Connect with us

تازه خبرونه

په ننګرهار کې د داعش او طالب ۱۵ جنګیاليو خپلې وسلې وسپارلې

Ariana News

خپور شوی

 په

(Last Updated On: April 10, 2018)

په ننګرهار کې د داعش ډلې د یوه مهم قومندان بخیتار، زوی او د هغه ملګرو، چې د داعش برحاله  جنګیالي وه له سولې بهیر سره یوځای شوي او ور سره همهاله د طالبانو یو شمېر جنګیاليو هم حکومت ته وسلې سپارلې دي.

د ننګرهار د سولې ولایتي کمیتې غړی حاجي جان محمد په ډاګه کړې؛ د قومندان څارمحمد تر مشرۍ لاندې پېنځه د داعش او د سهار الله قومندان په ګډون لس د طالبانو برحاله جنګیالي د ملي امنیت د هڅو له مخې له سولې بهیر سره یوځای شوي او پېنځلس میله وسله یې هم حکومت ته تسلیم کړې ده.

په یوځای شویو جنګیالیو کې د داعش د یوه مهم قومندان بختیار، زوی هم له سولې بهیر سره یو ځای شوی دی.

قومندان بختیار، چې دمګړۍ له ملي امنیت سره بندي دی؛ پرې تورلګیدلی، چې په کوټ کې یې له ۳۱ دولت پلوه کسانو سرونه پرې کړي.

 زوی یې د داعش بلا  کیسې لري.

د داعش د قومندان بختیار، جنګیالی زوی محمد طارق وایي: کوټوال شاهد دي، چې شاهین او سپرغې په کوټ کې له ۳۱ دولت پلويو کسانو سرونه پرې کړي دي. زما له پلار بختیار سره دومره صلاحیت نه و، چې دا ۳۱ کسان ترې بچ کړي.

د داعش دغه جنګیالي زیاته کړې؛ داسې کسان، چې داسې ظلمونه کوي باید اعدام شي.

د نوموړي د څرګندونو له مخې شاهین او سپرغۍ دواړه عادلخېلي وه او په دې ډله کې همدوی دغه کارونه کول.  

حکومت ته د داعش تسلیم شوي جنګیالي عادل ويلي، دوه کاله یې د حکومت ضد وسله کارولې؛ خو د خپلو ملګرو د خرابو کړونو پر لامل حکومت ته راغی.

هغه زیاته کړې، چې د داعش رادیو او انترنیتي ویبپانې هره ورځ د ده په څېرلګسونه ځوانان تېرباسي او د دوی لیکو ته وردننه کیږي.

لس تنه د طالبانو په نوم له سولې بهیر سره یوځای شوي؛ خو ویښوونکې داده، چې د داعش او طالبانو یوځای شوي جنګیالي خپل جرمونه مني او وایي: د جګړې ټولې لارښوونې او امکانات پاکستان ورکول، ان تردې، چې دواړوته یې د یو بل د وژلو جواز هم ورکړی و.

دې پېنځلس تنو جنګیالیو خپله پېنځلس میله سپکه اودرنده وسله هم حکومت ته سپارلې ده.

حکومت دوی معاف کړل؛ خو شخصي دښمنۍ یې خپل کار دي؛ دولت  تریوې مودې دوی ته نغدې پیسې ورکوي او ورته د کار زمینه هم برابره وي؛ خو د ځان ساتنه به پخپله کوي.

طالبان ډېر کله د دوی په ادرس یوځای شوي کسان جعلي بولي؛ خو حکومت وايي، یوځای شوي کسان کره طالبان او داعشیان دي.

خبریال: رحمت الله زیارمل

تازه خبرونه

دوستم له طالبانو سره د جګړې ډګر ته بیا ستون شو

Ariana News

خپور شوی

په

توسط

(Last Updated On: January 19, 2021)

د ولسمشر اشرف غني پخوانی مرستیال مارشال عبدالرشید دوستم د جګړې ډګر ته ستون شوی او د فاریاب ولایت په قرمقل ولسوالۍ کې له طالب جنګیالیو سره د جګړې لپاره د خپلو جنګیالیومشري کوي.

ویل کیږي، چې د نوموړي پر ​​مشرۍ د ۱۲ ګړیو په عملیاتو کې د ولسوالۍ ځینې برخې له وسلوالو طالبانو پاکې شوې دي.

مارشال عبدالرشید دوستم خپلو جنګیالیو ته داسې سپارښتنه کوي: د لیوانو په څېر کورونو ته ننوځئ، د کورونو پلټنه وکړئ، دیوالونه یې سوري کړئ او وګورئ؛ خو له ځانه هم خبر اوسئ. د طالبانو قومندانان حتماً همدلته دي. دا ټول ووهئ او خپله یوه ګولۍ هم باید له لاسه ورنکړئ.

د دوستم په مشرۍ د عملیاتو لامل د طالب وسلوالو پر وړاندې په مبارزه کې د دولتي ځواکونو ملاتړ ښودل شوی دی.

د اردو یو قومندان محب الله ویلي؛ د هغه (دوستم) په مرسته مونږ وکولی شول هغه کلي بېرته ونیسو، چې د دښمن تر څارنې لاندې ول.

دا لومړۍ جګړه نده، چې دوستم یې مشري کوي؛ د کلونو په اوږدو کې هغه په ​​بېلابېلو وختونو کې له طالبانو سره د جګړې لپاره د جنګیالي رهبري کړي او که څه هم هغه په ​​رسمي ډول د دولت لخوا نه دی ګومارل شوی؛ خو بیا هم د اړتیا په وخت کې د دندې غوښتنې ته پام کوي. هغه د طالبانو ضد لوی شخصیت هم ګڼل کیږي.

دوستم له۲۰۱۴ څخه تر ۲۰۲۰ پورې د افغانستان د ولسمشر اشرف غني د مرستیال په توګه دنده ترسره کړې او ځان یې تر مارشالۍ ورساوه.

د یادونې ده، چې په ۲۰۰۱ کې هغه د امریکا د ځانګړیو ځواکونو او سي آی اې کليدي ملګری و، چې د طالبانو د رژیم د سقوط لپاره یې ورسره ملګرتیا روانه وساتله.

Continue Reading

تازه خبرونه

طالبانو د خپلې اجنډا د سپارلو لپاره وخت غوښتی – سرچینې

Ariana News

خپور شوی

په

توسط

(Last Updated On: January 18, 2021)

د افغانستان د حکومتي پلاوي سرچینو منلې، چې د طالبانو مرکچي پلاوي د خپلې اجنډا د وروستي کولو لپاره د افغانستان له جمهوریت پلوي مرکچي پلاوي څو ورځې وخت غوښتی او دا غوښتنه د مرکچي پلاوي د مشرانو او ځینو غړیو د تېرې شپې په ناسته کې رامنځته شوې؛ خو جمهوریت پلوي پلاوي خپله اجنډا له ترتیبولو وروسته طالبانو ته سپارلې ده.

له څو ورځو دمې وروسته دا دی د دوشنبې پر شپه د جمهوریت او امارت د مرکچي پلاوو مشرانو او ځینو غړیو پر اجنډا خبرې له سره پیل کړې. په دوحه کې د جمهوریت پلوي مرکچي پلاوي اړوندو سرچینو ویلي؛ د دوی لخوا د سولې خبرو لپاره اجنډا بشپړه شوې او د طالبانو مرکچي پلاوي ته سپارل شوې ده.

د دې سرچینو د څرګندونو له مخې، طالبانو جمهوریت غوښتونکي پلاوي ته د خپلې اجنډا د سپارلو لپاره څو ورځې وخت غوښتی دی.

د سولې په چارو کې د دولت وزارت ویانده ناجیه انوري وایي: په پرونۍ ناسته کې د اجنډا پر موضوعاتو او راټولولو او د پرمختګونو پر څرنګوالي خبرې وشوې. د نن ورځې د ناستې په اړه تر دې دمه پرېکړه نده شوې.  

طالبانو په دې اړه تر دې دمه څه ندي ویلي.         

دغه راز د آسټرالیا لومړي وزیر له ولسمشر غني سره په ټیلیفوني خبرو کې له طالبانو غوښتي، چې اوربند ومني.

د ناټو سرمنشي بیا له ولسمشر غني سره په خبرو کې ویلي؛ د افغانستان په اړه د ناټو دریځ بدل شوی ندی او د پوځیانو حضور به یې د افغانستان د شرایطو پر بنسټ وي.

د ولسي جرګې مشر میر رحمان رحماني ویلي؛ د خبرو پېچلتیا، د اجنډا په جوړولو کې ځنډ، د طالب پلاوي نه لیوالتیا، په هېواد کې دننه د سیاسي اجماع نشتون، د ملي پخلاینې د رهبرۍ په شورا کې د همغږۍ نشتوالي هوکړې ته رسیدل ستونزمن کړي دي.          

د امریکا مرستیال ولسمشر مایک پېنس په افغانستان کې دوه نیم زرو ته د سرتېرو د شمېر له رسولو وروسته ټینګار کړی، چې که له طالبانو سره د واشنګټن د هوکړه لیک شرایط پلي شي؛ نور سرتېري به هم له افغانستان څخه ووځي.

مایک پینس زیاته کړې؛ هغه ورځ به را ورسیږي، چې په افغانستان کې جګړه پای ته ورسیږي. په افغانستان کې ستاسو ماموریت د امریکا د امنیت لپاره حیاتي و.

دا په داسې حال کې ده، چې نن د ملي پخلاینې عالي شورا مشر او پخواني ولسمشر حامد کرزي  ترمنځ په لیدنه کې د تاوتریخوالي پر بیړني کمښت ټینګار شوی.

Continue Reading

تازه خبرونه

نن د کابل ښار د ۶ ناحیې او ۱۱ حوزې په اړوند سیمو کې چاودنې شوي

Ariana News

خپور شوی

په

توسط

(Last Updated On: January 18, 2021)

نن سهار ۸:۳۷ د شپږمې ناحیې د شورا او ۱۰:۱۰ د یوولسمې امنیتي حوزې د خیرخانې په اړوند سیمو کې د ماین چاودنې رامنځته شوې دي.

د کابل پولیسو ویلي، چې نن سهار اته بجې او اووه دېرش دقیقې د شپږمې ناحیې د شورا په اړوند سیمه کې د مخابراتو او معلوماتي ټکنالوژۍ وزارت پر اړوند پراډو موټر چاودنه شوې، چې ځاني زیان نلري.

د مخابراتو وزارت دغه راپور رد کړی او وايي، چې دا موټر د اترا د دفتر و.

د ماین دوه یمه چاودنه د کابل د یوولسمې حوزې په خیرخانه سیمه کې لندکروزر رامنځته شوې.

د کابل پولیسو دا پېښه هم منلې او وایي، چې په چاودنه کې هیڅ څوک ټپي شوی ندی.

دوی زیاته کړې، چې لومړۍ چاودنې پراډو او دوه یمې هغې لندکروزر موټر زیانمن کړي دي.

دا په داسې حال کې ده، چې د یکشنبې پر سهار( د مرغومي ۲۸) د سترې محکمې د کارمندانو پر موټر د ناڅرګندو وسلوالو لخوا ډزې شوي، چې په کې دوه ښځینه قاضیانې وژل شوي؛ د درېور او یو لاروي  په ګډون درې نور ټپیان دي.

Continue Reading

Trending

آریانا نیوز. کلیه حقوق محفوظ است