Connect with us

تازه خبرونه

په ننګرهار کې پولیسو د یوې کورنۍ ۶ غړي د انسان تښتونې پر تور نیولي

Ariana News

خپور شوی

 په

(Last Updated On: March 12, 2018)

د ننګرهار ولایت په جلال آباد ښار کې پولیسو د یوې کورنۍ څلور تنه نرینه او دوه ښځینه د یوې څلورکلنې ماشومې د تښتونې په تور نیولي؛ خو نیول شویو کسانو د ځان په اړه دا یوه دسیسه ګڼلې ده.

د ننګرهار امنیه قومندانۍ ویاند حضرت حسین مشریقوال وايي، دې کسانو د بي بي فاطمة الزهرا له روغتون څخه یوه څلور کلنه ماشومه تښتولې وه، چې ژغورل شوې ده.

د ژغورل شوې ماشومې پلار فرهاد ساپی وايي؛ میرمن یې په یاد دولتي روغتون کې دنده لري، چې ماشومه لور هم له ځان سره وړي.

هغه زیاته کړې، چې لور یې له روغتون څخه تښتول شوې وه؛ خو درې ساعته وروسته پولیسو ژغورلې ده.

د ماشومې د تښتونې پر تور نیول شوي کسانو ویلي، چې ورته دسیسه جوړه شوې ده.

نیول شویو میرمنو ویلي؛ ورکه شوې نجلۍ د دوی له وړو ماشومانو سره کور ته ورغلې وه، خو درې ساعته وروسته دوی خپله پولیسو ته سپارلې ده.

پولیسو تورن کسان د نورو څېړنو لپاره اړوند ادارو ته سپارلي دي.

تېره ورځ هم یوه اته میاشتنۍ ماشومه د یږې ښځې او درې نرینه وو څخه د دغه ولایت په څلورمه ناحیه کې ژغورل شوې وه.

په ننګرهار کې د انسان تښتونې پېښې تر بل هر وخت ډېرې شوي دي. افغان ځواکونو ګڼ داسې انسان تښتوونکي هم نیولي، چې پخپل جرم یې اعتراف کړی؛ خو خلک وايي، په دې تور ځينې بې ګناه کسان د شخصي ستونزو پر بنسټ زندانونو ته اچول شوي او اوس هم اچول کېږي.

خبریال: رحمت الله زیارمل

تازه خبرونه

تهران او اسلام آباد دې د سولې له بهیره ملاتړ وکړي – روسیه

Ariana News

خپور شوی

په

توسط

(Last Updated On: June 23, 2021)

د روسیې دفاع وزیر سرګې شویګو د چارشنبې پر ورځ د چنګاښ ۲ ویلي، چې په افغانستان کې سوله او ثبات د ایران او پاکستان له ملاتړ پرته ناشوني دي.

د روسیې دفاع وزیر سرګې شویګو د نړیوال امنیت په اړه د مسکو نهم کنفرانس ته د وینا پر مهال څرګنده کړې، چې د افغانستان روان وضعیت د ګاونډ هېوادونو او نړیوالو سازمانونو ځانګړې پاملرنې ته اړتیا لري.

نوموړي زیاته کړې؛  په تېرو ۲۰ کلونو کې د امریکا او ناټو سرتېرو ونکړای شول، چې د دې هېواد په اړه رښتینې پایلې ترلاسه کړي.

هغه خبرداری ورکړ، چې د بهرنيو سرتېرو له وتلو وروسته به په افغانستان کې د کورنۍ جګړې د رامنځته کېدو شونتیا ډېره شي.

پخواني ولسمشر حامد کرزي هم د دې کنفرانس ګډونوالو ته په وینا کې له روسیې، چین، پاکستان او د سیمې له نورو هېوادونو وغوښتل، چې د افغانستان د سولې له بهیره خپل ملاتړ نور هم ډېر کړي.

هغه ویلي؛ د کابل د لویدیځ د سیدالشهدا د نجونو پرښوونځي وروستي بریدونه، چې په کې له ۸۰ ډېر زدکوونکي ووژل شول د افغانانو د درد او کړاو یوه روښانه بېلګه ده.

حامد کرزي زیاته کړې: دا د افغانستان د خلکو حق دی، چې باثباته راتلونکی جوړ کړي؛ خو دوی دا کار د روسیې په ګډون د نورو ځواکمنو هېوادونو له مرستې پرته نشي ترسره کولی.

دی زیاتوي؛ د افغانستان خلکو درې کاله مخکې د زړه له کومي د سولې له بهیره ملاتړ وکړ؛ خو نن حالات مخ پر خرابیدو دي. مونږ باور لرو، چې له پاکستان سره د روسیې او چین ګډون به د سولې لپاره د پام وړ وي.

هغه وایي: مونږ هیله من یو، چې ایران به هم له دې بهیر سره یوځای شي.

کرزي د وروستۍ ترویکا په ګډون د سولې له بهیره د ګوندونو د یوځای کولو په اړه د روسیې له همکاریو ملاتړ څرګند کړ او پدې اړه وایي؛ سوله او ثبات په افغانستان کې له یوې با ثباته او سوکالې سیمې سره تړلي دي.

د نوموړي د څرګندونو له مخې؛ افغانستان د دې سیمې په زړه کې دی … او د افغانستان خلک د سیمې په زړه کې دي.

حامد کرزی وایي؛ زه هیله من یم، چې تاسې به دې (سولې ) ته د رسیدو لپاره له مونږ سره ونډه او ګډون ولرئ. مونږ غواړو پخپلو پښو ودریږو او تکیه مو پر نور هېوادونو نه وي.

Continue Reading

تازه خبرونه

له ۵۰ سلنې ډېرو امریکایي سرتېرو افغانستان خوشې کړی

Ariana News

خپور شوی

په

توسط

(Last Updated On: June 23, 2021)

د امریکا مرکزي قومندانۍ (سینټکام) په ډاګه کړې، چې له افغانستان څخه د امریکايي ځواکونو د وتلو بهیر له ۵۰ سلنې ډېر بشپړ شوی دی.

سینټکام په ډاګه کړې؛ د جوبایډن له پرېکړې وروسته، چې له افغانستان څخه امریکایي سرتېري وباسي؛ دفاع وزارت لږ تر لږه د بویینګ سي – ۱۷ الوتکو ۷۶۳ پر تجهیزاتو بار الوتنې له افغانستان څخه تر سره کړي او۱۴۷۹۰ قطعې نور تجهیزات به د دې هېواد د لوژستیک دفاع ادارې ته وسپارل شي.

امریکا تر دې دمه د شپږ پوځي اډو مسوولیت افغان ځواکونو ته سپارلی دی.

په دې خبرپاڼه کې راغلي: مونږ په راتلونکي کې د نورو امنیتي اډو او تاسیساتو لیږد ته هم سترګې پر لار یو؛ ځکه دا به له افغان امنیتي او دفاعي ځواکونو سره مرسته وکړي، چې د خپلو خلکو د ثبات او دفاع لپاره هڅې کوي.

سینټکام اټکل کړی، چې مونږ د وتلو د پړاوونو له ۵۰ سلنې ډېر بشپړ کړي.

Continue Reading

تازه خبرونه

پاکستان د افغانستان پر روان وضعیت اندېښمن دی

Ariana News

خپور شوی

په

توسط

(Last Updated On: June 23, 2021)

د پاکستان د بهرنیو چارو وزیر شاه محمود قریشي په افغانستان کې د تاوتریخوالي پر ډېرېدو اندېښنه څرګنده کړې او وایي، چې د ځواک پر زور د واک خپلول د افغانستان په ګټه ندي.

هغه په دې اړه ویلي: نړۍ دې پایلې ته رسیدلې، چې د افغانستان د روان جنګ لپاره پوځي حل نشته او د زور له لارې پر افغانستان  برلاسي کېدل د هغه هېواد په ګټه ندي.

قریشي زیاته کړې: هلته به جګړه او ویېدنې وي او مونږ د افغانستان زیانمنېدل نه، بلکې ښه راتلونکې یې غواړو.

هغه ویلي: زما پر اند؛ کله، چې ما د افغانستان له خلکو سره ولیدل، هغو سوله غواړي او له جګړې ستړي شوي دي.

د پاکستان د بهرنیو چارو وزیر وايي، چې افغانستان یو داسې مشر ته اړتیا لري، چې سولې ته یې د رسولو مشري وکړي.

حهه په ډاګه کړې؛ نن که طالبان ټینګار کوي، چې اسلامي امارت غواړي او اشرف غني وایي، چې  جمهوري او هوکړې ته سره ونه رسیږي. د افغانستان راتلونکې به څه شي؟! افغانان د خپل د خپل نن په اړه فکر کوي.

هغه یو ځل بیا ټینګار وکړ، چې پاکستان به له افغانستان څخه د بهرنیو ځواکونو له وتلو وروسته د امریکا د اډو کوربتوب ونکړي.

هغه وایي: دا مسله تړل شوې او د اسلام آباد دریځ روښانه دی؛ مونږ به د سولې لپاره همکاري کوو، نه په جګړه کې.

نوموړي زیاته کړې؛ د دې (مسلې) وخت تېر شوی، دا پای ته رسیدلې او دا په ډاګه شوې او یوه پالیسي ده.

Continue Reading

Trending

آریانا نیوز: ټول حقونه خوندي دي