شي.

د اریانا افغان هوايي شرکت رییس عالم شاه ابراهیمي څرګنده کړې، چې له دې شپږ الوتکو څخه څلور به د افغان حکومت له خوا پېریدل کیږي او دوه هغه الوتکې، چې د چین هېواد لخوا افغان ولسمشر ته ډالۍ شوې وې؛ هغه به هم د باختر هوايي شرکت او آریانا هوايي شرکت تر چتر لاندې خپلې هڅې پیل کړي.

د اقتصادي چارو کار پوهان وايي، د آریانا افغان هوايي شرکت په تېر کې ډېرې لوړې ژورې لیدلي او له نوې رهبرۍ  هم هیله څرګندوي، چې باید دا ملي تصدي له مالي ستونزو وژغوري او له نړیوالو معیارونو یې برخمنه کړي.

د اقتصادي چارو کارپوه سلیم توپان وایي؛ مونږ له نوې رهبرې هیله لرو، چې دا ملي تصدي ته له شته ستونزونه راوباسې. مونږ منو، چې اوس تر یوه بریده ستونزو ته لاسرس روان دی؛ خو باید باید چاري نوري هم پراخې شي.

د آریانا افغان هوايي شرکت مسوولین وايي، ډېر ژر به دا شرکت له نړیوالو معیارونو او ریفورم برخمن شي او د یوې بهرنۍ کمپنۍ له خوا به په دې ملي تصدۍ کې کارونه پیل شي.

دوی دا ډاډ هم څرګند کړی، چې له مالي پلوه د دې شرکت پخوانۍ  ستونزې حل شوي او اوس د ځان بسیایني پر لور ډاډمن ګامونه پورته کوي.

خبریال: اسلم حجاب

Continue Reading

Trending