Connect with us

تازه خبرونه

ځینې ټاکنیز کمیشنران دې عدلي او قضایي بنسټونو ته وروپېژندل شي

Ariana News

خپور شوی

 په

(Last Updated On: January 12, 2019)

د ټاکنو خپلواک کمیسیون ځینو پخوانيو چارواکو ویلي؛ د ولسي جرګې د ټاکنو ځینو نوماندانو او څارونکیو بنسټونو غوښتي، چې د ټاکنو خپلواک کمیسیون ځینې کمیشنران دې عدلي او قضایي بنسټونو ته وروپېژندل شي.

ټاکنو خپلواک کمیسیون تېره ورځ د لوړ پوړیو چاوراکو د بدلولو لپاره د نوې طرحې له جوړیدو خبر ورکړ؛ خو ښکېلو خواوو ته دا طرحه د منلو نده او وایي، نوې طرحه سمبولیکه ده او د لومړنيو سمونونو له مخې باید اوسني کمیشنران دندې پریږدي او عدلي او قضایي بنسټونو ته وروپېژندل شي.

د ګوندونو د سیاسي کمیتې غړی همایون جریر وایي، چې ګوندونه، مدني بنسټونه او ان دولت پدې باور دي، چې باید د ټاکنیزو کمیسیونونو مدیران بدل شي.

د ټاکنو خپلواک کمیسیون د دارالانشا پخوانی رییس داوود علي نجفي ویلي، چې د ټاکنو خپلواک کمیسیون د کمیشنرانو له لیریکیدو پرته، چې خپله په فساد کې ښکېل دي؛ ولسمشریزو ټاکنو تر سره کول به نوی بحران رامنځته کړي.                

د ټاکنو خپلواک کمیسیون په داسې حال کې د سمونونو لپاره طرحه وړاندې کړې، چې د ټاکنو څارونکیو بنسټونو او د ټاکنو خپلواک کمیسیون پخوانيو چارواکو د کمیسیون اوسني مشران د بډو پر اخیستو، د حکومت مداخلو ته پر زمینه برابرولو او د کړکېچ لور ته د ټاکنو پر بیولو تورن کړي دي.

دا لدې کبله ده،  چې دوی وایي، د ټاکنو کمیسیون له اوسنیو کمیشنرانو سره باید حساب او کتاب وشي.

د افغانستان د ټاکنو د څار بنسټ غړی حبیب الله شینواری وایي، چې خپله کمیشنرانو پر کمزوري مدیریت ټاکنې تر سره او بحران ته نږدې کړې؛ دوی باید عدلي او قضایي څانګو ته ځواب ورکوونکي وي.     

د ولسي جرګې ځینې نوماندان د کمیسیون له کړنو خوښ ندي او په مشرتابه کې یې بدلون غواړي. 

دوی نیوکه کوي، چې اوسنیو مشرانو د ولسي جرګې ټاکنې په ډېر جنجال تر سره کړې او د پلازمېنې د ټاکنو د پایلو په اعلام کې یې پوره ناغیړي هم کړېده.

د ولسي جرګې ټاکنو ته نوماند نعیم نظري وایي: په بنسټیزه توګه نشم ویلی، چې ولسمشریزې ټاکنې به د خلکو د رایو له مخې تر سره شي؛ ځکه، چې د کمیسیون رهبري د ټاکنو د تر سره کولو د مدیریت وس نلري.      

د ټاکنو خپلواک کمیسیونونه د دغو نیوکو په ځواب کې وایي، چې که له چا سره په دې اړه اسناد وي؛ نو عدلي او قضایي څانګو ته یې باید وروسپاري.

د ټاکنو خپلواک کمیسیون کمیشنره ملیحه حسن څرګنده کړې؛ دا د اصلاحاتو د رامنځته کولو پړاو دی، چې د اصولو له مخې غوره رییسان وټاکل شي. د کمیشنرانو ادلون او بدلون د حکومت له سیاسي پرېکړې سره تړاو لري.

د ټاکنو خپلواک کمیسیون په مشرتابه کې بدلون د سیاسي ګوندونو غوښتنه ده، چې د دوی په باور باید د ولسمشرۍ له ټاکنو مخکې تر سره شي. دغه راز په کابل کې د امریکا سفارت هم ویلي، چې په ټاکنو خپلواک کمیسیون کې سمونونه یوه جدي اړتیا ده.

خبریال: باعث حیات

تازه خبرونه

پاکستان دې له دوستۍ او دښمنۍ، یو غوره کړي ـ اشرف غني

Ariana News

خپور شوی

په

توسط

(Last Updated On: April 18, 2021)

د افغانستان ولسمشر اشرف غني د یکشنبې پر سهار یوې امنیتي ناستې ته په ډاګه کړه؛ له تېرو څو لسیزو راپدیخوا دا لومړي ځل دی، چې د سولې یو رښتینی فرصت رامنځته شوی او افغانستان د بهرنیو ځواکونو وتلو ته پوره چمتووالی لري.

د ولسمشر اشرف غني دغه څرګندونوې له هغې وروسته راپورته کیږي، چې تېره اوونۍ د امریکا ولسمشر جو بایډن او د ناټو عمومي منشي ینس سټولټنبرګ په ډاګه کړه، چې د ټولو بهرنيو سرتېرو وتل به د روان کال د می له لومړۍ پیل او د سپټمبر پر ۱۱ نېټه افغانستان بشپړ شي.

ولسمشر غني د یکشنبې  پر ورځ په ارګ کې د کابل ښار د شپږنیمو بجو په امنیتي غونډه کې له افغانستان څخه د امریکایي ځواکونو د وتلو اعلان ته په نغوته کې څرګنده کړې: په اوسني تاریخ کې په لومړي ځل د افغانستان لپاره تر ټولو غوره فرصت برابر شوی؛ مونږ له دوه کلونو راپدیخوا دې ورځې ته بشپړ چمتوالی لرو او د هغوی د وتلو لپاره مو هر اړخیز پلان برابر کړی دی.

ولسمشر غني ویلي؛ مونږ د خپلې خاورې ساتنې ته بشپړ چمتوالی لرو او د دې وخت را رسېدلی، چې د افغانستان ملي حاکمیت په بشپړ ډول عملي او افغانستان خپل ناپېیلتوب ثابت کړي.

ولسمشر ویلي: یو د جمهوریت صف دی او بل د دښمن، هغوی، چې د جمهوریت په صف کې نه درېږي نور ورته په دولت کې ځای نشته.

د ولسمشر غني د څرګندونو له مخې؛ طالبان د جګړې د دوام لپاره هېڅ راز دیني مشروعیت نلري او د اسلامۍ نړۍ دیني علماوو په افغانستان کې جګړه غندلې ده.

ولسمشر غني له افغانستان سره سیمه ییزو اړیکو ته په نغوته کې څرګنده کړې: نن د پاکستان لپاره د پرېکړې ورځ ده؛ که زمونږ هېواد نارامه وي، د دوی هېواد به هم ناارامه وي او که زمونږ هوساینه غواړي، دوی به هم هوسا شي.

غني زیاته کړې؛ د دوستۍ او دښمنۍ غوراوی د دوی په لاس کې دی؛ د دوستۍ په اړه افغانستان له پاکستان، سیمې او نړۍ سره همکارۍ ته چمتو دی.

دغه راز ولسمشر غني په ډاګه کړې: زمونږ لیدلوری ملي حاکمیت، جمهوریت، ولسواکي، آباد، آزاد او خپلواک افغانستان دی؛ که طالبان په دې چوکاټ کې سوله کوي زمونږ غېږ ورته پرانېستې ده او له دې پرته بل هر انتخاب د جګړې د دوام لپاره د طالبانو پلمه ده.

هغه زیاتوي؛ مونږ د ډار نه، د ټینګې ارادې خلک یو.

همدارنګه نوموړي د یکشنبې د ورځې په امنیتي ناسته کې د لومړۍ امنیتي حوزې ۱۶ منسوبینو ته د بریال دوه یمې درجې دولتي مډالونه هم پر سینه وټومبل.

د ولسمشر لومړي مرستیال امرالله صالح د ستاینو او ویاړلو وروسته د شپږنیموغونډو د لاسته راوړنو په اړه د معلوماتو ورکولو پرمهال وویل: د ژمنو تعقیب پر یو اصل بدل شوی او د دوامداره هڅو په نتیجه کې د جرمونو ګراف په بېساري توګه راټیټ شوی او له دولتي خدمتونو د خلکو د رضایت کچه لوړه شوې ده.

ولسمشر اشرف غني د شپږنیموغونډو لاسته راوړنې وستایلې او وایي: تاسو د ګروپي مدیریت په پایله کې مثبت تغییرات راوستي؛ ظرفیت لرئ، دوام ورکړئ او زه ستاسو بشپړ ملاتړی یم.

Continue Reading

تازه خبرونه

عباس کریمي د امریکا له پارا لمبا سیالیو د سپینو زرو مډال ترلاسه کړ

Ariana News

خپور شوی

په

توسط

(Last Updated On: April 18, 2021)

د هیواد ویاړلی معلول لامبوزن عباس کریمي د امریکا په پارا لمبا سیالیو کې د سپینو زرو مډال ترلاسه کړ.

عباس کریمي د خپلو نړیوالو سیالانو پروړاندې په څلورو ۵۰ مټره شاپرکي برخو، ۱۰۰ او ۲۰۰ آزادې لمبا کې وځلید.

کریمي به سبا د شا پرتختې ۵۰ مټرو په وروستۍ سیالۍ کې د خپلو سیالانو پروړاندې لامبو وکړي.

دغه نړیوالې پارالمبا سیالۍ د امریکا د تګراس ایالت پر کوربتوب د ۲۰ هېوادونو څخه د ۱۱۵ لامبوزنو په ګډون تر سره شوې دي.

عباس کريمي په هېواد کې یوازنی معلول لامبوزن دی، چې د ټوکیو پارالمپیک لوبو ته نوماند شوی دی.

Continue Reading

تازه خبرونه

په افغانستان کې د امریکايي ځواکونو ډېرول شوني دي – امریکا

Ariana News

خپور شوی

په

توسط

(Last Updated On: April 17, 2021)

امریکایي چارواکو ویلي، چې له افغانستان څخه د ټولو بهرنیو سرتېرو د ډاډمنو وتلو لپاره ښایي په شمېر کې یې ډېروالی رامنځته شي.

د امریکا د دفاع وزارت ویاند جان کربي د جمعې پر ورځ یوې خبري غونډې ته څرګنده کړې؛ دا به غوره وي، چې تر سپټمبره د لنډې مودې لپاره د سرتېرو د ډاډمنو وتلو لپاره په وړتیاوو کې ډېروالي رامنځته شي.

نوموړي د سرتېرو د رارسیدو او څرنګوالي په اړه پوره څه ندي ویلي.

هغه په دې اړه زیاته کړې؛ لکه څنګه، چې مونږ عراق پریښود، دغه راز په افغانستان کې هم مونږ لوژیستیکي او انجنري مرستې ته اړتیا لرو.

هغه دا هم ویلي، چې د امریکا دفاع وزارت اوسمهال له افغانستان سره د راتلونکیو کلونو پر امنیتي اړیکو کار کوي.

جان کربي زیاته کړې، چې امریکا به له تروریزم سره په مبارزه کې خپلې هڅې روانې ساتي او د ترهګرو د پټنځي د جوړولو مخنیوی به کوي.

کربي زیاته کړې: مونږ په دې برخه کې ډېر ظرفیتونه لرو  او زه نه غواړم پدې اړه تفصيلاتو ته لاړشم، چې مونږ دا ظرفیتونه څنګه کاروو.

هغه دا هم ویلي، چې له افغانستان څخه د بهرنیو ځواکونو وتل د اړیکو د پرې کولو معنی نلري؛ خو امریکا به د افغان ځواکونو ملاتړ روان ساتي.

دغه راز امریکايي چارواکو ژمنه کړې، چې د افغان امنیتي او دفاعي ځواکونو معاشونه به ورکوي.

طالبانو تر دې دمه په دې اړه څه ندي ویلي؛ خو مخکې یې د دې اعلان په غبرګون کې، چې د سپټمبر تر یوولسمې به امریکایي سرتېري له افغانستان څخه وځي ویلي، چې د امریکا دا کړنې به طالب جنګیالي پوځي ټینګار او مقاومت ته اړ کړي، چې مسوولیت به یې د امریکا پر غاړه وي.

Continue Reading

Trending

آریانا نیوز: ټول حقونه خوندي دي