Connect with us

تازه خبرونه

هیله ده، چې له ولسمشریزو ټاکنو مخکې د سولې په اړه هوکړه وشي- خلیلزاد

خپور شوی

د

(Last Updated On: لړم ۲, ۱۴۰۱)

د افغانستان د سولې په اړه د امریکا ځانګړي استازي زلمي خلیلزاد په کابل کې د یوې خبري ناستې خبریالانو ته څرګنده کړې؛ مونږ هیله من یو، چې له ولسمشریزو ټاکنو مخکې(د وري ۳۱ کال ۱۳۹۸) د سولې په اړه له طالبانو سره هوکړې ته ورسیږو او له طالبانو هم غواړو، چې له دې فرصته ګټه پورته کړي.

نوموړي دغه راز ویلي؛ طالبان هم په دې باور دي، چې په جګړه کې بری ترلاسه کولی نشي.

دغه راز خلیلزاد ټینګار کړی، چې په روان پړاو کې نوی څه نلري؛ خو له طالبانو سره سولې ته (محتاطانه خوشبین) او (هیله من) شوی؛ خو وایي: په افغانستان کې سوله باید داسې رامنځته شي، چې یوه ډله هم نړیوالې ټولنې ته نه ګواښ وي او نه ګواښ رامنځته کړي.

هغه دغه راز ویلي، چې کیدی شي طالبان د خپل مرکچي پلاوي په جوړښت کې بدلون راولي.  

دا په داسې حال کې ده، چې د اسو شیتید پریس د څرګندونو له مخې زلمي خلیلزاد په خپل دوه یم پړاو سفر کې له قطري طالبانو سره درې ورځې خبرې اترې کړې دي.

اسوشیتید پریس د طالب چارواکو د څرګندونو له مخې په ډاګه کړې؛ د هرات پخوانی طالب والي خیرالله خیرخوا او پخوانی طالب قومندان محمد فضل، چې په ۲۰۱۴ کال کې دواړه د یوه امیریکایي سرتېري په بدل کې له ګوانتانامو خوشې شوي هم د قطر په ناسته کې حضور درلود.

ویل کیږي، چې د طالبانو او امریکایانو تر منځ تر دې دمه د ځینو شرطونو له کبله پر اوربند هوکړه نده شوې.

د امریکا د بهرنیو چارو وزارت په قطر کې له طالب استازیو سره د خبرو پر څرنګوالي هم څه ندي ویلي.

یوې بلې سرچینې اسوشیتید پریس ته ویلي، چې طالب مشرانو د ولسمشریزو ټاکنو ځنډول او د لنډمهالې ادارې جوړول غوښتي دي.

د دغه ګزارش له مخې؛ د اسلامي علومو څېړونکی او جرګه مار عبدالستار سیرت د لنډمهالې ادارې د ولسمشر په توګه وړاندیز شوی دی.

ویل کیږي، چې خلیلزاد ته په افغانستان کې د سولې د رامنځته کولو لپاره شپږ میاشتې وخت ورکړ شوی دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!