Connect with us

تازه خبرونه

په ټول هېواد کې په لومړۍ ورځ اووه زره کسانو نوملیکنه کړې

خپور شوی

د

(Last Updated On: لړم ۲, ۱۴۰۱)

د ټاکنو لپاره د رایه ورکوونکیو د نوملیکنې په لومړۍ ورځ په ټول هېواد کې اووه زره کسانو نوم لیکنه کړې ده.

په پلازمېنه کابل کې د نوملیکنې په مرکزونو کې ګڼه ګوڼه د پام وړ نه ښکاري؛ خو بیا هم خلک راځي او په ټاکنو کې د ګډون لپاره خپل نوم لیکي.

خلک وايي، چې د ټاکنو په اړه خلکو ته مناسب پوهاوی نه دی ورکړشوی.

مریم نومې له خپلې تذکرې سره د نوملیکنې مرکز ته تلې، چې د تلې(میزان) پر اته ویشتمه په پارلماني او د ولسوالیو د شوراګانو په ټاکنو کې د ګډون لپاره خپل نوم ثبت کړي.

د کابل اوسیدونکې مریم سادات وايي، چې رایه یې ډېره ارزښتناکه ده.

د ټاکنو خپلواک کمیسیون مسوولین وايي، چې په راتلونکیو ورځو کې به د نوم لیکنې بهیر کړندی شي او ډېر شمېر خلک به نومونه ولیکي.

د ټاکنو خپلواک کمیسیون په کابل او ولایتونو کې د نوملیکنې  یو زر و څلور سوه مرکزونه پرانیستي دي؛ خو څلور څلوېښت مرکزونه د ناامنیو له کبله نه دي پرانیستل شوي.

د ټاکنو خپلواک کمیسیون کمیشنر حفیظ الله هاشمي وايي، چې د نوملیکنې پر لومړۍ  ورځ په ټول هېواد کې شاوخوا اووه زره کسانو نومونه لیکلي دي.

د نوملیکنې لومړی پړاو د حمل له ۲۵ څخه د ثور تر ۲۲ پورې دوام کوي، چې په دوه یم او درېیم پړاو کې به د نوملیکنې بهیر ولسوالیو او کلیو ته وغزول شي.

طالبانو په ټاکنو کې د ولسمشر اشرف غني د تېرې ورځې بلنه رد کړه او څرګندوي، چې: که د اشغال تر سیوري لاندې د ولس زعامت یا شوراګانې ټاکل کیږي؛ نو دا به له هېواد او مسلمان ملت سره ستره جفا او یوازې د هېوادوالو او نړیوالو تېرایستل وي.

دا په داسې حال کې ده، چې د ناامنیو له کبله په مرکز او ولایتونو کې څلور څلوېښت مرکزونه، نه دي پرانیستل شوي.

خبریال: باعث حیات

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!