Connect with us

تازه خبرونه

کیدی شي د امریکایي پوهنتون دوه استادان ژوندي نه وي- د ولسي جرګې مشر

خپور شوی

 په

(Last Updated On: لړم ۲۵, ۱۳۹۸)

د ولسي جرګې رييس ویلي، چې له طالبانو سره بندي د افغان امریکايي پوهنتون دوه استادان ښايي مړه شوي وي.

له طالبانو سره د افغان امریکايي پوهنتون د دوه بندي استادانو د خوشې کولو په بدل کې د انس حقاني او دوه نورو طالب چارواکو د خوشې کولو معامله اوس هم روښانه نده او له ځنډیدو یې پېنځه ورځې وروسته د ولسي جرګې ريیس میر رحمان رحماني ويلي، چې ښايي د انس حقاني په ګډون د درې طالب مشرانو د تبادلې له ګډوډیدو څخه بریښي، چې ښايي یاد استادان مړه شوي وي.

طالبانو دا ادعا رد کړې او څرګندوي، چې د افغان امریکايي پوهنتون دوه اړوند استادان ژوندي دي او له دوی سره په بند کې دي.

له بلې خوا د سولې عالي شورا مرستیال حاجي دین محمد ويلي چې په لوګر کې پر امریکايي سرتېرو د طالبانو د برید له کبله امریکا د تبادلې دغه معامله ځنډولې ده.

طالبانو ته نږدې سرچینو ويلي، چې انس حقاني او دوه نور طالب چارواکي د افغان دولت په بند کې نه، بلکې د امریکايانو په بند کې دي.

طالبانو دا هم ویلي، چې له امریکایانو سره د افغان امریکايي پوهنتون د دوه استادانو په بدل کې انس حقاني او دوه نورو طالبانو د را خوشي کولو په اړه خبرې روانې دي.

د ولسمشر ویاند صدیق صدیقي په خپل یوه تویت کې منلې، چې د حقاني شبکې درې غړي( انس حقاني، مالي خان او حافظ رشید اوس هم د افغان حکومت په .بند کې دي

نوموړي زیاته کړې، چې د طالبانو لخوا د شرایطو نه منل د تبادلې د ځنډیدو علت دی.

دا په داسې حال کې ده، چې ارګ د یادو طالب بندیانو پر خوشې کولو له بیا غوره خبر ورکوي او په ډاګه کوي، چې د هېواد د لوړو ګټو په رڼاکې به پرې بیا پرېکړه وکړي.

تازه خبرونه

بیات بنیاد په ننګرهار کې سلګونه اړمنو کورنیو ته خوراکي توکي ورکړل

خپور شوی

په

توسط

(Last Updated On: ليندۍ ۱۷, ۱۴۰۰)

د بیات بنیاد مسوولینو ويلي، د ننګرهار ولایت سلګونه کورنۍ د دغه بنسټ له ژمنیو مرستو برخمنې شوې.

په دې وروستیو کې د ننګرهار له یو شمېر ولسوالیو هغه خلک هم جلال آباد ښارته راکډه شوي، چې د تېر حکومت پرمهال جګړو، بېوسیو او ناوړه اقتصادي حالت د کورونو پریښودلو ته اړ کړي دي.

له همدې کبله بیات بنیاد له دغو اړمنو کورنیو سره د ژمنیو مرستو په لړ کې د جلال آباد ښار دغو اړمنو کورنیو ته د اوړو او وریجو په ګډون د مرستو یوه لویه ټولګه ولیږدوله.

د بيات بنياد مرستیال حاجي محمد اسمعیل خان وايي، چې پر جلال آباد  سربېره یې په هرات، بلخ، خوست، کندوز، کندهار او باميان ولايتونو کې هم له اړمنو کورنيو سره مرستې کړي دي.

 د دوی د څرګندونو له مخې؛ د مرستو موخه یې د اړمنو کورنیو لاسنیوي دی، چې په یو شمېر نورو ولایتونو کې به هم دغه لړۍ دوام ولري.

 د بیات بنیاد مسوولین  زیاته وي: د ژمي په دې ساړه موسم کې دا بشري مرستې نورو ولایتونو ته هم غزوي؛ ځکه، چې خلک ورته سخته اړتیا لري.

هغو اړو او مستحقو کورنیو، چې د بیات بنیاد مرستې ترلاسه کړې خوښ دي او له نورو مرستندویه بنسټونو غواړي، چې له اړو کورنیو سره مرستې وکړي.

په ننګرهارکې د کار او ټولنیزوچارو ریاست مسوولین هم د بیات بنیات له دغو مرستو خوښ دي او وايي؛ هغه بنسټونه، چې په دې برخه کې کارکوي ترې غوښتنه کوو، چې د بیات بنیات پر پل پل پورته کړي او هغو بېوزله هېوادوالو ته مرسته ورسوي، چې په لرې پرتو سیمو کې له بېوزلۍ او بېوسۍ سره مخ دي.

دا لومړی ځل ندی، چې بیات بنیات په جلال آباد ښار کې د خوراکي توکو مرسته کوي. له دې مخکې هم بیات بنیاد د هېواد په ختیځ کونړ، لغمان نورستان ولایتونو کې بېوزلو هېوادوالو ته مرسته رسولې.

یاده دې وي، چې بیات بنیات د دې ترڅنګ، چې د هېواد په یوشمېر نورولایتونو کې خلکو ته د څښاک د پاکو اوبو برابرولو، د جوماتونو، روغتیايي مرکزونو او ښوونځيو جوړولو په برخو کې هم ډېر کار کړی دی.

Continue Reading

تازه خبرونه

ا.ا په کابل کې د انډونیزیا له ډیبلوماټیکو هڅو پیلولو هرکلی کوي

خپور شوی

په

توسط

(Last Updated On: ليندۍ ۱۷, ۱۴۰۰)
د ا.ا.ا د انډونیزیا له هغې هڅې، چې په کابل کې یې د سفارت د بیا پرانستلو لپاره پیل کړې هرکلی کوي.

د انډونیزیا د بهرنیو چارو وزارت چارواکو ویلي، چې ډېر ژر به په کابل کې خپل سفارت پرانیزي.

د سې شنبې پر ورځ، د انډونیزیا د بهرنیو چارو وزارت یوه چارواکي څرګنده کړې، چې جاکارتا به ډېر ژر په کابل کې خپل سفارت بېرته پرانیزي او له اسلامي امارت سره به “رغنده ښکېلتیا” پیل کړي.

د چارشنبې پر ورځ د اسلامي امارت د ویاند مرستیال حمدالله وثیق څرګنده کړه: د انډونیزیا حکومت په کابل کې خپلې ډیبلوماټیکې هڅې بیا پیلوي. مونږ د انډونیزیا د حکومت له دې اقدامه هرکلی کوو او دا به د دواړو هېوادونو ترمنځ مثبتې اړیکې نورې هم پیاوړې کړي.

د آسیا، آرام سمندر او آفریقا په چارو کې د انډونیزیا عمومي مشر عبدالقادر جیلاني ویلي؛ زمونږ موخه د بشري مرستو په ګډون له ښځو سره مرستې، ښوونیز پوهنتوني بورسونه او له اسلامي امارت سره رغنده ښکېلتیا ده.

د جاکارتا ګلوب د راپور له مخې، په افغانستان کې د انډونیزیا ډیپلوماټیک ماموریت د امریکا د پوځ له وتلو او د پخواني حکومت له ړنګېدو راپدیخوا په پاکستان کې د دغه هېواد د سفارت له خوا پرمخ وړل کېږي.

د تېر حکومت له نسکورېدو سره امریکا او ښکېلو هېوادونو ۲۰ کلنه جګړې پای ته ورسوله، خپل سرتېري، ملکي وګړي او افغان همکاران یې ووېستل او ډیپلوماټیکې اړیکې یې ودرولې؛ خو د افغانستان بهرنۍ شتمنۍ یې کنګل او له دې هېواد سره د نړیوالو موسسو نغدي مرستې وځنډېدې. دې وضعیت د خلکو اقتصاد تر سیوري لاندې راوست او اوس افغانان له سختو اقتصادي ستونزو سره مخ دي.

Continue Reading

تازه خبرونه

یونیسف د افغانستان لپاره تاریخي مرسته وغوښته

خپور شوی

په

توسط

(Last Updated On: ليندۍ ۱۷, ۱۴۰۰)

د ملګرو ملتونو ټولنې د ماشومانو ملاتړ ادارې یونیسف په خپل تاریخ کې د یوه هېواد لپاره د بل هر وخت پرپر تله د دوه میلیارډ ډالرو تاریخي مرستې غوښتنه کړې ده.

یونیسف په یوه اعلامیه کې په ډاګه کړې؛ له ۲۴ میلیون افغانانو سره یې، چې نږدې نیمايي یې ماشومان دي، د بشري مرستو لپاره د دوه میلیارډ ډالرو بسپنې غوښتنه کړې ده.

د یونیسف مسوولین اټکل کوي، چې مناسبو خواړو، پاکو اوبو او د نظافت کافي وسایلو ته د نه لاسرسي له کبله به په ۲۰۲۲ زېږدیز کال کې له هرو دوه افغان ماشومانو یو پر خوارځواکۍ اخته وي.

د یونیسف د افغانستان استازې الیس اکونګا هیله منه ده، چې د مرستې دغه دوه میلیارډ ډالر به په افغانستان کې د ماشومانو او کورنیو لپاره د روغتیا، خوراک، نظافت او زدکړو په برخو کې د خدمتونو لړۍ له سملاسي ویجاړېدو وژغوري.

د ملګرو ملتونو چارواکو وېره څرګنده کړې، چې دا مهال میلیونونه افغان ماشومان د لوږې او ان مړینې له خطر سره مخ دي.

د اټکل له مخې له هرو لس افغانانو څخه ۸ یې باکتریالوژیکي ککړې اوبه څښي او که د ښوونکیو معاشونه ورنکړ شي او د بېوزلۍ کچې دوام ومومي، ۱۰ میلیون ماشومان به له ښوونځيو څخه د وتلو له خطر سره مخ شي.

یونیسف په پام کې لري، چې دا بودیجه د یو میلیون ماشومانو پر درملنه ولګوي او په دې اړه به د خدماتو برخه پراخه او د بېسارې خوارځواکۍ مخه پرې ونیسي. دغه راز  لس نیم میلیون ماشومان د شری پر وړاندې واکسین کیږي، یوولس نیم میلیون خلکو ته پاکې اوبه برابریږي او دا ډاډ به ترلاسه شي، چې اغووه نیم میلیون ماشومان زدکړې ته لاسرسی ومومي.

دغه ټولنه به د ډېرو زیان منونکیو کورنیو او ماشومانو د لومړنیو اړتیاوو د پوره کولو لپاره د بشري نغدو پیسو لیږد هم پراخ کړي.

اکونګا زیاته کړې: یونیسف په کلکه له بسپنه ورکوونکیو څخه غوښتنه کوي، چې د بشري مرستو د غوښتنې له لارې د افغانستان د ماشومانو ملاتړ وکړي.

دا په دایسې حال کې ده، چې دې ټولنې له نړیوالې ټولنې غوښتي، چې له مونږ سره اوږه پر اوږه ودریږي، چې د افغانستان ماشومان د هغه ژوند او راتلونکي خاوندان شي، چې د دوی حق دی.

Continue Reading

Trending

آریانا نیوز: ټول حقونه خوندي دي