Connect with us

تازه خبرونه

کور ته زمونږ د سرتېرو د راستنیدو وخت رارسیدلی- ترمپ

Ariana News

خپور شوی

 په

(Last Updated On: March 1, 2020)

د امریکا ولسمشر په ډاګه کړې، چې اوس؛ نو کور ته زمونږ د سرتېرو د راستنیدو وخت رارسیدلی دی.

دا په داسې حال کې ده، چې د قطر په پلازمېنه دوحه کې د طالبانو او امریکا ترمنځ د سولې د هوکړې له لاسلیک وروسته په افغانستان کې د جګړې د پای ته رسیدو لپاره د امریکايي چارواکو هیلې غوړیدلي دي.

د امریکا ولسمشر دونالد ترمپ زیاتوي، چې له طالبانو سره د شوې هوکړې له مخې د دې زمینه برابره شوې، چې په افغانستان کې د خپلو سرتېرو شمېر کړو.   

نوموړي ویلي، چې ډېر ژر به له طالب رهبرانو سره وګوري، چې د سولې روان بهیر مطلوبه پایله ووینو او تر څلورنیمو میاشتو یا ۱۳۵ ورځو پورې به په افغانستان کې د خپلو سرتېرو شمېر تر اته زره پورې راټیټ کړو.

 ترمپ دا هم ویلي؛ داسې هیلې شته، چې طالبان به پخپلو ژمنو ودریږي او په افغانستان کې ترهګرهم له منځه یوسي.

نوموړي وایي: زه به پخپله د طالب رهبرانو سره وګورم او دا کار به ډېر ژر وکړم. هیله ده طالبان هغه څه وکړي، چې باید یې وکړي. طالبان به خپلې ژمنې عملي کړي او ترهګر به له منځه یوسي.

د هغه د څرګندونو له مخې؛ لاسلیک شوې هوکړې په داسې یوه موقعیت کې راوستي یو، چې په افغانستان کې د خپلو سرتېرو شمېر تر اته زره پورې راټیټ کړو. مونږ ته هر څه ښکاره دي، ناټو او ملګرو ملتونو د سولې په خبرو کې مهمه برخه درلوده.

له دې ټولو سره سره د امریکا ولسمشر دونالد ترمپ دا ګواښ هم کړې، چې که طالبان خپلې ژمنې عملي نکړي، ډېر ځواک او قوت ته به لاس ورتېر کړو.

د هغه د څرګندونو له مخې؛ مونږ په طالبانو باور لرو، چې نه داسې کار کوي او نه به زمونږ وخت ضایع کړي. که ژمنې ماتې کړي، مونږ به په پوره قوت بېرته را وګرځو، چې ساری یې نه وي تکرار شوی، هیله لرم، چې دا کار ونشي.

امریکا له طالبانو سره د سولې هوکړه له دې کبله ارزښتناکه ګڼي، چې په وینا یې د خپل تاریخ تر ټولو اوږده جګړه یې پای ته ورنږدې کړې  او د افغانستان د تلپاتي ثبات او تاوتریخوالي د له منځه وړلو لپاره یې خپل پلانونه د عملي کیدو په حال کې دي.

دا په داسې حال کې ده، چې تېره ورځ په ارګ کې د کب پر ۱۰ چې د فبروري له ۲۹ سره برابره ده ولسمشر اشرف غني د طالبانو او امریکایانو د مشرانو د سولې هوکړې سره همهاله د ناټو له سرمنشي او د امریکا له دفاع وزیر سره د سولې یوه ګډه اعلامیه لاسلیک کړه.

تازه خبرونه

د قطر په دوحه کې د خپلمنځي خبرو پلاوي د اجندا په اړه هوکړې ته رسېدلي

Ariana News

خپور شوی

په

توسط

(Last Updated On: November 29, 2020)

د افغانستان حکومت او طالبان د قطر په دوحه کې د افغانانو د خپلمنځي خبرو پر اجندا او طرزالعمل هوکړې ته رسېدلي دي.

افغان پلاوي په یوه تویت کې څرګنده کړې: د دواړو لوریو د خپلمنځي خبرو پلاوي له پیلیزې (مقدمې ) پرته یوازې د مذاکراتو د طرزالعمل د ۲۱ مادو پر اصولو هوکړې ته رسېدلي دي. په داسې حال کې، چې د طالبانو د سیاسي دفتر ویاند نعیم وردګ څرګنده کړې، چې دوه اوونۍ مخکې د مقدمې په ګډون پر ۲۱ ماده ییز طرزالعمل د دواړو لوریو ترمنځ توافق شوی دی.

 حکومتي پلاوي زیاته کړې: خو د دې اجندا پیلیزه د پلاوي ترمنځ نور وضاحت او بحث ته اړتیا لري. د همدې لپاره د نومبر پر ۱۷ د دواړو لوریو لخوا د کوربه په شتون کې پرېکړه وشوه، چې طرزالعمل به عمومي غونډې ته وړاندې او له تصویب وروسته وروستی شي. د خپلمنځي خبرو حکومتي پلاوي د خبرو جرګه ګۍ د پیلیزې د عناصرو په اړه خپل رسمي وضاحت بل لوري ته هم سپارلی دی.

په قطر کې د طالبانو د سیاسي دفتر ویاند نعیم وردګ په دې اړه په خپل تویت کې څرګنده کړې؛ د خپلمنځي خبرو طرز العمل د ۲۰۲۰ کال د نومبر مياشتې پر ۱۵ نېټه په ۲۱ مادو کې وروستی شوی دی.

د نعیم وردګ د څرګندونو له مخې؛ په دوحه کې د خپلمنځي خبرو طرز العمل د کوربه هېواد په حضور کې د ۲۰۲۰ کال د نومبر د مياشتې پر ۱۷ نېټه ولوستل شو. د دواړو مذاکراتي خواوو له تائيد وروسته یې يوه نسخه کوربه هېواد قطر ته هم ور کړ شوې ده.

د نومبر پر ۲۳ داسې راپورونه خپاره شول، چې د سولې خبرو د حکومتي پلاوي مشر معصوم ستانکزی او د ولسمشرۍ د سولې سلاکار سلام رحیمي له ولسمشر اشرف غني سره په خبرو کې د را منځته شوي پرمختګ په اړه مشورې کوي؛ خو د ولسمشرۍ ویاند صدیق صدیقي د چارشنبې پر ورځ یوې خبري غونډې ته وویل، چې د سولې په خبرو کې هیڅ پرمختګ ندی شوی.

صديقي ویلي؛ د طالبانو غوښتنې نامشروع دي، خو هغه تائيد کړه، چې ستانکزی په کابل کې دی.

صدیقي څرګنده کړې، چې: د افغانستان د اسلامي جمهوریت د خبرو اترو پلاوی به د سولې د جرګې او اساسی قانون د پرېکړې له مخې د سولې د خبرو پر بنسټ له طالبانو سره خبرې وکړي.

صدیق صدیقي په خبرو کې هر راز پرمختګ رد کړی؛ خو ځینو سرچینو د نوم د نه ښودلو پر شرط آریانا نیوز ته ویلي؛ افغان مشرانو د لانجې ځینې ټکي تائید کړي، چې خبرې پرې وغزیږي او بریالیتوب ورسیږي.

د یادونې ده، چې د افغانانو خپلمنځي خبرې د روان کال د سپتمبر پر ۱۲ په یوه نړیواله ناسته کې پیل شوي او تر دې دمه تکنۍ؛ خو له پرمختګونو سره روانې ساتل شوې دي.

Continue Reading

تازه خبرونه

مسلمان عالمان دې په افغانستان کې “بې اساسه” تاوتریخوالی وغندي- حنیف اتمر

Ariana News

خپور شوی

په

توسط

(Last Updated On: November 29, 2020)

د افغانستان د بهرنیو چارو وزیر حنیف اتمر له اسلامي همکاریو سازمان څخه وغوښتل، چې د افغانستان د سولې له پروسې څخه خپل ملاتړ چټک کړي او روان “بې اساسه” تاوتریخوالی وغندي.

اتمر د نایجیریا په پلازمېنه نیامیا کې د او آی سي د بهرنیو چارو وزیرانو د شورا۴۷ غونډې ته په وینا کې ویلي: مونږ له تاسې ټولو څخه غواړو، چې د سولې له بهیر سره یو ځای شئ او د او آی سي په غړیو هېوادونو کې دیني عالمان وهڅوي، چې په افغانستان کې تاوتریخوالي وغندي او له سولې ملاتړ وکړي.

هغه دغه راز د طالبانو لخوا د تاوتریخوالي پر ډطرېدو هم اندېښنه وښوده او له او اي سي یې وغوښتل، چې پر طالبانو فشار ډېر کړي. چې اوربند ته غاړه کېدي.

د نوموړي د څرګندونو له مخې، د وسلوالو طالبانو په تاوتریخوالي کې ملکي وګړيو ته ډېر ځاني زیاونه رسېدلي دي.   

Continue Reading

تازه خبرونه

افغان او ترکمن ولسمشرانو پر سیمه ییزو پروژو خبرې کړي

Ariana News

خپور شوی

په

توسط

(Last Updated On: November 28, 2020)

د افغانستان ولسمشراشرف غني او د ترکمنستان ولسمشر قربان قلي بردي محمدوف نن له غرمې وروسته تیلیفوني خبرې وکړې.

ولسمشرۍ په ډاګه کړې، چې په دې تیلیفوني اړیکه کې دواړو لوریو د افغانستان او ترکمنستان ترمنځ د دوه اړخیزو اړیکو او سیمه ییزو پروژو په اړه خبرې کړې دي.

د ارګ د څرګندونو له مخې: د دواړو هېوادونو ولسمشرانو د ترسره شویو کارونو؛ تاپي او تاپ پروژو او نوري فایبر شبکې د غزولو په اړه خبرې وکړې او د دغو پروژو د بشپړولو لپاره یې پر درې اړخیزو او څلور اړخیزو میکانیزمونو هم هوکړه وکړه.

په اعلامیه کې راغلي؛ د افغانستان او ترکمنستان ولسمشرانو افغانستان ته پر وارداتي برښنا د خبرو پر مهال هوکړه وکړه، چې د افغانستان برښنا شرکت دې د ترکمنستان له لوري سره خبرې وکړي، چې د وارداتي برښنا ځانګړتیاوې او جزئیات وروستي کړي.

په دې تیلیفوني اړیکه کې د ترکمنستان ولسمشر ویلي؛ د دغه هېواد په مرسته په اقینې بندر کې یو جوړ شوی لوی جومات به، چې د ۵۰۰ لمونځ کوونکیو له ځایدو برخمن دی، په نږدې راتلونکي کې پرانیستل شي.

ولسمشرغني نوموړي ته ډاډ ورکړی، چې د افغانستان د ارشاد، حج او اوقافو وزیر به د یاد جومات د پرانیستې په مراسمو کې ګډون وکړي.

Continue Reading
Advertisement

Trending