Connect with us

تازه خبرونه

هیڅ ځواک د ولسمشریزو ټاکنو د تر سره کیدو مخنیوی نشي کولی- اشرف غني

Ariana News

خپور شوی

 په

(Last Updated On: وږی ۱۹, ۱۳۹۸)

ولسمشر اشرف غني د عاشورا او محرم د لسمې ویرجنو ته په وینا کې ویلي، جمهوریت سره کرښه ده او هیڅ ځواک د ولسمشریزو ټاکنو د تر سره کیدو مخنیوی نشي کولی.

د محرم د لسمې په نمانغونډه کې ولسمشر اشرف غني او یو شمېر حکومتي چارواکو د محرم لسمه یا د امام حسین ع شهادت ورځ ونمانځه.

ښاغلي اشرف غني د محرم د لسمې ویرجنو ته څرګنده کړې، چې جمهوریت حکومت ته سره کرښه ده، او که د امام حسین په څېر هم یوازې پاتې شي؛ د جمهوریت او ولسواکۍ لپاره به په پریکنده توګه ودریږي.

ولسمشر غني دا هم ویلي، چې د ولسمشرۍ ټاکنې به د اساسي قانون له مخې پخپل وخت تر سره شي؛ د ټاکنو بل بدیل نشته او هیڅ ځواک به یې مخه ونشي نیولی.

د ولسمشر دوه یم مرستیال ویلي؛ طالبان د جنایتونو په دوام هڅه کوي، چې د افغانستان پرخلکو امارت تحمیل کړي.

د ولسمشر دوه یم مرستیال سروردانش ویلي: یو شمېر ترورستان هڅه کوي، چې پر خلکو امارت هحمیل کړي او جمهوریت، چې د خلکو د ارادې ممثل دی رانسکور کړي. دا هغه څه دي، چې امام حسین د دغه راز جنایت پر ضد ودریده.

د افغانستان د نوې ملي جبهې رییس انوارالحق احدي ارګ په ناقانونه اقداماتو تورنوي او وایي، چې اساسي قانون ارګ ته هیڅ ارزښت نلري او هر کار یې، چې پر زړه وي، هغه تر سره کوي.

دغه راز د سولې عالي شورا رییس محمد کریم خلیلي هو ارګ ته ګوته نیسي او وایي، چې: ولسمشر باید په ډاګه کړي، چې د قضیې تر شا کومه موضوع وه، چې له ملا برادر سره یې لیدل او ولې یې خلک له دې لیدنې لیرې وساتل او دا کار یې د منلو هم ندي.

دا خبرې په داسې حال کې بیانیږي، چې په هېواد کې امنیتي وضعیت ډېر خراب شوی او ټاکل شوې، چې د ولسمشرۍ ټاکنې هم تر سره شي. وبه لیدل شي، چې حکومت د رڼو او او پراخ بنسټه ټاکنو د تر سره کیدو وس لري او یا دا، چې د تېرو ټاکنو کړکیچونه به روان وي.

خبریال: رفیع صدیقي

تازه خبرونه

ملي اردو په تېرو ۶ میاشتو کې له ۴۰۰۰ ډېر ماینونه کشف او شنډ کړي- دفاع وزارت

Ariana News

خپور شوی

په

توسط

(Last Updated On: وږی ۳۰, ۱۳۹۹)

هېواد ملي دفاع وزارت ویلي؛ د طالبانو د روان ۱۳۹۹ لمریز لیږدیز کال په شپږ میاشتو کې ۴۷۷۶ ماینونه د خلکو د استوګنو سیمو ته نږدې او د هېواد د یو شمېر ولایتونو د لویو لارو په اوږدو کې ځای پر ځای کړي وه، چې د هېواد ملي، دفاعي او امنیتي ځواکونو کشف او شنډ کړي دي.

د افغانستان دفاع وزارت څرګنده کړې، چې طالبانو د لویو لارو په اوږدو کې له چاودیدونکیو توکو څخه په ګټه پورته کولو تل زمونږ هېوادوالو ته زیان رسولی؛ خو ملي، دفاعي او امنیتي ځواکونو کشف او شنډ کړي دي.

دفاع وزارت دا هم په ډاګه کړې، چې طالبانو د چاودیدونکیو توکو او ماینونو پر چاودنو نه یوازې ملکي وګړي زیانمن کړي، بلکې په یو شمېر ولایتونو کې یې عمومي لارې، څلور لارې او د هېواد بېخبناوې هم ویجاړې کړي دي.

دفاع وزارت وایي، چې د ۱۳۹۹ کال په شپږ میاشتو کې د ۴۷۷۶ ماینونو پر کشف او شنډولو سره سربېره د سلګونه کیلو متره لارو, پلونو او پلچکونو د زیان او ویجاړۍ مخه هم نیول شوې ده.

ویل کیږي، چې د قطر په دوحه کې د حکومت او طالبانو د پلاوو ترمنځ د خپلمنځي خبرو له پیلیدو سره سم د ښکېلو خواوو لخوا عامو خلکو ته د زیان رسولو او تاوتریخوالي کچه لوړه شوې ده.

Continue Reading

تازه خبرونه

ولسمشر غني په بامیان ولایت کې د حکومت د رهبرۍ ځانګړې امنیتي ناسته ترسره کړه

Ariana News

خپور شوی

په

توسط

(Last Updated On: وږی ۳۰, ۱۳۹۹)

ولسمشر اشرف غني نن سهار د یو لوړپوړي حکومتي پلاوي په مشرۍ د بامیان ولایت د عمومي وضعیت د ارزولو په موخه یاد ولایت ته سفر وکړ. 

په دغه سفر کې د ولسمشر لومړي مرستیال امرالله صالح، د جمهوري ریاست دوه یم مرستیال استاد سرور دانش، د ملي امنیت سلاکار داکتر حمدالله محب او یو شمېر نور لوړپوړي امنیتي چارواکي د ولسمشر متلیا کړې ده.

ولسمشر اشرف غني او ورسره مل پلاوي ته په شهید مزاري هوایي ډګر کې د بامیان والي، ټولو سیمه ییزو مسوولینو او د ولایتي شورا غړیو هرکلی کړی دی.

وروسته د حکومت د رهبرۍ ځانګړې امنیتي ناسته، چې په کې د ملي امنیت سلاکار او د امنیتي سکتور مسوولینو حضور درلود، جوړه شوه.

په دې غونډه کې د هېواد عمومي امنیتي وضعیت وارزول شو او پر امنیتي پلانونو، عملیاتو، د دښمن د ګواښونو د دفع کولو، د امنیتي او دفاعي ارګانونو پر شته ننګونو او وړتیاوو بحث او خبرې وشوې.

د امنیتي او دفاعي ارګانونو مسوولینو د ځواکونو د ځای پرځای کولو په اړه خپل راپورونه وړاندې کړل او د ولسوالیو په سطحه یې د حکومتولۍ د پراختیا او د لازیاتو خدمتونو وړاندې کولو غوښتنه وکړه.

ولسمشر اشرف غني پر امنیتي او دفاعي لومړیتوبونو د ټینګار تر څنګ ویلي، چې د خلکو ساتنې او د انکشافي پروژو امنیت ته دې جدي پاملرنه وشي او د امنیتي او دفاعي ارګانونو انکشافي او اصلاحي برنامې دې پلې شي.

 نوموړي همدا راز د لویو لارو د امنیت پر خوندي کولو، د دښمن د اخاذیو پر مخنیوي او په امنیه قومندانیو کې د وړتیا او معیار پر بنسټ پر بدلونونو له ټینګار سره – سره څرګنده کړې: هغه امنیتي او دفاعي منسوبین دې تقدیر شي، چې په خپلو هڅو کې یې له ځانه وړتیا ښودلې ده.

Continue Reading

تازه خبرونه

په هند کې پر کرونا د اخته کسانو شمېر ۵.۴ میلیون څخه پورته شو

Ariana News

خپور شوی

په

توسط

(Last Updated On: وږی ۳۰, ۱۳۹۹)

په هند کې د کرونا ویروس ۹۲۶۰۵ نوې مثبتې پېښې ثبت شوي، چې ورسره پر دې ناروغۍ د اخته کسانو ټول شمېر له ۵.۴ میلیون ډېر شوی دی.

هندوستان د روان کال له اګست راپدیخوا هره ورځ د دغې ناروغۍ د مثبتو پېښو له ډېریدو خبر ورکړی دی.

د هند روغتیا وزارت د څرګندونو له مخې؛ په تېرو څلیریشت ګړیو کې ۱۱۱۳ کسان له کرونا ویروسه مړه شوي دي، چې له دې سره د مړو ټول شمېر ۸۶۷۵۲ کسانو ته رسیدلی دی.

د هند یو حکومتي ساینس پوه بي بي سي ته ویلي، چې په ټول هېواد کې د کرونا ناروغي مخ په ډېریدو ده.

له ۱۷۰ ورځو راپدیخوا په هند کې پر کرونا ویروس د اخته کسانو شمېر یو میلیون ته لوړ شوی؛ خو په وروستیو ۱۱ ورځو کې یو میلیون مثبتې پېښې ثبت شوې دي.

بي بي سي راپور ورکړی، چې تر دې دمه په هندوستان کې له ۵۰ میلیون د ډېرو خلکو د کرونا ویروس پېښې کتل شوي او هره ورځ له یو میلیون ډېرې بېلګې په دغه هېواد کې کتل کیږي؛ خو اوس هم په نړۍ کې دا ټیټ ثبت شوی شمېر ګڼل کیږي.

د راپورونو له مخې؛ اپیدمیولوژیسټانو ویلي، چې په هند کې پر کرونا ویروس د اخته کسانو شمېر له دې ډېر لوړ دی.

Continue Reading

Trending