Connect with us

تازه خبرونه

په ننګرهار کې د یوې میرمنې په ګډون ۳ انسان تښتوونکي نیول شوي

خپور شوی

د

(Last Updated On: لړم ۲, ۱۴۰۱)

د ننګرهار ولایت د رسنیو دفتر په ډاګه کړې، چې د ددغه ولایت د مرکز جلال آباد ښار په اړوند سیمه کې د مرورې ساپۍ په نوم د یوې داکترې له کتنځي( معاینه خانه)  یو ماشوم تښتول شوی و؛ خو د اته میاشتو دا ماشوم د تښتوونکیو له منګولو آزاد او په تور یې د یوې میرمنې په ګډون ۳ انسان تښتوونکي نیول شوي دي.

د ننګرهار والي ویاند عطاالله خوږیاڼی ویلي؛ د ملي امنیت مؤظفینو له لورې د یو لړ عملیاتو په ترڅ کې د یوې میرمنې په ګډون ۳ انسان تښتوونکي ونیول، چې یوه اوونۍ وړاندې یې په جلال آباد ښار کې د ډاکترې مرورې له کتنځي تښتول شوی و؛ خو اته میاشتنی ماشوم یې د دوی له منګولو آزاد او خپلې کورنۍ ته وسپارل شو.

نوموړي زیاته کړې، چې یوه اوونۍ وړاندې د جلال آباد ښار د څلورمې ناحیې اړوند په بسم الله صحت پلازې کې د داکترې مرورې ساپۍ له کتنځي څخه حمزه نومی د اته میاشتو ماشوم تښتول شوی و.

د خوږیاڼي په وینا؛ د ملي امنیت کارکوونکیو په هلو ځلو کې د جلال آباد ښار د څلورمې ناحیې په بیز اکمالاتي سیمه کې د یوې میرمنې په ګډون درې انسان تښتوونکي ونیول شول او د تښتوونکیو له منګولو یې یاد ماشوم ژوندی تر لاسه او خپلې کورنۍ ته وسپاره .

د یاد ماشوم پلار زرغون د ملي امنیت زړورو منسوبینو څخه مننه وکړه، چې معصوم ماشوم یې ورته د تښتوونکیو له منګولو روغ رمټ ژغورلی او دوی ته یې د سپارلو ترڅنګ انسان تښتوونکي هم ونیول .

درې وسله وال طالبان ووژل شول او ۵ شکمن کسان ونیول شول .

دغه راز د دغه دفتر د یوې بلې خبرپاڼې له مخې؛ د ننګرهار ولایت د چپرهار ولسوالۍ په غلام ډاک سیمه کې تېره شپه د ملي امنیت ځانګړیو ځواکونو په عملیاتو کې ۳ وسلوال طالبان وژل شوي او ۵ شکمن کسان ژوندي نیول شوي دي.

ویل کیږي، چې د دغو عملیاتو پر مهال د وسلوالو طالبانو دوه موتر سایکلونه او یو شمېر مهمات هم لمنځه وړل شوي او یو میل کلاشینکوف هم د امنیتي ځواکونو لاسته ورغلي دي.

په ترسره شوو عملیاتو کې امنیتي ځواکونو ته کوم زیان ندی اوښتی .

د یادونې وړ ده، چې د هېواد په بېبلابېلو سیمو کې جنایي جرمونه او د انسان تښتونې پېښې ډېرې شوې دي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!